Breaking News
  • ప్రధాని శంకుస్థాపన చేసిన రాజధానిని మార్చే హక్కు ఎవరికీ లేదు. సుప్రీంకోర్టు, రాష్ట్రపతి ఒప్పుకుంటేనే హైకోర్టు కదులుతుంది-కేశినేని. అమరావతి రక్షణకు పార్లమెంటు వేదికగా పోరాటం చేస్తాం-కేశినేని.
  • చిత్తూరు: తిరుచానూరు పీఎస్‌ నుంచి బేడీలతో పరారైన దొంగ. ట్రాక్టర్‌ దొంగతనం కేసులో నాగరాజును అరెస్ట్‌చేసిన పోలీసులు. దొంగ నాగరాజు కోసం గాలిస్తున్న పోలీసులు.
  • ఢిల్లీ: ఆప్‌ ప్రభుత్వంపై బీజేపీ తీవ్ర విమర్శలు. నిర్భయ దోషులను రక్షించేందుకు ఆప్‌ ప్రభుత్వం యత్నిస్తోంది. కావాలనే న్యాయ ప్రక్రియను ఆలస్యం చేస్తోంది-మనోజ్‌ తివారీ. పోలీసులు తమ పరిధిలో లేరని తప్పించుకోవాలని ఆప్‌ చూస్తోంది -బీజేపీ ఢిల్లీ చీఫ్‌ మనోజ్‌ తివారీ.
  • అనంతపురం: తాడిపత్రిలో కత్తిపోట్లు. డబ్బుల విషయంలో స్నేహితుల మధ్య ఘర్షణ. రాము అనే వ్యక్తిని కత్తితో పొడిచిన రవితేజ. ఆస్పత్రికి తరలిస్తుండగా మృతి చెందిన రాము.
  • రైతులు కన్నీళ్లు పెట్టినా సీఎం మనసు కరగడం లేదు. రాష్ట్రంలో పోలీస్‌ రాజ్యం నడుస్తోంది-దేవినేని ఉమ. విశాఖలో భూదందా నడుస్తోంది-మాజీ మంత్రి దేవినేని ఉమ. రియల్‌ ఎస్టేట్‌ వ్యాపారం కోసం రాజధానిని విశాఖకు తరలిస్తున్నారు. పులివెందుల పులి డమ్మీ కాన్వాయ్‌తో వెళ్తోంది. దేశ చరిత్రలో డమ్మీ కాన్వాయ్‌తో వెళ్లిన సీఎం చరిత్రలో లేరు. సచివాలయానికి వెళ్లేందుకు మెటల్‌ రోడ్డు వేసుకుంటున్నారు. 5 కోట్ల మంది ప్రజలు రేపు రోడ్లపైకి రావాలి-దేవినేని ఉమ.

భారత్ ఎప్పుడూ అణ్వస్త్ర దేశంగా ఉండాలనుకోలేదు: మన్మోహన్‌ సింగ్‌

, భారత్ ఎప్పుడూ అణ్వస్త్ర దేశంగా ఉండాలనుకోలేదు: మన్మోహన్‌ సింగ్‌

దిల్లీ: అణ్వస్త్ర దేశంగా ఉండడానికి భారత్‌ ఎప్పుడూ ఇష్టపడలేదని మాజీ ప్రధాని మన్మోహన్‌ సింగ్‌ అన్నారు. అణ్వాయుధాల వృద్ధి వల్ల దేశాల మధ్య ఉద్రిక్త పరిస్థితులు తలెత్తే అవకాశం ఉందన్నారు. అబ్జర్వర్‌ రిసెర్చ్‌ ఫౌండేషన్‌ ఆదివారం విడుదల చేసిన ‘న్యూక్లియర్‌ ఆర్డర్‌ ఇన్‌ ది ట్వంటీ ఫస్ట్‌ సెంచురీ’ అనే పుస్తక ఆవిష్కరణ సభలో ఆయన పాల్గొన్నారు. గతంలో భారత్‌లో శాంతియుత అణు కార్యక్రమాలకు సంబంధించి పటిష్ఠ నిబంధనలు ఉండేవన్నారు. అనంతరం భద్రత దృష్ట్యా అణ్వస్త్ర దేశంగా మారాల్సి వచ్చిందని గుర్తుచేశారు. అణు సామర్థ్యం ఉన్న దేశంగా నిరూపించుకున్నప్పటికీ.. దాదాపు 25 సంవత్సరాల పాటు సంయమనం పాటించామని తెలిపారు. గత అణు ఒప్పందాలను దేశాలు విస్మరిస్తున్నాయన్నారు. దీంతో అంతర్జాతీయంగా ఆందోళనకర పరిస్థితులు నెలకొంటున్నాయని తెలిపారు. గత 70ఏళ్లలో అణు సాంకేతికత వృద్ధి చెందిందని.. దీంతో ప్రతి దేశం అణ్వస్త్రాలను సమకూర్చుకునే అవకాశం ఏర్పడిందన్నారు. కృతిమ మేథ, సైబర్ రంగాల్లో వస్తున్న మార్పులు మరింత అస్థిరతకు దారితీస్తున్నాయని ఆందోళన వ్యక్తం చేశారు. వీటి పర్యవసానంగా క్లిష్ట సమయాల్లో నేతల నిర్ణయాధికారానికి అవరోధాలు ఏర్పడే ప్రమాదముందన్నారు. చాలా దేశాలు ఆధునిక అణ్వస్త్ర సాంకేతికతను అందిపుచ్చుకుంటున్న నేపథ్యంలో వాటిని ఉపయోగించే అవకాశాలు కూడా పెరిగాయన్నారు.