Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 20 వేల 903 మంది వైరస్​ సోకింది. మరో 379 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,25,544. ప్ర‌స్తుతం యాక్టీవ్ కేసులు 2,27,439. వ్యాధి బారి నుంచి కోలుకున్న‌వారు 3,79,892. క‌రోనాతో మొత్తం ప్రాణాలు విడిచినవారి సంఖ్య 18,213.
  • భారత్ బయోటెక్‌కు ఐసీఎంఆర్ డీజీ బలరాం భార్గవ లేఖ. భారత కరోనా వ్యాక్సిన్ క్లినికల్ ట్రయల్స్ వేగవంతం చేయాలని సూచన. ఫాస్ట్-ట్రాక్ పద్ధతిలో క్లినికల్ ట్రయల్స్ చేస్తే ఆగస్ట్ 15 నాటికి అందుబాటులోకి వ్యాక్సిన్. పంద్రాగస్టు సందర్భంగా వ్యాక్సిన్ లాంఛ్ చేసే అవకాశం.
  • అమరావతి: మంత్రివర్గ విస్తరణ 22న? రాష్ట్ర మంత్రివర్గ విస్తరణ చేయడానికి రంగం సిద్దం చేస్తునట్టు సమాచారం. ఇద్దరు మంత్రులు.. మోపిదేవి వెంకటరమణారావు, పిల్లి సుభాష్‌చంద్రబోస్‌లు రాజ్యసభకు ఎన్నికైన నేపథ్యంలో తమ పదవులకు రాజీనామా ఖాళీ అయిన మంత్రి పదవులను భర్తీ చేయడానికి వీలుగా విస్తరణ చేపట్టనున్నట్లు సమాచారం 22వ తేదీన కొత్త మంత్రుల ప్రమాణ స్వీకార కార్యక్రమం నిర్వహించే అవకాశం. ప్రస్తుతం మంత్రి పదవులకు రాజీనామా చేసిన ఇద్దరు నేతలు బీసీ వర్గానికి చెందినవారు. కొత్త మంత్రులను కూడా బీసీ వర్గం నుంచే ముఖ్యమంత్రి వైఎస్‌ జగన్‌మోహన్‌రెడ్డి ఎంపిక పై కసరత్తు?
  • తల్లితండ్రుల పిల్ పై హైకోర్టులో విచారణ వాయిదా. 13వ తారీఖున సమగ్ర నివేదికతో రమ్మని ప్రభుత్వానికి చెప్పిన హైకోర్టు. ఇంకా విద్యా సంవత్సరం ప్రారంభం కాలేదని కోర్టుకు తెలిపిన ఏజీ. ఏ నిర్ణయం తీసుకోకుండా ఆన్లైన్ క్లాసులు ఎందుకు నిర్వహిస్తున్నారని ప్రశ్నించిన హైకోర్టు. కేసులో ఇంప్లీడ్ అయిన ఇండిపెండెంట్ స్కూల్ మేనేజ్మెంట్ అసోసియేషన్. రెండు నెలల క్రితమే సీబీఎస్ఈ సిలబస్ ప్రారంభమైందని తెలిపిన isma తరపు సీనియర్ న్యాయవాది. ఆన్లైన్ తరగతులపై తల్లిదండ్రులకు పై ఎలాంటి ఒత్తిడి లేదు. ఆన్లైన్ క్లాసెస్ ఆప్షన్ మాత్రమే అని తెలిపిన ఇస్మా తరపు న్యాయవాది.
  • ఎయిమ్స్ నిర్వహించిన సూపర్ స్పెషాలిటీ ఎంట్రన్స్ పరీక్షల్లో జాతీయ స్థాయిలో ప్రధమ స్థానం సాధించిన చిలకలూరిపేటకు చెందిన ప్రతాప్ కుమార్. వంద మార్కులకు గాను 91 మార్కులు సాధించిన ప్రతాప్ కుమార్.
  • ఈరోజు దక్షిణ తెలంగాణ జిల్లాల్లో భారీ వర్షాలు. రాగల మూడు రోజులు తేలికపాటి నుండి ఓ మోస్తరు వర్షాలు. ఉపరితల ఆవర్తనం తో పాటు షీర్ జోన్ ఏర్పడింది. ఆంధ్ర తీరానికి సమీపంలో కేంద్రీక`తమైన ఆవర్తనం. పశ్చిమ బంగాళాఖాతం లో 3.1 కి.మీ ఎత్తు వద్ద కొనసాగుతున్న ఉపరితల ఆవర్తనం. - వాతావరణ శాఖ సీనియర్ సైంటిస్టు రాజారావు.
  • జ్యూడిషయల్ లోకరోనా కలకలం . సికింద్రాబద్ జ్యుడీషయల్ అకాడమీ లో కరోనాతో అటెండర్ మృతి . జ్యుడిషయల్ అకాడమీ కేంద్రం గా జరుగుతున్న వీడియో కాన్ఫరెన్స్. ఆందోళనలో న్యాయవాదులు.

