Breaking News
  • వెదర్ రిపోర్ట్: తెలంగాణలో ఈరోజు, రేపు అతి భారీ వర్షాలు. ఉత్తర కోస్తా ఒరిస్సా, గ్యాంగేటిక్ పశ్చిమ బెంగాల్ పరిసర ప్రాంతాల్లో కొనసాగుతున్న అల్పపీడనం. దీనికి అనుబంధంగా 7.6 కి.మీ ఎత్తు వరకు కొనసాగుతున్న ఉపరితల ఆవర్తనం. రాగల 24 గంటల్లో ఇది మరింత బలపడే అవకాశం. భారతదేశం మీదుగా 5.8కి.మీ నుంచి 7.6 కి.మీ మధ్య ఏర్పడిన తూర్పు- పశ్చిమ shear జోన్. ఈరోజు అక్కడక్కడ ఉరుములు, మెరుపులతో పాటు తేలికపాటి వర్షాలు. ఈరోజు, రేపు ఆదిలాబాద్, నిర్మల్ ,కొమురం భీం- ఆసిఫాబాద్ ,మంచిర్యాల, నిజామాబాద్ ,జగిత్యాల, రాజన్న సిరిసిల్ల, పెద్దపల్లి, కరీంనగర్ ,జయశంకర్ భూపాలపల్లి ,ములుగు, వరంగల్ పట్టణ, గ్రామీణ, భద్రాద్రి కొత్తగూడెం, ఖమ్మం, నల్గొండ ,సూర్యాపేట జిల్లాలో భారీ అతి భారీ వర్షాలు. -వాతావరణ శాఖ సీనియర్ సైంటిస్ట్ రాజారావు.
  • అమీన్ పూర్ కేసును పర్యవేక్షించాలని ఉమెన్స్ సెక్యూరిటీ వింగ్ అడిషనల్ డీజీ స్వాతి లాక్ర కు డిజిపి అదేశం. కేసు విచారణ కొరకు ప్రత్యేక అధికారిని నియమించాలని ఆదేశం. కేసుకు సంబంధించి ఎప్పటికప్పుడు పర్యవేక్షించాలన్న డీజీపీ మహేందర్ రెడ్డి. కేసు నమోదు అయినప్పటి నుంచి నిందితుల అరెస్ట్ వరకు వివరాలు తేప్పించుకున్న స్వాతి లక్రా. ఉమెన్స్ సెక్యూరిటీ వింగ్ నుంచి ప్రత్యేక అధికారిని నియమించిన స్వాతి లక్రా. నిందితుల అరెస్టు, trails, కేసు విచారణ వరకు ప్రత్యేక దృష్టి పెట్టి నున్న స్వాతి లక్రా.
  • నల్గొండ ఎస్పీ రంగనాథ్ కు డీఐజి గా పదోన్నతి ఇస్తూ ప్రభుత్వం ఉత్తర్వులు . డీఐజి హోదాలో నల్గొండ ఎస్పీ గా పనిచేయనున్న రంగనాథ్.
  • విజయవాడ: ప్రకాశం బ్యారేజి కి భారీగా వరద నీరు. 70 గేట్లు అడుగు మేర ఎత్తివేత. ప్రకాశం బ్యారేజి కి ఇన్ ఫ్లో 70 వేల క్యూసెక్కులు. ఔట్ ఫ్లో 50750 క్యూసెక్కులు.. తాగు సాగు నీరు కోసం 10800 క్యూసెక్కులు ఈస్ట్ కెనాల్, వెస్ట్ కెనాల్ ద్వారా విడుదల. రెండు రోజుకు పాటు వరద ప్రవాహం ఉంటుందని అంటున్న అధికారులు. దిగువ ప్రాంత ప్రజలు అప్రమత్తంగా ఉండాలని సూచన.
  • తిరుపతి: కరోనా తో మృతి చెందిన వ్యక్తి మృతదేహానికి అంత్యక్రియలు చేసిన ఎమ్మెల్యే. గోవిందదామంలో దహనక్రియలు నిర్వహించిన ఎమ్మెల్యే భూమన కరుణాకర్ రెడ్డి, నగరపాలక సంస్థ కమిషనర్ గిరీష. కోవిడ్ వల్ల చనిపోయిన వారికి వైరస్ 6 గంటల పైనే ఉండదని ప్రజలకి అవగాహన కల్పించెందుకు ఇలా అంత్యక్రియలు చేశామన్న ఎమ్మెల్యే. కరోనా వైరస్ తో చనిపోయిన వారు దహన క్రియలకు కుటుంబ సభ్యులు రాకపోవడం చాలా బాధించిందన్న ఎమ్మెల్యే.
  • విజయవాడ రమేష్ ఆసుపత్రికోవిడ్ కేర్ సెంటర్ అగ్నిప్రమాద ఘటనలో ముగిసిన డాక్టర్ మమత విచారణ ఆరుగంటలపాటు పలు ప్రశ్నలపై డాక్టర్ మమతను ప్రశ్నించిన ఏసీపీ సూర్యచంద్రరావు మృతుల బంధువుల ఆరోపణల పై డాక్టర్ మమత నుంచి వివరాలు సేకరించిన పోలీసులు కోవిడ్ కేర్ సెంటర్ లో రమేష్ ఆసుపత్రి వసూలు చేస్తున్న ఫీజులపై వాస్తవాలు రాబట్టే ప్రయత్నం చేసిన పోలీసులు నోటీసులు ఇవ్వటం తో విచారణకు హాజరు అయ్యాను -డాక్టర్ మమత పోలీసులు అడిగిన ప్రశ్నలన్నింటికీ సమాధానం చెప్పాను -డాక్టర్ మమత నన్ను పోలీసులు ఎలాంటి ఇబ్బంది పెట్టలేదు -డాక్టర్ మమత

