Breaking News
  • ఆంధ్రప్రదేశ్‌లో కరోనా పాజిటివ్‌ కేసులు అంతకంతకూ పెరుగుతున్నాయి. రాష్ట్ర నోడల్‌ ఆఫీసర్‌ రాంబాబు టీవీ9 గుడ్‌మార్నింగ్ ఇండియాలో చెప్పినట్టుగానే పాజిటివ్‌ కేసులు బాగా పెరుగుతున్నాయి.
  • ప్రభుత్వ ఉద్యోగుల జీతాలలో కోత పెట్టి కాంట్రాక్టర్లకు బిల్లులు ఇవ్వడం కరెక్ట్‌ కాదంటున్నారు తెలుగుదేశంపార్టీ అధినేత చంద్రబాబునాయుడు. అధికారం ఉందని ఇష్ట ప్రకారం చేస్తామనడం సబబు కాదన్నారు.
  • కరోనా భూతాన్ని తరిమికొట్టేందుకు కేంద్ర ప్రభుత్వం గట్టి చర్యలు తీసుకుంటోంది.. . ఇవాళ భేటి అయిన కేంద్ర కేబినెట్‌ ఇందుకు సంబంధించి కొన్ని కీలక నిర్ణయాలు తీసుకుంది. కరోనా మహమ్మారిపై యుద్ధం చేయడానికి నిధుల కొరత ఉండకూడదన్న ఉద్దేశంతో పార్లమెంట్‌ సభ్యుల వేతనాల్లో 30 శాతం కోత విధించారు.. ఏడాది పాటు కోత ఉంటుంది.
  • కరోనా వైరస్‌ వ్యాప్తిని అరికట్టడానికి ఎన్ని కఠిన చర్యలు తీసుకుంటున్నా కొన్నిచోట్ల ప్రభుత్వ ఆదేశాలను అధికారులు బేఖాతరు చేస్తున్నారు. విజయవాడ రూరల్ మండలం రామవరప్పాడు జిల్లా పరిషత్ ఉన్నత పాఠశాలలో తిరునాళ్లను తలపిస్తోంది.
  • ఆంధ్రప్రదేశ్‌, తెలంగాణలలో అకాలవర్షం భయపెడుతోంది. కర్నూలు, మహబూబ్‌నగర్‌ పరిధిలోని నల్లమల అటవీ ప్రాంతాల్లో జోరుగా వానపడింది. ఇటు వికారాబాద్‌ జిల్లా పర్గితో పాటు రంగారెడ్డి జిల్లా శంషాబాద్‌లోనూ వర్షం కురిసింది. వేసవి కాలంలో పడుతున్న ఈ అకాలవర్షంతో జనం బెంబేలెత్తారు.
  • కరోనా వైరస్‌ నియంత్రణకు అన్ని చర్యలు తీసుకుంటున్నామని ఏపీ ఆర్థికమంత్రి బుగ్గన రాజేంద్రనాథ్‌రెడ్డి తెలిపారు. కర్నూలు జిల్లాలో కరోనా ల్యాబ్‌ ఏర్పాటు చేయబోతున్నట్లు వెల్లడించారు. టెలీ మెడిసిన్‌ అందుబాటులోకి తెస్తున్నామన్నారు. లాక్‌డౌన్‌ సడలింపు కేంద్రమే నిర్ణయించాలంటున్నారు మంత్రి బుగ్గన రాజేంద్రనాథ్‌రెడ్డి.

భారత్‌తో సిరీస్.. కివీస్‌కు గట్టి ఎదురుదెబ్బ..!

Injuries To Pace Bowlers, భారత్‌తో సిరీస్.. కివీస్‌కు గట్టి ఎదురుదెబ్బ..!

Injuries To Pace Bowlers: టీ20ల్లో భారత్‌కు గట్టి పోటీ ఇస్తుందనుకున్న కివీస్ చేతులెత్తేసింది. ఇప్పటివరకు జరిగిన నాలుగు మ్యాచ్‌లలోనూ న్యూజిలాండ్ బ్యాట్స్‌మెన్ ఒత్తిడికి తలొంచి చివరి ఓవర్లలో మ్యాచ్‌ను వదిలేసుకున్నారు. ఇదిలా ఉంటే ఫిబ్రవరి 5 నుంచి జరగబోయే వన్డే సిరీస్‌కు కివీస్‌కు మరో ఎదురుదెబ్బ తగిలింది. సీనియర్ పేసర్లు బౌల్ట్, ఫెర్గుసన్, హెన్రీలు గాయాలు కారణంగా జట్టుకు అందుబాటులో లేకపోవడం వల్ల సరికొత్త లైనప్‌ను ఎంపిక చేయాల్సి వచ్చింది. స్కాట్ కుగులీన్‌, హమిష్ బెన్నెట్‌‌లు చాలాకాలం తర్వాత వన్డేలకు ఎంపిక కాగా.. యువ పేసర్ కైల్‌ జేమిసన్‌ అరంగేట్రం దాదాపు ఖరారైనట్లు కనిపిస్తోంది. అయితే కెప్టెన్ కేన్ విలియమ్సన్ గాయం కారణంగా నాలుగో టీ20కు దూరమైన సంగతి తెలిసిందే. గాయం తీవ్రంగా ఉండటం వల్ల అతడు చివరి టీ20కు కూడా అందుబాటులో ఉంటాడా లేదా అన్న దానిపై స్పష్టత లేదు.

ఒకవేళ అదే జరిగితే కివీస్‌కు గట్టి ఎదురుదెబ్బేనని చెప్పాలి. మూడో టీ20లో విలియమ్సన్ ఒంటరి పోరాటం చేసినా కివీస్‌కు విజయం వరించలేదని చెప్పాలి. ఇక ఫిబ్రవరి 5 నుంచి జరగబోయే మూడు వన్డేల సిరీస్‌లో భాగంగా తొలి మ్యాచ్ హామిల్టన్ వేదికగా జరగనుంది. వన్డేలకు ఆల్‌రౌండర్లుగా నీషమ్, శాంట్నర్‌, కొలిన్‌ డి గ్రాండ్‌‌హోమ్‌‌లు వ్యవహరించనున్నారు. అటు స్పిన్నర్‌ ఇష్ సోథిని కేవలం ఒక్క వన్డేకు మాత్రమే ఎంపిక చేయగా.. పటిష్టమైన కోహ్లీసేనను ఎదుర్కొనేందుకు అన్ని ప్రణాళికలను జట్టు యాజమాన్యం సిద్ధం చేస్తోంది. 2019 వన్డే ప్రపంచకప్ సెమీఫైనల్ తర్వాత ఇరు జట్లు ఆడుతున్న వన్డే సిరీస్ ఇదే కావడం గమనార్హం.

కివీస్ జట్టు: కేన్‌ విలియమ్సన్‌ (కెప్టెన్), హమిష్‌ బెన్నెట్‌, టామ్‌ బ్లండెల్‌, కొలిన్‌ డి గ్రాండ్‌‌హోమ్‌, మార్టిన్‌ గప్తిల్‌, కైల్‌ జేమిసన్‌, స్కాట్‌ కుగులీన్‌, టామ్‌ లేథమ్‌, జిమ్మీ నీషమ్‌, హెన్రీ నికోల్స్‌, మిచెల్‌ శాంట్నర్‌, ఇష్‌ సోధి (1 వన్డే), టిమ్‌ సౌథీ, రాస్‌ టేలర్‌

Related Tags