Breaking News
  • చిత్తూరు: మదనపల్లెలో మహిళా సంఘాల ఆందోళన. నిందితుడిని ఉరి తీయాలంటూ చిన్నారి వర్షిత తల్లిదండ్రుల ధర్నా. తమకు న్యాయం చేయాలంటున్న వర్షిత తల్లిదండ్రులు. రఫీని బహిరంగంగా ఉరి తీయాలని డిమాండ్. విద్యుత్‌ టవర్‌ ఎక్కిన వర్షిత కుటుంబ సభ్యులు. కిందకు దించేందుకు పోలీసుల ప్రయత్నాలు.
  • వివాదంలో జార్జిరెడ్డి సినిమా. ఏబీవీపీ విద్యార్థులను రౌడీలుగా చూపెట్టే కుట్ర జరుగుతోందని ఆరోపణ. సినిమాలో జార్జిరెడ్డి రౌడీయిజాన్ని చూపెట్టాలన్న ఏబీవీపీ. ఇప్పటికే ప్రీ రిలీజ్‌ ఫంక్షన్‌కు అనుమతి నిరాకరించిన పోలీసులు. ఈ నెల 22న విడుదల కానున్న జార్జిరెడ్డి.
  • వరంగల్‌: ఏనుమాముల మార్కెట్ యార్ట్‌లో పత్తి కొనుగోళ్లు ప్రారంభం. ప్రభుత్వ హామీతో తిరిగి కొనుగోళ్లు ప్రారంభించిన కాటన్ వ్యాపారులు.
  • ఢిల్లీ చేరుకున్న ఎన్సీపీ అధినేత శరద్‌ పవార్‌. సా.4గంటలకు సోనియాతో భేటీ కానున్న శరద్‌పవార్‌. మహారాష్ట్రలో ప్రభుత్వ ఏర్పాటు, ఉమ్మడి కార్యాచరణపై చర్చ.
  • హైదరాబాద్‌: హైకోర్టులో అగ్రిగోల్డ్ కేసు విచారణ. తాకట్టు పెట్టిన అగ్రిగోల్డ్ ఆస్తులను వేలం వేసిన బ్యాంకర్లు. సంవత్సరం గడిచినా కొనుగోలుదారులకు అందని కన్‌ఫర్మేషన్‌ ఆర్డర్. కన్‌ఫర్మేషన్‌ ఇవ్వాలని కోరిన బ్యాంకర్లు. డిసెంబర్‌ 5న మరోసారి విచారిస్తామన్న హైకోర్టు. తదుపరి విచారణ డిసెంబర్‌ 5కు వాయిదా.
  • లోక్‌సభలో కొనసాగుతున్న ప్రశ్నోత్తరాలు. ప్రాంతీయ భాషా పరిరక్షణపై కేశినేని నాని ప్రశ్న. త్రిభాషా విధానాన్ని అమలు చేయాలి-కేశినేని నాని. ప్రాంతీయ భాషలను రక్షించాల్సిన అవసరం ఉంది-కేశినేని నాని. పలు అంశాలపై చర్చకు పట్టుబడుతున్న విపక్షాలు. విపక్ష సభ్యుల నినాదాల మధ్య కొనసాగుతున్న సభ. తెలుగు భాష ఉన్నతికి చర్యలు తీసుకుంటున్నాం-మంత్రి పోఖ్రియాల్‌.
  • ఆగ్రా జిల్లా పేరు మార్చే యోచనలో యూపీ సర్కార్. ఆగ్రా పేరును ఆగ్రావన్‌గా మార్చాలని యూపీ సర్కార్‌ యోచన. కాషాయికరణలో భాగంగా పేరు మారుస్తున్నారని విపక్షాల విమర్శలు. గతంలో ఫైజాబాద్‌ను అయోధ్యగా.. అలహాబాద్‌ను ప్రయాగ్‌రాజ్‌గా మార్చిన యూపీ సర్కార్.

రైలు కూతకు ‘ ప్రయివేటు వాత ‘ ! ఇక చార్జీల మోత ?

