ఉగ్ర వేట కోసం ఆర్మీకి ‘అగ్ర’ తుపాకులు!

ఉగ్ర వేటకోసం అగ్ర తుపాకులు రాబోతున్నాయి. ఇండియన్ ఆర్మీకి అమెరికా రైఫిళ్లు అందబోతున్నాయి. మొత్తం 72 వేలకు పైగా రైఫిళ్లు అగ్రరాజ్యం నుంచి ఇంపోర్ట్ కాబోతున్నాయి. భారత అమ్ములపొదిలో మరో అద్భుత అస్త్రం చేరింది. ఉగ్రవాదుల పనిపట్టడానికి అమెరికాలో తయారైన అధునాతన సిగ్ సావర్ రైఫిళ్లను ఆర్మీకి అందిస్తున్నారు. ఇప్పటికే 10 వేల సిగ్ సావర్ రైఫిళ్లు అందాయి. ప్రస్తుతం సైన్యం ఇన్సాస్ రైఫిళ్లను ఉపయోగిస్తుంది. వీటితో పోలిస్తే సిగ్ సావర్ రైఫిళ్లు చాల పవర్ ఫుల్. ఇవి గురి తప్పకుండా టార్గెట్ ను ఛేదిస్తాయి. వీటికోసం కేంద్రం 780 కోట్ల నిధులను విడుదల చేసింది. వీటికోసం అమెరికాకు చెందిన ఆయుధాల కంపెనీతో భారత ప్రభుత్వం ఒప్పందం కుదుర్చుకుంది.