Breaking News
  • టీవీ9 తో DME డా. రమేష్ రెడ్డి. ప్లాస్మా అనేది సంజీవని కాదని ఆల్ ఇండియా ఇన్స్టిట్యూట్ ఆఫ్ మెడికల్ సైన్సెస్ ఇప్పటికే ప్రకటించింది. ప్లాస్మా ట్రీట్ మెంట్ పై ఐసీఎంఆర్ ఇప్పటివరకు ఫైనల్ రిజల్ట్స్ ని అనౌన్స్ చేయలేదు. కొన్ని ప్రోటోకాల్స్ మాత్రమే ఇచ్చారు. గాంధీ లో 14 కేసులకు ప్లాస్మా ట్రీట్మెంట్ ట్రీట్మెంట్ ఇచ్చాము.. మంచి రిజల్ట్ వచ్చింది. ప్లాస్మా అనేది అవుట్స్టాండింగ్ ట్రీట్మెంట్లో include చేయాలా లేదా అనేది ఐ సి ఎం ఆర్ ఇంకా నిర్ధారించలేదు. ప్లాస్మా డోనర్స్ ముందుకు రావడం మంచి పరిణామం.
  • అమ‌రావ‌తి: రాష్ట్రంలో ఇద్ద‌రు ఐఏఎస్ అధికారుల పోస్టింగుల్లో మార్పులు. స‌మ‌గ్ర‌శిక్షా అభ‌యాన్ స్టేట్ ప్రాజెక్ట్ డైరెక్ట‌ర్ బాధ్య‌త‌ల నుంచి చిన‌వీర‌భ‌ద్రుడుని త‌ప్పించిన ప్ర‌భుత్వం. పాఠ‌శాల విద్యాశాఖ డైరెక్ట‌ర్ గా చిన‌వీర‌భ‌ద్రుడు నియామ‌కం,ప్ర‌స్తుతం ఇంచార్జిగా ఉన్న చిన‌వీర‌భ‌ద్రుడు. స‌మ‌గ్ర‌శిక్షా అభ‌యాన్ స్టేట్ ప్రాజెక్ట్ డైరెక్ట‌ర్ గా కె,వెట్రిసెల్వి నియామకం. ఇంగ్లీష్ మీడియం అమ‌లు ప్రాజెక్ట్ స్పెష‌ల్ ఆఫీస‌ర్ గా వెట్రిసెల్వికి పూర్తి అద‌న‌పు బాధ్య‌త‌లు.
  • ఏపీలో నూతన ఇండస్ట్రియల్ పాలసీ కి శ్రీకారం. ఇప్పటికే నూతన ఇండస్ట్రియల్ పాలసీ ని ఖరారు చేసిన సర్కార్ . సోమవారం పాలసీని లాంచ్ చేయనున్న పరిశ్రమల శాఖ మంత్రి మేకపాటి గౌతమ్ రెడ్డి.
  • ఈ ఏడాది సామూహిక నిమజ్జనం ఉండదు. దశల వారీ నిమజ్జనం. ప్రభుత్వానికి సహకరించాలి... కోవిడ్ నిబంధనలు పాటించాలి. ఎత్తు విషయంలో పోటీలకు పోకుండా.. చిన్న మండపాలు ఏర్పాటు చేసుకోవాలి. -- భాగ్యనగర్ గణేష్ ఉత్సవ సమితి.
  • కడపజిల్లాలో విషాదం. కమలాపురం మండలం యార్రగుడిపాడు గ్రామంలో అక్కచెల్లెళ్ల ఆత్మహత్యల్లో కొత్త కోణం. ముందురోజు ప్రొద్దుటూరులో తండ్రి బాబురెడ్డి చెట్టుకు ఉరేసుకుని ఆత్మహత్య. చనిపోయేముందు సెల్ఫీ వీడియో రికార్డ్ చేసిన బాబు రెడ్డి. తన చావుకు అల్లుడు సురేష్ రెడ్డి కారణమని సెల్ఫీ వీడియోలో చెప్పిన బాబు రెడ్డి. అల్లుడు పై చర్యలు తీసుకోవాలని కోరుతూ..తనకి న్యాయమూర్తి న్యాయం చేయాలని కోరుతూ సెల్ఫీ వీడియో. తన తండ్రి చావుకు కారణం తన భర్తేనని తెలిసి రైలుకింద పది కుమార్తె స్వేతా రెడ్డి ఆత్మహత్య. అక్క చనిపోయిందని చెల్లెలు ఇంజినీరింగ్ విద్యార్థిని సాయి ఆత్మహత్య. ఒకే కుటుంబంలో ముగ్గురు ఆత్మహత్య.
  • మొదలైన హీరో రానా దగ్గుబాటి మిహీక ల వివాహం. వేద మంత్రోచ్ఛారణ మధ్య 8.45 నిమిషాలకు వధువు మిహిక మెడలో తాళి కట్టనున్న వరుడు రానా. రామానాయుడు స్టూడియోలో వివాహ వేడుక . కరోనా నేపథ్యంలో కట్టుదిట్టమైన భద్రతా చర్యలు. స్టూడియోలో ప్రవేశించడానికి మై గేట్ యాప్ ద్వారా అనుమతి. వివాహ వేడుకలో 30మంది కి మించని కుటుంబ సభ్యులు మరియు నాగచైతన్య, సమంత.

134 ఏళ్ళ నాటి చట్టం.. నేటికీ వినియోగం ! ఇది సర్కార్ ‘ డేగకన్ను ‘ కోసమేనా ?