రైల్వేల ప్రయివేటీకరణ దిశగా ప్రభుత్వం చర్యలు చేపడుతోంది. ఇందులో భాగంగా మొదట 150 రైళ్లు, 50 రైల్వే స్టేషన్లను ప్రయివేటు ఆపరేటర్లకు అప్పగిస్తే ఎలా ఉంటుందని యోచిస్తోంది. తొలుత వీటి కార్యకలాపాల బదలాయింపు కోసం ఓ బ్లూ ప్రింట్ ముసాయిదాను రూపొందించడానికి టాస్క్ ఫోర్స్ ను ఏర్పాటు చేయాలన్నది తాజా నిర్ణయం. నిర్దిష్ట కాలబధ్ధ వ్యవధిలో ఈ ప్రక్రియను మొదలుపెట్టేందుకు ఒక సాధికారిక కమిటీని ఏర్పాటు చేయనున్నట్టు నీతి ఆయోగ్ సీఈఓ అమితాబ్ కాంత్.. రైల్వే బోర్డు చైర్మన్ వి.కె.యాదవ్ కు రాసిన లేఖలో తెలిపారు. ఈ కమిటీలో తాను, యాదవ్ తో బాటు ఆర్ధిక వ్యవహారాల మంత్రిత్వ శాఖ కార్యదర్శి, హౌసింగ్ అర్బన్ ఎఫైర్స్ శాఖ కార్యదర్శి సభ్యులుగా ఉంటారని ఆయన పేర్కొన్నారు. కనీసం 50 రైల్వే స్టేషన్లను ప్రయివేటీకరించే విషయమై తాను రైల్వే మంత్రి పీయూష్ గోయెల్ తో మాట్లాడినట్టు ఆయన వెల్లడించారు. ప్యాసింజర్ ట్రైన్ ఆపరేషన్స్ కోసం ప్రయివేట్ ట్రైన్ ఆపరేటర్లను రంగంలోకి దించాలని రైల్వే మంత్రిత్వ శాఖ ప్రతిపాదించిందని కూడా ఆయన అన్నారు.

మొదటి దశలో 150 రైళ్లను ప్రయివేటీకరించే యోచన ఉంది. ఈ నెల 4 న లక్నో-ఢిల్లీ మధ్య నడిచే తేజాస్ ఎక్స్ ప్రెస్ ను నాన్-రైల్వే ఆపరేటర్ తో నడిపించడం ఇందులో భాగం.. అన్నారాయన. అయితే ప్రభుత్వ ప్రతిపాదనకు నిరసనగా ఆలిండియా రైల్వేమెన్ ఫెడరేషన్ నిరవధిక సమ్మెకు దిగాలని యోచిస్తోంది. సంఘ్ పరివార్ మద్దతునిస్తున్న భారతీయ మజ్దూర్ సంఘ్ వంటి వివిధ యూనియన్లు ఈ ప్రతిపాదనను సమర్థిస్తున్నాయి. 2013, 2016 సంవత్సరాల్లో రైల్వే ఉద్యోగులు సమ్మెకు వెళ్లారు. అయితే 45 ఏళ్ళ క్రితం.. 1974 లో నిరవధిక సమ్మె జరిగింది. రైల్వేని ప్రయివేటీకరిస్తే రైలు ప్రయాణికుల చార్జీలతో బాటు రవాణా చార్జీలు కూడా విపరీతంగా పెరుగుతాయని, శాశ్వత ఉద్యోగుల సంఖ్యను కూడా తగ్గిస్తారని ఆలిండియా సెంట్రల్ కౌన్సిల్ ఆఫ్ ట్రేడ్ యూనియన్స్ ప్రెసిడెంట్ సంతోష్ రాయ్ అంటున్నారు.

ఇప్పటికే 16 లక్షల శాశ్వత రైల్వే సిబ్బంది సంఖ్య 11 లక్షలకు తగ్గిపోయిన విషయాన్ని ఆయన గుర్తు చేశారు. కానీ.. దేశంలో అతి పెద్ద రవాణా వ్యవస్థ అయిన.. రైల్వేని ప్రయివేటీకరిస్తే పరిణామాలు దారుణంగా ఉంటాయని నిపుణులు అభిప్రాయపడుతున్నారు. ఈ శాఖకు పెద్దగా నష్టాలు లేవని, ఇంధన ధరలు పెరుగుతున్నదృష్ట్యా .. రైల్వే ప్రయివేటీకరణ తప్పదన్న ప్రభుత్వ వాదన అర్థ రహితమని వారు అంటున్నారు.
పైగా పార్లమెంట్ లో.. రైల్వే బడ్జెట్ సమర్పణ సందర్భంలో ప్రభుత్వం ఎక్కడా ఈ అంశాన్ని ప్రస్తావించలేదని వారు పేర్కొన్నారు.