Breaking News
  • రేపు 9 రాష్ట్రాల ముఖ్యమంత్రులతో ప్రధాని వీడియో కాన్ఫరెన్స్. కోవిడ్-19 స్థితిగతులపై ఉదయం గం. 11.00కు ప్రారంభం కానున్న సమావేశం. వీడియో కాన్ఫరెన్సులో ఆంధ్రప్రదేశ్, బిహార్, గుజరాత్, కర్ణాటక, మహారాష్ట్ర, పంజాబ్, తమిళనాడు, తెలంగాణ, ఉత్తరప్రదేశ్ రాష్ట్రాల ముఖ్యమంత్రులు, చీఫ్ సెక్రటరీలు. ప్రధానితో పాటు సమావేశంలో పాల్గొననున్న కేంద్ర మంత్రులు రాజ్‌నాథ్ సింగ్, నిర్మలా సీతారామన్, డా. హర్షవర్థన్, కిషన్ రెడ్డి, కేబినెట్ సెక్రటరీ, హోం సెక్రటరీ. నేడు 6 రాష్ట్రాల సీఎంలతో జరిగిన సమావేశంలో కూడా కిషన్ రెడ్డికి చోటు.
  • విజయవాడ : చోటా రౌడీ గ్యాంగ్ ని అరెస్టు చేసిన అజిత్ సింగ్ నగర్ పొలీసులు. విజయవాడ అజిత్ సింగ్ నగర్ లో స్ట్రీట్ ఫైట్ చేధించిన అజిత్ సింగ్ నగర్ పోలీసులు. పాత గొడవలు నేపథ్యంలో పుట్ట వినయ్ అనే యువకుడి పై ముకుమ్మడిగా దాడి చేసిన ఐదుగురు యువకులు. గాయాల పాలైన యువకుడు అజిత్ సింగ్ నగర్ పీఎస్ లో ఫిర్యాదు. గంటల వ్యవధిలో కేసుని ఛేదించిన పోలీసులు.
  • ఇంటర్ డిగ్రీ అడ్మిషన్లపై నిర్ణయం తీసుకున్న విద్యాశాఖ. -ఎంట్రెన్స్ టెస్టులు నిర్వహించనున్న తెలంగాణ ప్రభుత్వం. ఇంటర్ - సెప్టెంబర్ 1 తర్వాత అడ్మిషన్స్ పై నిర్ణయం డిగ్రీ - 28 నుంచి అడ్మిషన్స్ . సెట్స్ : Ecet - aug 8. Mcet- 9,10,11,14 sep Poly set - 2 sep ఎంట్రెన్స్ ఎగ్జామ్స్ అన్ని TCS ద్వారా ఆన్లైన్ పరీక్షలు. Degree పరీక్షలు సుప్రీం చెప్పిన తర్వాత నిర్ణయం . 17 ఇంటర్ నుంచి డిజిటల్ క్లాసులు ప్రారంభం .
  • రాజస్థాన్‌ రాజకీయాల్లో శరవేగంగా మారుతున్న పరిణామాలు. పార్టీకి మళ్లీ దగ్గరవుతున్న తిరుగుబాటు నేత సచిన్ పైలట్. రాహుల్, ప్రియాంక గాంధీలతో సచిన్ మంతనాలు. సీఎం అశోక్ గెహ్లోత్ తీరుపై తీవ్ర అభ్యంతరాలు. అధిష్టానం ముందు తన డిమాండ్లు ఏకరువు పెట్టిన పైలట్. సచిన్ లేవనెత్తిన అంశాల పరిష్కారానికి కమిటీ. ముగ్గురు సభ్యులతో కమిటీ ఏర్పాటు చేసిన పార్టీ అధినేత్రి సోనియా గాంధీ.
  • తిరుపతి ఎస్వీబీసీ ఛానెల్ సీఈఓగా కేంద్ర సమాచార శాఖ అధికారి సురేష్ కుమార్ గెదెలను నియమిస్తూ ఆదేశాలు ఇచ్చిన ప్రభుత్వం. ప్రస్తుతం విజయవాడలోని దూరదర్శన్ కేంద్రంలో డిప్యూటీ డైరెక్టరుగా పనిచేస్తున్న సురేష్ కుమార్. కేంద్ర సర్వీసుల నుంచి డెప్యుటేషనుపై రాష్ట్ర సర్వీసులోకి చేరిన సురేష్ కుమార్.
  • సాధారణ మెయిల్, ఎక్స్‌ప్రెస్, ప్యాసెంజర్ రైలు సర్వీసుల రద్దు సెప్టెంబర్ 30 వరకు కొనసాగింపు. ప్రస్తుతం నడుస్తున్న స్పెషల్ ట్రైన్లు మాత్రం నడుస్తాయి. రైల్వే బోర్డు తాజా ప్రకటన.
  • మణిపూర్ అసెంబ్లీలో బలనిరూపణలో గెలిచిన బీజేపీ. సభలో 28 మంది బీజేపీ, 16మంది కాంగ్రెస్ ఎమ్మెల్యేల హాజరు. గైర్హాజరైన 8 మంది కాంగ్రెస్ ఎమ్మెల్యేలు. ఓటింగ్ అనంతరం నినాదాలతో హంగామా చేసిన కాంగ్రెస్. కుర్చీలను విసిరేసిన నిరసన తెలిపిన కాంగ్రెస్.