ఇండియా, చైనాలు వేస్తున్న చెత్త మా దేశంలో.. ట్రంప్

, ఇండియా, చైనాలు వేస్తున్న చెత్త మా దేశంలో.. ట్రంప్

ఇండియా, చైనా, రష్యా వంటి దేశాలు తమ కాలుష్యాన్ని తగ్గించుకోవడానికి చేస్తున్నదేమీ లేదని అమెరికా అధ్యక్షుడు డొనాల్డ్ ట్రంప్ ఆరోపించారు. ఆ దేశాల్లో పారిశ్రామిక కర్మాగారాలు కాలుష్యంతో నిండిపోయినా వాటిని శుద్ది చేయడానికి ఆ దేశాలు ఎలాంటి చర్యలూ తీసుకోవడంలేదని, అవి సముద్రంలో వేస్తున్న చెత్తా చెదారాలు లాస్ ఏంజిలిస్ లో తేలుతున్నాయని అన్నారు. క్లైమేట్ ఛేంజ్ అన్నది అతి జటిలమైన సమస్య అంటూ ఆయన.. ఎలా చూసినా.. తనను తాను మంచి పర్యావరణవేత్తగా అభివర్ణించుకున్నారు. ‘ మీరు నమ్మండి.. నమ్మకపోండి ‘ అన్నారు. ‘ నేను పరిశుధ్ధ వాతావరణంలో ఉన్నాను.. అయితే ఈ భూతలం మీద స్వచ్ఛమైన గాలిని కూడా కోరుతున్నాను.. అలాగే నీటిని కూడా ‘ అని ఆయన వ్యాఖ్యానించారు. ప్యారిస్ ఒప్పందం నుంచి తమ దేశం వైదొలగిందని చెబుతూ.. అది హారిబుల్ గా ఉందన్నారు. మూడేళ్ళలో మీరు మీ బిజినెస్ లను మూసేయండి.. మనకేమీ ఎలాంటి ఎనర్జీ అక్కర్లేదు అని న్యూయార్క్ లో జరిగిన ఎకనమిక్ క్లబ్ సమావేశానికి హాజరైన వారిని ఉద్దేశించి సెటైర్లు వేశారు. అసలు ఆ ఒప్పందం కారణంగా అమెరికన్ ఉద్యోగాలకు గండి పడిందన్నారు. మనకు స్వచ్ఛమైన గాలి, నీరు కావాలని, మన దేశంలో గత 40 ఏళ్లలో ఎన్నడూ లేనంత ఈ వనరులు ఇప్పుడు ఉన్నాయని ట్రంప్ పేర్కొన్నారు.
2015 లో ప్యారిస్ లో కుదిరిన ఒప్పందంలో అమెరికా మాజీ అధ్యక్షుడు బరాక్ ఒబామా, భారత ప్రధాని మోదీ కీలక పాత్ర వహించారు. క్లైమేట్ ఛేంజ్ పై వారు ప్రతిపాదించిన తీర్మానాన్ని పలు దేశాలు ఆమోదించాయి. అయితే ఈ ఒప్పందం నుంచి తాము వైదొలగుతామని ట్రంప్ 2017 జూన్ లో ప్రకటించినప్పటికీ.. ఇందుకు సంబంధించి ప్రక్రియ నవంబర్ 4 నుంచి మొదలైంది. వచ్ఛే ఏడాది నవంబరు 4 నాటికి ఆ దేశం దీని నుంచి పూర్తిగా వైదొలగుతుంది.

Related Tags