Breaking News
  • రేపు 9 రాష్ట్రాల ముఖ్యమంత్రులతో ప్రధాని వీడియో కాన్ఫరెన్స్. కోవిడ్-19 స్థితిగతులపై ఉదయం గం. 11.00కు ప్రారంభం కానున్న సమావేశం. వీడియో కాన్ఫరెన్సులో ఆంధ్రప్రదేశ్, బిహార్, గుజరాత్, కర్ణాటక, మహారాష్ట్ర, పంజాబ్, తమిళనాడు, తెలంగాణ, ఉత్తరప్రదేశ్ రాష్ట్రాల ముఖ్యమంత్రులు, చీఫ్ సెక్రటరీలు. ప్రధానితో పాటు సమావేశంలో పాల్గొననున్న కేంద్ర మంత్రులు రాజ్‌నాథ్ సింగ్, నిర్మలా సీతారామన్, డా. హర్షవర్థన్, కిషన్ రెడ్డి, కేబినెట్ సెక్రటరీ, హోం సెక్రటరీ. నేడు 6 రాష్ట్రాల సీఎంలతో జరిగిన సమావేశంలో కూడా కిషన్ రెడ్డికి చోటు.
  • విజయవాడ : చోటా రౌడీ గ్యాంగ్ ని అరెస్టు చేసిన అజిత్ సింగ్ నగర్ పొలీసులు. విజయవాడ అజిత్ సింగ్ నగర్ లో స్ట్రీట్ ఫైట్ చేధించిన అజిత్ సింగ్ నగర్ పోలీసులు. పాత గొడవలు నేపథ్యంలో పుట్ట వినయ్ అనే యువకుడి పై ముకుమ్మడిగా దాడి చేసిన ఐదుగురు యువకులు. గాయాల పాలైన యువకుడు అజిత్ సింగ్ నగర్ పీఎస్ లో ఫిర్యాదు. గంటల వ్యవధిలో కేసుని ఛేదించిన పోలీసులు.
  • ఇంటర్ డిగ్రీ అడ్మిషన్లపై నిర్ణయం తీసుకున్న విద్యాశాఖ. -ఎంట్రెన్స్ టెస్టులు నిర్వహించనున్న తెలంగాణ ప్రభుత్వం. ఇంటర్ - సెప్టెంబర్ 1 తర్వాత అడ్మిషన్స్ పై నిర్ణయం డిగ్రీ - 28 నుంచి అడ్మిషన్స్ . సెట్స్ : Ecet - aug 8. Mcet- 9,10,11,14 sep Poly set - 2 sep ఎంట్రెన్స్ ఎగ్జామ్స్ అన్ని TCS ద్వారా ఆన్లైన్ పరీక్షలు. Degree పరీక్షలు సుప్రీం చెప్పిన తర్వాత నిర్ణయం . 17 ఇంటర్ నుంచి డిజిటల్ క్లాసులు ప్రారంభం .
  • రాజస్థాన్‌ రాజకీయాల్లో శరవేగంగా మారుతున్న పరిణామాలు. పార్టీకి మళ్లీ దగ్గరవుతున్న తిరుగుబాటు నేత సచిన్ పైలట్. రాహుల్, ప్రియాంక గాంధీలతో సచిన్ మంతనాలు. సీఎం అశోక్ గెహ్లోత్ తీరుపై తీవ్ర అభ్యంతరాలు. అధిష్టానం ముందు తన డిమాండ్లు ఏకరువు పెట్టిన పైలట్. సచిన్ లేవనెత్తిన అంశాల పరిష్కారానికి కమిటీ. ముగ్గురు సభ్యులతో కమిటీ ఏర్పాటు చేసిన పార్టీ అధినేత్రి సోనియా గాంధీ.
  • తిరుపతి ఎస్వీబీసీ ఛానెల్ సీఈఓగా కేంద్ర సమాచార శాఖ అధికారి సురేష్ కుమార్ గెదెలను నియమిస్తూ ఆదేశాలు ఇచ్చిన ప్రభుత్వం. ప్రస్తుతం విజయవాడలోని దూరదర్శన్ కేంద్రంలో డిప్యూటీ డైరెక్టరుగా పనిచేస్తున్న సురేష్ కుమార్. కేంద్ర సర్వీసుల నుంచి డెప్యుటేషనుపై రాష్ట్ర సర్వీసులోకి చేరిన సురేష్ కుమార్.
  • సాధారణ మెయిల్, ఎక్స్‌ప్రెస్, ప్యాసెంజర్ రైలు సర్వీసుల రద్దు సెప్టెంబర్ 30 వరకు కొనసాగింపు. ప్రస్తుతం నడుస్తున్న స్పెషల్ ట్రైన్లు మాత్రం నడుస్తాయి. రైల్వే బోర్డు తాజా ప్రకటన.
  • మణిపూర్ అసెంబ్లీలో బలనిరూపణలో గెలిచిన బీజేపీ. సభలో 28 మంది బీజేపీ, 16మంది కాంగ్రెస్ ఎమ్మెల్యేల హాజరు. గైర్హాజరైన 8 మంది కాంగ్రెస్ ఎమ్మెల్యేలు. ఓటింగ్ అనంతరం నినాదాలతో హంగామా చేసిన కాంగ్రెస్. కుర్చీలను విసిరేసిన నిరసన తెలిపిన కాంగ్రెస్.