విదేశీ విమాన సర్వీసులపై కేంద్రమంత్రి కీలక ప్రకటన..రేపటి నుంచే!

కరోనా వైరస్‌ వ్యాప్తి నేపథ్యంలో విధించిన లాక్‌డౌన్‌ కారణంగా నిలిచిపోయిన విదేశీ విమాన స‌ర్వీసులు తిరిగి ప్రారంభంకానున్నాయి. అందుకు సంబంధించి మూడు దేశాల‌తో జ‌రిపిన చ‌ర్చ‌లు కొలిక్కి వ‌చ్చాయ‌ని పౌర విమాన‌యాన శాఖ మంత్రి హ‌ర్‌దీప్ సింగ్ పూరీ వెల్లడించారు.
International flights to US and France set to resume this month on interim basis, విదేశీ విమాన సర్వీసులపై కేంద్రమంత్రి కీలక ప్రకటన..రేపటి నుంచే!

కరోనా వైరస్‌ వ్యాప్తి నేపథ్యంలో విధించిన లాక్‌డౌన్‌ కారణంగా నిలిచిపోయిన విదేశీ విమాన స‌ర్వీసులు తిరిగి ప్రారంభంకానున్నాయి. అందుకు సంబంధించి మూడు దేశాల‌తో జ‌రిపిన చ‌ర్చ‌లు కొలిక్కి వ‌చ్చాయ‌ని పౌర విమాన‌యాన శాఖ మంత్రి హ‌ర్‌దీప్ సింగ్ పూరీ తెలిపారు. గురువారం మీడియాతో మాట్లాడిన మంత్రి హర్‌దీప్‌ సింగ్‌.. ఈ మేరకు వెల్లడించారు.

అమెరికా, ఫ్రాన్స్, జ‌ర్మ‌నీలతో చర్చలు కొనసాగుతున్నాయని మంత్రి హ‌ర్‌దీప్ సింగ్ వెల్లడించారు. అమెరికా రేప‌టి(శుక్రవారం) నుంచి, ఫ్రాన్స్ ఎల్లుండి(శనివారం) నుంచి భార‌త్‌కు విమాన స‌ర్వీసులు న‌డిపేందుకు ఆ దేశాలు అంగీక‌రించాయ‌ని ఆయ‌న వివ‌రించారు. ఈ నెల 18 నుంచి ఆగ‌స్టు 1 వ‌ర‌కు పారిస్ నుంచి ఢిల్లీ, ముంబై, బెంగ‌ళూరు మ‌ధ్య ఎయిర్ ఫ్రాన్స్ 28 విమానాల‌ను న‌డ‌ప‌నుంద‌ని వెల్ల‌డించారు. ఈ నెల 17 నుంచి 31 వ‌ర‌కు యునైటెడ్ ఎయిర్‌లైన్స్ భార‌త్ – అమెరికా మ‌ధ్య‌ 18 విమానాల‌ను న‌డిపేందుకు ఒప్పందం జ‌రిగింద‌ని కేంద్రమంత్రి హర్‌దీప్‌ సింగ్‌ తెలిపారు. జ‌ర్మ‌నీతో కూడా విమాన స‌ర్వీసుల‌పై సంప్ర‌దింపులు జ‌రిపామ‌ని, లుఫ్తాన్సా ఎయిర్‌లైన్స్‌తో కూడా ఒప్పందం ఓ కొలిక్కి వ‌చ్చినట్లుగా మంత్రి హర్ దీప్ సింగ్ స్పష్టం చేశారు.

International flights to US and France set to resume this month on interim basis, విదేశీ విమాన సర్వీసులపై కేంద్రమంత్రి కీలక ప్రకటన..రేపటి నుంచే!

16/07/2020,5:43PM

Related Tags