Breaking News
  • భారత్‌లో విజృంభిస్తోన్న కరోనా వైరస్‌.భారత్‌లో నిన్న 54,736 కరోనా కేసులు నమోదు, 853 మంది మృతి దేశవ్యాప్తంగా 17,50,724కు చేరిన పాజిటివ్‌ కేసులు.భారత్‌లో ఇప్పటి వరకు కరోనాతో 37,364 మంది మృతి.5,67,730 యాక్టివ్‌ కేసులు, ఇప్పటి వరకు 11,45,630 మంది డిశ్చార్జ్.
  • రాష్ట్ర ముఖ్యమంత్రి శ్రీ కె.చంద్ర శేఖర్ రావు గారి ఆదేశాల మేరకు ప్రభుత్వ కార్యాలయాలలో సమర్దవంతమైన, కచ్చితమైన సేవలు అందించడానికి e-ఆఫీసును ప్రారంభిస్తున్నట్లు ప్రభుత్వ ప్రధాన కార్యదర్శి శ్రీ సోమేష్ కుమార్ తెలిపారు. సోమవారం నాడు బి.ఆర్.కె.ఆర్ భవన్ లో సెక్రటేరియట్ లోని 8 శాఖలలో, HoD లలో 2 శాఖలలో e-ఆఫీసును ప్రారంభించారు.
  • హైదరాబాద్ లో పెరిగిన ఫోర్ వీలర్లఅమ్మాకాలు . మేనెలతో పోల్చితే రెండు నుంచి మూడింతలు పెరిగిన సేల్స్. సేల్స్ పెరగడంతో రిజిస్ట్రేషన్లు పెరిగాయంటున్న హైదరాబాద్ ఆర్టీఏ అధికారులు . మే నెలలో 326 ఫోర్ వీలర్ల రిజిస్ట్రేషన్లు. జూన్ లో 848 , జూలై లో 1149 రిజిస్ట్రేషన్లు . ఆర్ టి ఎ హైదరాబాద్ జాయింట్ కమిషనర్ పాండు రంగా నాయక్.
  • హైదరాబాద్ పోలీస్ కమిషనర్ అంజని కుమార్. హైదరాబాద్ పాతబస్తీ సౌత్ జోన్ పరిధిలో సత్ప్రవర్తన కలిగిన రౌడీషీటర్ ల మేళా ను సాలార్ జుంగ్ మ్యూజియంలో ఏర్పాటు చేసము. పాతబస్తీ లో సత్ప్రవ్తన కలిగి నేరాలకు దూరంగా ఉన్న 31 మంది రౌడీ షీటర్ పై పోలీస్ రికార్డుల్లో నుంచి రౌడీ షీట్ తొలగించము. వీరంతా కొత్త జీవితాన్ని ఆనందంగా గడిపేందుకు అవకాశం కలిపించం. గతంలో వీరంతా తప్పులు చేసి, నేరాలు చేసి జైల్ వెళ్లిన వారు. కానీ ఇప్పుడు ఒక సదవకాశం వీరు అందరికీ ఆదర్శంగా ఉండి కుటుంబం తో సంతోషంగా జీవించాలని సాధారణ పౌరులుగా వుండాలని కోరుతున్న.
  • విజయవాడ: కోవిడ్‌ ఆస్పత్రి సిబ్బంది చేతివాటం. రోగుల మొబైల్స్, డబ్బులు మాయం. సెల్‌ చోరీ చేస్తున్న దృశ్యాలు. సీసీ కెమెరాల్లో రికార్డు. ఒక రోగి అదృశ్యంపై అధికారులు సీసీ కెమెరాలు పరిశీలన. ఓ ఉద్యోగి రోగి సెల్‌ఫోన్‌ తస్కరించడం చూసి అధికారులు షాక్. ఇప్పటికే అధికారులకు ఫిర్యాదు చేసిన బాధితులు. ఉద్యోగి పై ఎవరు అనే కోణంలో దర్యాప్తు. సిబ్బంది ప్రవర్తనపై అధికారులు ఆరా.
  • బ్లాక్ బస్టర్ ఆగస్టుకు ఆహా OTT రెడి. తెలుగు ప్రేక్షకుల మనసు దోచుకున్న ఆహా OTT ఆగస్టులో 10 సినిమా లను అందిస్తుంది. పాపులర్ యాంకర్ సుమ, ప్రముఖ నిర్మాత దిల్ రాజు, తదితరులు ఫేసుబుక్ లైవ్ ద్వారా పలు విషయాలు ప్రకటించారు. మొదట దిల్ రాజు బుచ్చినాయుడు కండ్రిగ సినిమాని ప్రకటించారు. ఆగస్ట్ 21న ఆహాలో విడుదల. తెనుగు వినోదాన్ని అందిస్తున్న ఆహా OTT లో ఈ సినిమాని ప్రపంచ వ్యాప్తంగా చూడవచ్చు. పాపులర్ కమెడియన్ హర్ష సరికొత్త రియాలిటీ షో ప్రకటించారు. తమాషా విత్ హర్ష అనే సరికొత్త షో ఈనెల 22నుండి మొదలు. చివరగా సుమ OTT లో తొలిసారి అడుగు పెడుతున్నట్లు ప్రకటించారు. సమకాలీన అంశాలతో అల్ ఈజ్ వెల్ అనే వెరైటీ షో ని ప్రకటించారు. ఆగస్ట్ 14 నుండి సుమ ఆల్ ఈజ్ వెల్ ప్రసారం అవుతుంది.

