ఢిల్లీ ఢమాల్.. జోరులో చెన్నై..

ఢిల్లీ క్యాపిటల్స్‌పై చెన్నై సూపర్ కింగ్స్ పైచేయి సాధించింది. ఐపీఎల్ లీగ్‌లో భాగంగా స్థానిక చిదంబరం స్టేడియంలో ఢిల్లీ క్యాపిటల్స్‌తో జరిగిన మ్యాచ్‌లో సీఎస్‌కే 80 రన్స్ తేడాతో ఘన విజయం సాధించింది.

సీఎస్‌కే నిర్ధేశించిన 180 రన్స్ లక్ష్యంతో బరిలోకి దిగిన ఢిల్లీ.. కేవలం 99 రన్స్‌కే కుప్పకూలింది. ఇమ్రాన్ తాహీర్ 4, జడేజా 3 వికెట్లతో రెచ్చిపోయారు. కెప్టెన్ శ్రేయాస్ అయ్యర్ 44 రన్స్‌తో ఒంటరి పోరాటం చేశాడు. సీఎస్‌కే బౌలర్ల ధాటికి అయ్యర్, ధావన్‌లు మినహా ఏ ఒక్కరు కూడా డబుల్ డిజిట్ స్కోర్ అందుకోలేక చేతులెత్తేశారు. దీంతో ఢిల్లీ ఖాతాలో మరో ఓటమి తప్పలేదు.