Critics say that the government desires to monitor and control, 134 ఏళ్ళ నాటి చట్టం.. నేటికీ వినియోగం ! ఇది సర్కార్ ‘ డేగకన్ను ‘ కోసమేనా ?

అది 1885 సంవత్సరం.. నాటి భారత ప్రభుత్వం ఢిల్లీలో ఓ చట్టాన్ని తెచ్చింది. వ్యక్తుల డిజిటల్ కమ్యూనికేషన్లు అన్నింటినీ డీక్రిప్ట్ చేయడానికి. అలాగే వారి సందేశాలను మానిటర్ లేదా అడ్డుకోవడానికి ప్రభుత్వానికి విస్తృత అధికారాలను కల్పించడానికి ఉద్దేశించిన టెలిగ్రాఫ్ చట్టాన్ని అమలులోకి తీసుకువచ్చింది. పబ్లిక్ ఎమర్జన్సీ సమయంలో గానీ, ప్రజా భద్రత దృష్టా గానీ అన్ని సందేశాలను చట్టబద్ధంగా అడ్డుకోవడానికి ఈ లెజిస్లేషన్ ద్వారా ప్రభుత్వానికి అన్ని అధికారాలూ ఉంటాయి. ఇంటర్నెట్, మొబైల్ కమ్యూనికేషన్లు లేదా ఎన్ క్రిప్ట్ చేసిన మెసేజింగ్ ప్లాట్ ఫారాలు దేశంలోకి ఎంటర్ కాకముందే.. సుమారు.. వందకు పైగా సంవత్సరాలకు ముందే ఈ చట్టాన్ని చేసినప్పటికీ దీని గురించి ప్రభుత్వం ఈ వారంలో ప్రస్తావించింది. ఇటీవల టెలికాం శాఖ మాజీ మంత్రి దయానిధి మారన్ పార్లమెంటులో ఈ అంశాన్ని లేవనెత్తారు. ఇజ్రాయెల్ సంస్థ ‘ ఎన్ఎస్ఓ ‘ రూపొందించిన ‘ నిఘా ‘ సాఫ్ట్ వేర్ ను వినియోగించుకుంటూ వాట్సాప్ సందేశాలను ప్రభుత్వం మానిటర్ చేస్తోందా అని ఆయన ప్రశ్నించారు. దీనిపై హోం శాఖ సహాయ మంత్రి కిషన్ రెడ్డి నేరుగా సమాధానం ఇవ్వకపోయినా.. నాటి ఈ టెలిగ్రాఫ్ చట్టానికి, 2000 సంవత్సరపు ఐటీ చట్టానికి మధ్య భారత ప్రభుత్వం దేశంలోని అన్ని డిజిటల్ కమ్యూనికేషన్లకు సంబంధించి పూర్తి కంట్రోల్ కలిగి ఉందన్నారు. ఒక విధంగా చెప్పాలంటే కేంద్ర ప్రభుత్వం లేక ఒక రాష్ట్ర ప్రభుత్వం ఈ చట్టం కింద ఎలాంటి సమాచారాన్నయినా మానిటర్ లేదా డీక్రిప్ట్ చేసే అధికారాన్ని కలిగి ఉంటాయని ఆయన స్పష్టం చేశారు. దేశ భద్రత, సార్వభౌమాధికారాన్ని దృష్టిలో ఉంచుకుని గానీ లేదా విదేశాలతో స్నేహ సంబంధాల నేపథ్యంలోగానీ, అదీకాకుండా ఏదైనా నేర దర్యాప్తులో గానీ ఈ విధమైన అధికారం ప్రభుత్వాలకు ఉంటుందని ఆయన పేర్కొన్నారు.
అయితే ఇండియాలో డిజిటల్ హక్కుల పరిరక్షణ గ్రూపు-ఇంటర్నెట్ ఫ్రీడమ్ ఫౌండేషన్.. పాత కాలపు టెలిగ్రాఫ్ చట్టం ప్రస్తుతానికి తగినది కాదని అంటోంది. దీని అమలుపై సుప్రీంకోర్టులో సవాలు చేయడానికి సిధ్ధపడుతోంది. ఆ చట్టం సామ్రాజ్యవాదానికి ఊతమిచ్ఛేదిగా ఉందని, అసలు డిజిటల్ డేటాకు సంబంధించినది కాదని ఈ సంస్థ కో-ఫౌండర్ అపర్ గుప్తా అంటున్నారు. ప్రభుత్వం తన చేతిలో అధికారాలను కేంద్రీకృతం చేసుకోవడానికి ఉద్దేశించి కావాలనే ఈ చట్టం తెచ్చిందని అభిప్రాయపడ్డారు. ఈ చట్టం ఇండియాలోని ప్రతి వ్యక్తి ప్రైవసీకి సవాలుగా మారిందన్నారు.
తమ వాట్సాప్ సందేశాలన్నింటిపై నిఘా పెట్టారంటూ దేశంలోని సుమారు 19 మంది యాక్టివిస్టులు, లాయర్లు, రాజకీయనాయకులు, జర్నలిస్టులు ఆ మధ్య తీవ్ర ఆందోళన చేసిన సంగతి విదితమే. చివరకు కాంగ్రెస్ నేత ప్రియాంక గాంధీకి కూడా ఈ ‘ బెడద ‘ తప్పలేదు. ఆ నేపథ్యంలో మారన్ ఈ అంశాన్ని పార్లమెంటులో లేవనెత్తారు.

Related Tags