సంక్షోభంలో ఆటో మొబైల్ రంగం.. అమ్మకాలు డీలా.. ఉద్యోగుల ఉద్వాసన

India auto sales decline for 10th straight month worst slump in two decades, సంక్షోభంలో ఆటో మొబైల్ రంగం.. అమ్మకాలు డీలా..  ఉద్యోగుల ఉద్వాసన

భారతీయ ఆటోమోబైల్ ఉత్పత్తుల అసోసియేషన్ గణాంకాలు ప్రస్తుతం నివ్వెరపరుస్తున్నాయి. ఈ నివేదిక ప్రకారం గత నెలలో ప్యాసింజర్ వాహనాలు, ఇతర వాహనాల అమ్మకాలు విపరీతంగా పడిపోయినట్టు తేలింది. గత పదినెలలుగా ఇదే పరిస్థితి కొనసాగుతున్నా.. ఆగస్టు నెలలో మాత్రం అమ్మకాలు మరింత క్షీణించాయని సియామ్ వెల్లడించింది. వరసబెట్టి పది నెలలుగా ఇదే పరిస్థితి కొనసాగుతూ దేశీయ ఆటో పరిశ్రమ కుదేలవడం ఆలోచింపజేసే అంశంగా తెలుస్తోంది.

1997 98 నుంచి డేటాను అమ్మకాలు, కొనుగోలు రికార్డు చేయడం ప్రారంభించిన నాటినుంచి ఇప్పటికి ఇదే అతిపెద్ద క్షీణతగా నివేదిక వెల్లడించింది. అమ్మకాలు ఊహించని విధంగా తగ్గడంతో ఆయా ఆటోమొబైల్ సంస్ధలు తమ కంపెనీల్లో పనిచేస్తున్న తాత్కాలిక ఉద్యోగులు 15వేల మందిని తొలగించాయి. దీంతో వీరంతా రోడ్డున పడే పరిస్థితి వచ్చింది. ఇప్పటికే మూడు నెలల కాలంలో దాదాపు 300 డీలర్ ఫిప్‌లు మూతపడ్డాయి. తమ వద్ద పని చేస్తున్న దాదాపు 2.8 లక్షలమందిని దేశవ్యాప్తంగా ఉన్న డీలర్లు తొలగించారు. పరిస్థితి ఇలాగే కొనసాగితే మరో 10 లక్షల మంది తమ ఉద్యోగాలు పోగుట్టుకోవడం ఖాయమనే ఆందోళన ఉద్యోగుల్లో వ్యక్తమవుతోంది.

