Breaking News
  • భారత్-చైనా సరిహద్దుల్లోని డోక్లాంలో మళ్లీ అలజడి. 2 శక్తివంతమైన సర్వైలెన్స్ కెమేరాలను ఏర్పాటు చేసిన చైనా. వివాదాస్పద స్థలానికి దారితీసే రోడ్డు రిపేర్. 2017లో 73 రోజుల పాటు కొనసాగిన ఉద్రిక్తతలు. లద్దాఖ్ ఉద్రిక్తతల మళ్లీ కుట్రలు పన్నుతున్న చైనా.
  • రాజస్థాన్ సీఎం నివాసం సా. గం. 5.00కు సీఎల్పీ సమావేశం. రేపటి నుంచి ప్రారంభం కానున్న అసెంబ్లీ సమావేశాలు. అసెంబ్లీ నేపథ్యంలో భేటీ అవుతున్న సీఎల్పీ. సచిన్ పైలట్ వర్గంతో సయోధ్య అనంతరం తొలిసారి భేటీ.
  • విజయవాడ: జూనియర్ డాక్టర్ల స్టైఫండ్ మొత్తాన్ని పెంచుతూ ap ప్రభిత్వం ఉత్తర్వులు. హౌస్ సర్జన్, పిజి డిగ్రీ, డిప్లొమా, డెంటల్, సూపర్ స్పెషలిటీ విద్యార్థులకు పెంపు. ఎంబీబీఎస్ విద్యార్థులకు 19,589. పిజి డిగ్రీ విద్యార్థులకు 1 ఇయర్ 44,075, 2 ఇయర్ 46,524, 3 ఇయర్ 48, 973 కు పెంపు.
  • అమరావతి : నేడు ఎమ్మెల్సీ స్థానానికి నామినేషన్ దాఖలు చేయనున్న పెన్మత్స సరేష్‌బాబు. మోపిదేవి వెంకటరమణ రాజీనామాతో ఉపఎన్నిక . దివంగత సీనియర్‌ నాయకులు, విజయనగరం జిల్లాకు చెందిన పెన్మత్స సాంబశివరాజు తనయుడు సురేష్‌బాబు.
  • సంగారెడ్డిలోని అమీన్పూర్ అనాధాశ్రమం లో దారుణం. పద్నాలుగేళ్ల మైనర్ అమ్మాయి పై ఆశ్రమ నిర్వాహకులు అత్యాచారం. అమ్మాయికి మత్తు మందు ఇచ్చి పలుమార్లు అత్యాచారం పాల్పడ్డ నిర్వాహకుడు. నిర్వాహకుడి గదిలోకి ప్రతిరోజు పంపించిన వార్డెన్. అత్యాచార విషయాన్ని బయటకు చెబితే చంపేస్తానని బెదిరింపు. తీవ్ర అనారోగ్యంతో బోయిన్పల్లిలోని బంధువుల ఇంటికి వచ్చిన బాలిక. బాలికను ఆసుపత్రికి వెళ్ళితే బయత్పడ్డ అత్యాచార విషయం. అమీన్పూర్ ఆశ్రమ నిర్వాహకులపై కేసు నమోదు చేసిన పోలీసులు . ఆస్పత్రిలో చికిత్స పొందిన మైనర్ బాలిక మృతి. మైనర్ బాలికపై అత్యాచారం పాల్పడ్డ నిర్వాహకులతో పాటు వార్డెన్ అరెస్ట్ చేసిన పోలీసులు.
  • రాజస్థాన్: కాంగ్రెస్ తిరుగుబాటు ఎమ్మెల్యేలపై సస్పెన్షన్ ఎత్తివేత. ప్రభుత్వాన్ని కూల్చే కుట్ర అభియోగాలపై సస్పెండైన భన్వర్ లాల్ శర్మ, విశ్వేంద్ర సింగ్. పైలట్ వర్గంతో సయోధ్య నేపథ్యంలో సస్పెన్షన్ ఎత్తివేత.
  • విశాఖ: వెదర్ అప్ డేట్స్... వాయవ్య బంగాళాఖాతంలో నేడు ఏర్పడనున్న అల్పపీడనం. ఇది రెండు మూడు రోజుల పాటు కొనసాగుతూ ఉత్తర బంగాళాఖాతం మీద కేంద్రీకృతం అవుతుందని వాతావరణ శాఖ అంచనా. ఉత్తరాంధ్ర తీరం నుంచి ఒడిసా, బెంగాల్ వరకూ ఉపరితల ఆవర్తనం కొనసాగుతోంది. వీటన్నిటి ప్రభావంతో కోస్తాంధ్ర తెలంగాణల్లో కురవనున్న ఉరుములతో కూడిన వర్షాలు . ఉత్తరాంధ్రలో చాలా చోట్ల విస్తారంగా వర్షాలు....ఒకటి రెండు చోట్ల భారీ నుండి అతి భారీ వర్షాలు కురిసే అవకాశం. కోస్తాంధ్రలో గంటకు 45-55 కిలో మీటర్ల వేగంతో వీస్తోన్న బలమైన గాలులు . మత్స్యకారులు వేటకు వెళ్లరాదని హెచ్చరికలు జారీ.

ఎకానమీ తెచ్చిన ‘ తంటా ‘.. అండర్ వేర్ల అమ్మకాలు డీలా !

Thats how bad the economy is, ఎకానమీ తెచ్చిన ‘ తంటా ‘.. అండర్ వేర్ల అమ్మకాలు డీలా !

