గిల్-సారా : ఈ సారి డైరెక్ట్ లవ్ ఎమోజీ

గత ఐపీఎల్ సీజన్లో ఎమర్జింగ్ ప్లేయర్ ఆఫ్ ది టోర్నమెంట్‌గా సత్తా చాటాడు శుభమన్ గిల్. ఈసారి అదే జోరు చూపించాలని ఆరాటపడుతున్నాడు. ఈ సీజన్ తొలి మ్యాచ్‌లో చెప్పుకోదగ్గ ప్రదర్శన చేయలేకపోయాడు. కోల్‌కతా తరఫున ఆడుతున్న గిల్.. ముంబైపై 11 బంతుల్లో 7 పరుగులు మాత్రమే చేసి పెవిలియన్ చేరాడు. మిగతా బ్యాట్స్‌మెన్ కూడా విఫలం కావడంతో ఈ మ్యాచ్‌లో కోల్‌కతా పరాజయం చవిచూసింది. కాగా ముంబై ఇండియన్స్‌తో జరిగిన మ్యాచ్‌లో గిల్ అద్భుత ఫీల్డింగ్‌ను ప్రశంసిస్తూ.. సచిన్ టెండుల్కర్ కుమార్తె సారా టెండుల్కర్ ఇన్‌స్టాగ్రామ్‌లో ఓ పోస్టు పెట్టింది.  లవ్ ఎమోజీలను ఆ పోస్టుకు జత చేసింది. దీంతో ఆమె ముంబై ఇండియన్స్‌ను మద్దతు తెలుపుతుందో లేక కోల్‌కతాకు సపోర్ట్ చేస్తుందో తెలియక అభిమానులు అయోమయంలో పడిపోయారు.

ఇంతకు ముందు కూడా సారా, గిల్.. సోషల్ మీడియాలో ఒకే క్యాప్షన్‌తో ఫొటోలు పెట్టి డేటింగ్  అనుమానాలకు తావిచ్చారు. ఇన్‌స్టాగ్రామ్‌లో తన ఫొటోను పోస్టు చేసిన సారా.. ‘I Spy’ అనే హైడ్ లైన్ పెట్టగా.. కాసేపటికే శుభమన్ గిల్ కూడా ట్విట్టర్లో అదే క్యాప్షన్ తో తన ఫొటోతో వాలిపోయాడు. ఈ విషయాన్ని పసిగట్టిన నెటిజన్లు.. వీరిద్దరి మధ్య సమ్ థింగ్, సమ్ థింగ్ జరుగుతుందని అనుమానాలు వ్యక్తం చేశారు. సారా తాజా ఇన్‌స్టాగ్రామ్ స్టోరీతో ఆ రూమర్లకు మరింత బలాన్ని ఇచ్చినట్లు అయ్యింది.

Also Read :

మామకు అనారోగ్యం, పరామర్శించిన సీఎం జగన్