ఇంటర్నెట్ ప్రోటోకాల్ ముఠా గుట్టు రట్టు

Internet Protocol gang arrested, ఇంటర్నెట్ ప్రోటోకాల్ ముఠా గుట్టు రట్టు

కడప జిల్లాలో ఇంటర్నెట్ ప్రోటోకాల్ దందా మూడు కాల్స్..ఆరు రింగులుగా సాగుతోంది..రాజంపేట పట్టణంలో అధికారుల కళ్లుగప్పి రెండేళ్లుగా కోట్ల రూపాయలు గడించిన ముఠాను పోలీసులు అదుపులోకి తీసుకున్నారు. సాంకేతిక పరిజ్ఞానాన్ని వినియోగించి అడ్డదారిలో అంతర్జాతీయ ఫోన్ కాల్స్ దందా నడుపుతున్నముగ్గురు వ్యక్తులను అదుపులోకి తీసుకున్నారు. వీరి వద్ద నుంచి 500 సిమ్ కార్డులను స్వాధీనం చేసుకున్నారు. అనంతరం మీడియా సమావేశం ఏర్పాఉట చేసిన పట్టణ సీఐ శుభ కుమార్ వివరాలు వెల్లడించారు.
ఇతర దేశాలకు వెళ్లిన వారు ఇక్కడి వారితో మొబైల్ ఫోన్ ద్వారా మాట్లాడాలనుకుంటే ప్రభుత్వానికి నిమిషానికి 32 పైసల చొప్పున చెల్లించాల్సి ఉంటుంది. అలా చెల్లించే అవసరం లేకుండా ప్రభుత్వం కళ్లు గప్పి అడ్డదారిలో అంతర్జాతీయ కాల్స్ మాట్లాడినందుకు కొంతమంది పథకం వేశారు. ఇందులో భాగంగా విదేశాలలో ఉన్న కొందరు స్థానికంగా కొంతమంది తమ ప్రతినిధులుగా నియమించుకున్నారు. ఇంటర్‌నెట్‌ ద్వారా ఫోన్లు చేస్తే ఇక్కడ ఉన్న వారి పరికరం తో అనుసంధానం అయ్యేలా చేశారు. అక్కడ నుంచి ఇంటర్నెట్ ద్వారా ఫోన్ వచ్చినా, స్థానికులకు మాత్రం లోకల్ నెంబర్ ద్వారా వచ్చినట్లు కనిపించేలా ఈ విధానాన్ని రూపొందించారు. ఈ క్రమంలో ఆయా దేశాలలో దాదాపు 500 మంది ప్రతినిధులను ఎంచుకున్నారు. విదేశాలలో ఉన్న వారు తమ బంధువులు కుటుంబ సభ్యులతో మాట్లాడేందుకు అక్కడి ప్రతినిధులను సంప్రదిస్తారు. వారు ఇంటర్‌నెట్‌ ద్వారా ఇక్కడున్న వారికి కాల్ చేస్తారు. ఇక్కడ ఉన్నవారి ప్రతినిధులు లోకల్ నెట్‌వర్క్‌ ద్వారా ఇక్కడి వారికి కాల్ కనెక్ట్ చేసి మాట్లాడిస్తారు. ఇందుకు ప్రజల నుంచి భారీగా వసూలు చేస్తారు.
దాదాపు రెండేళ్లుగా జరుగుతున్న ఈ తతంగాన్ని ముందుగా హర్యానా లో ఉన్న డిపార్ట్‌మెంట్‌ ఆఫ్ టెలికమ్యూనికేషన్స్ ప్రధాన కార్యాలయం అధికారులు గుర్తించారు. అన్ని ప్రాంతాల అధికారులను అప్రమత్తం చేశారు. ఈ నేపథ్యంలో కడప జిల్లాలోని రాజంపేట ప్రాంతం నుంచి ఎక్కువ సంఖ్యలో అంతర్జాతీయ కాల్స్ వెళ్తున్నట్లు స్థానిక అధికారులు గుర్తించారు. పట్టణంలోని రెడ్డి వారి వీధికి చెందిన లక్ష్మీనారాయణ తన ఇంటి పై నిర్వహిస్తున్న కేంద్రం ద్వారా ఎక్కువ కాలం మాట్లాడుతున్నట్లు గుర్తించి పోలీసులకు ఫిర్యాదు చేశారు. ఈ నేపథ్యంలో తనిఖీ చేసిన పోలీసుఉల….500 సిమ్ కార్డు వినియోగించి రెండున్నర లక్షల చొప్పున కట్టినట్లు వివరించారు. లక్ష్మీనారాయణ సహాయకుడు మున్నాను అదుపులోకి తీసుకున్నట్లు తెలిపారు. ప్రధాన నిందితులను త్వరలోనే అరెస్టు చేస్తామని సీఐ శుభకుమార్‌ తెలిపారు.

Related Tags