పండుగల సీజన్ వస్తే చాలు.. వామ్మో ! ఫ్యాషన్ ఇండస్ట్రీ కళకళలాడిపోతుంది. లేటెస్ట్ డ్రెస్సులు హాట్ కేకుల్లా అమ్ముడుపోతాయి. అందులోనూ మగవారి కుర్తాలు, పైజామాలే కాదు.. సూట్స్ , జీన్స్, ప్యాంట్స్ , షర్ట్స్ , టీ-షర్ట్స్ ..ఒకటేమిటి ? ఇలా అన్ని రకాల బ్రాండ్లూ షాపింగ్ మాల్స్ లో దర్శనమిస్తాయి. సినీ హీరోల్లా కనబడాలంటే యువత వీటిమీదికి ఎగబడక తప్పదు. అయితే కాయిన్ కి మరోవైపులా.. అండర్ వేర్లకు మాత్రం గడ్డు రోజులు దాపురించాయి. వీటి అమ్మకాలు ఉసూరుమనిస్పిస్తున్నాయి. యువకులు, మహిళలు, పిల్లలనే కాదు.. ప్రతివారూ ధరించే వీటి కొనుగోళ్లు చాలావరకు తగ్గుముఖం పట్టాయి. ‘ లక్స్ కోజీ ‘, ‘ డాలర్ ఇండస్ట్రీస్ ‘, ‘ రూపా ‘ వంటి బ్రాండ్ల ఇన్నర్ వేర్ల సేల్స్ ఈ సారి పుంజుకోలేదట.. వీటిని అమ్మే చిన్నపాటి రిటైల్ షాపులు కేంద్రం తెచ్చిన డీమానిటైజేషన్, జీఎస్టీ వంటి ‘ డబుల్ దెబ్బల ‘ నుంచి కోలుకోకపోవడమే ఇందుకు కారణమని నిపుణులు చెబుతున్నారు. పెద్ద నోట్ల రద్దు ప్రభావం ఇంకా వీటిని ‘ పీడిస్తుండగా ‘.. జీఎస్టీ ఎఫెక్ట్ కూడా తన ‘ ప్రతాపాన్ని ‘ చూపుతోంది. కుప్పలకొద్దీ మార్కెట్ కు వస్తున్న అండర్ వేర్ గార్మెంట్స్ ను ఇందుకు సంబంధించిన ఔట్ లెట్లు కొనుగోలు చేయడంలేదని, పైగా చెల్లింపుల్లో జాప్యం చేస్తున్నాయని తెలుస్తోంది. దీంతో ఉత్పత్తిదారులకు కూడా మూలధన పెట్టుబడి రాక దిక్కులు చూస్తున్నారు.

దేశవ్యాప్తంగా ఇలాంటి ఔట్ లెట్లు దాదాపు లక్ష వరకు ఉన్నాయని అంచనా.. ‘ ఎడెల్ వీస్ ‘ అనే రీసెర్చ్ సంస్థ ఇది.. మొత్తం అండర్ గార్మెంట్ల అమ్మకాల్లో 60 శాతం వీటిదే పైచేయి. మిగతా వాటిని షాపింగ్ మాల్స్ కొనుగోలు చేస్తున్నాయి. అలాగే ఆన్ లైన్ పోర్టల్స్ కూడా ! ‘ టెక్నో పాక్ ‘ అనే కన్సల్టెన్సీ సంస్థ 2014 లో రిలీజ్ చేసిన నివేదిక ప్రకారం.. ఇండియాలో ఇన్నర్ వేర్స్ మార్కెట్ విలువ రూ. 19,950 కోట్లు.. ఇది 2024 నాటికి రూ. 68,270 కోట్లకు చేరాలంటే సాలుకు 13 శాతం పెంపుదల ఉండాలి.. కానీ ఆ పరిస్థితి కనబడడం లేదు.

Thats how bad the economy is, ఎకానమీ తెచ్చిన ‘ తంటా ‘.. అండర్ వేర్ల అమ్మకాలు డీలా !

గత ఆరు నెలలుగా వీటి అమ్మకాలు తగ్గుతూ వస్తున్నాయని ‘ రూపా ‘ ఇన్నర్ వేర్ల ఉత్పత్తిదారు కె.బి. అగర్వాల్ తెలిపారు. అమ్మకాలు తగ్గడంతో ఇండస్ట్రీ అల్లాడుతోందన్నారు. పార్లే జీ బిస్కెట్స్ నుంచి రియల్ ఎస్టేట్ వరకు కస్టమర్ల సెంటుమెంట్ మారుతోందని ఆయన అభిప్రాయపడ్డారు. తమ అమ్మకాలు 10 నుంచి 15 శాతం తగ్గినట్టు ఆయన చెప్పారు. ఈ పండుగల సీజన్ తమకు డల్ గా ఉండడం పట్ల ఆయన విచారం వ్యక్తం చేశారు. ‘ లక్స్ ఇండస్ట్రీస్ ‘ చైర్మన్ అశోక్ కుమార్ టోడీ కూడా ఇదే విధమైన అభిప్రాయం వ్యక్తం చేశారు. తాము ఇబ్బందికర పరిస్థితుల్లో ‘ ప్రయాణిస్తున్నామని ‘ ఆయన అన్నారు. చిన్న తరహా పారిశ్రామిక వేత్తలను ప్రోత్సహించడానికి కేంద్రం ఏదో ఒక చర్య చేపట్టాలని ఆయన కోరారు. తాము ఇలాంటి పరిస్థితిని గతంలో ఎప్పుడూ చూడలేదని డాలర్ ఇండస్ట్రీస్ ఎండీ వినోద్ కుమార్ గుప్తా పేర్కొన్నారు. ఏమైనా.. ‘ బయటి ప్రపంచాన్ని ‘ చూస్తున్న గార్మెంట్స్.. ‘ వెలిగిపోతుంటే ‘.. ఇన్నర్ వేర్ లు మాత్రం ‘ చీకట్లోనే మగ్గిపోతున్నాయి ‘.

Related Tags