రసవత్తరంగా రాజస్థాన్ రాజకీయం

బిజెపి అధినాయకత్వం రాజస్థాన్లోని ఒక్కో కాంగ్రెస్ ఎమ్మెల్యేకు 15 కోట్ల రూపాయలు ఇస్తామని ఆశ చూపుతున్నారని, ఇతరత్రా సాయం కూడా చేస్తామంటూ వారిని తమ పార్టీలోకి లాగేందుకు ప్రలోభాలకు గురి చేస్తున్నారని కాంగ్రెస్ నేతలు ఆరోపిస్తున్నారు. గోవా, మధ్యప్రదేశ్ రాష్ట్రాల తర్వాత బిజెపి అధినాయకత్వం కన్ను...
Interesting developments in Rajasthan politics, రసవత్తరంగా రాజస్థాన్ రాజకీయం

రాజస్థాన్ రాజకీయం రోజురోజుకు ఆసక్తికరంగా మారుతుంది. అశోక్ గెహ్లాట్ సారధ్యంలోని కాంగ్రెస్ ప్రభుత్వం అత్తెసరు మెజారిటీతో మనుగడ సాగిస్తూ ఉండగా రాజకీయ చక్రం తిప్పేందుకు బిజెపి యథాశక్తి ప్రయత్నం చేస్తోంది. తాజాగా కాంగ్రెస్ ఎమ్మెల్యేలకు బిజెపి నేతలు గాలం వేస్తున్నారు అంటూ సాక్షాత్తు రాజస్థాన్ ముఖ్యమంత్రి అశోక్ గెహ్లాట్ వ్యాఖ్యానించడం రాజస్థాన్ రాజకీయాల్లో కలకలం రేపుతోంది.

తమ శాసన సభ్యులకు డబ్బు ఎరవేసి లాగేందుకు బిజెపి అధినాయకత్వం ప్రయత్నం చేస్తోందని అశోక్ గెహ్లాట్ ఆరోపిస్తున్నారు. దేశంలో ఒకవైపు కరోనా వైరస్ మహమ్మారి విజృంభిస్తుంటే ఇంకోవైపు కమలనాథులు నీచ రాజకీయాలకు పాల్పడుతున్నారని గెహ్లాట్ ఆరోపిస్తున్నారు. తన నాయకత్వంలోని రాజస్థాన్ ప్రభుత్వం రాష్ట్రంలో కరోనా వైరస్ కట్టడికి ప్రయత్నాలు చేస్తుంటే కమలనాథులు మాత్రం తమ ప్రభుత్వాన్ని కూలదోసేందుకు ప్రయత్నాలను ముమ్మరం చేశారని కాంగ్రెస్ నేతలు అక్కసు వెల్లగక్కుతున్నారు.

బిజెపి అధినాయకత్వం రాజస్థాన్లోని ఒక్కో కాంగ్రెస్ ఎమ్మెల్యేకు 15 కోట్ల రూపాయలు ఇస్తామని ఆశ చూపుతున్నారని, ఇతరత్రా సాయం కూడా చేస్తామంటూ వారిని తమ పార్టీలోకి లాగేందుకు ప్రలోభాలకు గురి చేస్తున్నారని కాంగ్రెస్ నేతలు ఆరోపిస్తున్నారు. గోవా, మధ్యప్రదేశ్ రాష్ట్రాల తర్వాత బిజెపి అధినాయకత్వం కన్ను రాజస్థాన్లోని కాంగ్రెస్ ప్రభుత్వంపై పడిందని ఏఐసీసీ వర్గాలు ఆరోపిస్తున్నాయి. గత నెలలో రాజ్యసభ ఎన్నికల సందర్భంగా గుజరాత్ రాష్ట్రంలో ఏడుగురు కాంగ్రెస్ ఎమ్మెల్యేలను బిజెపి కొనుగోలు చేసిందని.. అదే విధానాన్ని రాజస్థాన్లోనూ అవలంబించాలని కమలనాథులు వ్యూహం రచించారని కాంగ్రెస్ వర్గాలు అంటున్నాయి.

మరోవైపు కాంగ్రెస్ నేతల వ్యాఖ్యలపై స్పందించేందుకు బీజేపీ నేతలు ఆసక్తి కనబరచడం లేదు. రాజకీయాల్లో ఈ రోజైనా.. ఏదైనా పరిణామం సాధ్యమేనంటూ నర్మగర్భ వ్యాఖ్యలు చేస్తున్నారు. అయితే రాజస్థాన్ రాష్ట్రంలో ప్రభుత్వ పగ్గాలు చేతులు మారడం ఖాయమని రాజకీయ పరిశీలకులు అంచనా వేస్తున్నారు. కాస్త అటూ ఇటుగా అయినా బీజేపీ నేతలు అక్కడి అధికార పార్టీని చీల్చి తమ ప్రభుత్వాన్ని ఏర్పాటు చేయడం ఖాయమని వారు వ్యాఖ్యానిస్తున్నారు.

Related Tags