దేశంలో ప్రస్తుతం ఆటోమొబైల్ రంగం భారీ సంక్షోభాన్ని ఎదుర్కొంటుంది.దీంతో దేశీయంగా కార్లను తయారీ చేస్తున్న అతిపెద్ద సంస్ధ మారుతీ సుజుకీ గత వారంలో హర్యానాలోని గురుగ్రామ్, మనేసర్ ప్రాంతాల్లో ఉన్న తమ ప్లాంట్లలో ఉత్పత్తిని అమాంతం నిలిపివేసింది. మారుతీ బాటలో హెవీ వెహికల్స్ తయారీ సంస్ధ అశోక్ లేలాండ్స్ కూడా తమ ఉద్యోగులకు 16 రోజుల పాటు పనిదినాలను రద్దు చేసినట్టు ప్రకటించింది. పరిస్థితి ఇలాగే కొనసాగితే లక్షలాది మంది తమ ఉద్యోగాలు కోల్పోవలసి వస్తుందని, ఆటోమొబైల్ తయారీ సంస్ధలు భయాందోళన వ్యక్తం చేస్తున్నాయి. అందువల్ల ఎలాగైనా సమస్య నుంచీ గట్టెక్కాలని ఆలోచనతో ఈ కంపనీకి చెందిన ఐదు ప్లాంట్లలో… నాన్ వర్కింగ్ డేస్ ప్రవేశపెట్టింది. ఈ నెలలోనే ఈ నిర్ణయం అమల్లోకి తెచ్చింది. ఇందుకు సంబంధించి ఓ ప్రకటన విడుదల చేసింది. దాని ప్రకారం… ఎన్నోర్ ప్లాంట్‌లో ఈ నెలలో 16 నాన్ వర్కింగ్ డేస్ ప్రకటించింది. అలాగే అళ్వార్, భండారా ప్లాంట్లలో 10 రోజులు, పంత్‌నగర్ ప్లాంట్‌లో ఏకంగా 18 రోజులు,హోసూర్ 1, 2 ప్లాంట్లు,సీపీపీఎస్ లో ఐదు రోజులు, నాన్ వర్కింగ్ డేస్ ప్రకటించింది.

ప్రయాణీకులను చేర్చే ప్యాసింజర్ వాహనాల అమ్మకాలు ఈ ఏడాది 31.57 శాతం పడిపోయి గత నెలలొ 196,524 యూనిట్లకు తగ్గిపోయాయి. ప్రస్తుతం ఈ ప్యాసింజర్ కార్ల అమ్మకాలు 41.09 శాతం తగ్గి 115,957 యూనిట్లకు చేరుకున్నాయి. వీటిలో ముఖ్యంగా బస్సులు, ట్రక్కుల అమ్మకాలు 39 శాతం పడిపోగా, టూ వీలర్ అమ్మకాలు 22 శాతం పడిపోయి 1.5 మిలియన్ యూనిట్లకు చేరాయి. ఇదిలా ఉంటే ఈ ఉత్పత్తుల ఎగుమతులు మాత్రం 14. 73 శాతం పెరగడం ఆశ్చర్యాన్ని కలిగిస్తోంది.

భారతీయ ఆటో మొబైల్ రంగాన్ని ఆదుకోవడానికి ప్రభుత్వం తక్షణమే విధానపరమైన నిర్ణయాలను తీసుకోవా భారత ఆటోమొబైల్‌ తయారీదారుల సంఘం (సియామ్‌) డిమాండ్ చేస్తోంది. ఈ రంగానికి సంబంధించి వస్తు, సేవల పన్ను తగ్గింపు, స్క్రాపేజ్‌ పాలసీ వంటి నిర్ణయాలను వెంటనే తీసుకుని ఈ పరిశ్రమకు పూర్వవైభవాన్ని తీసుకురావాలని సియామ్ కోరుతోంది. ప్రస్తుతం అమల్లో ఉన్న 28 శాతం ఉన్న జీఎస్‌టీ రేటును 18 శాతానికి తగ్గించాలని సియామ్ గతంలో కోరగా.. దీనికి సంబంధించి ప్రభుత్వం తుది నిర్ణయాన్నిఇంకా ప్రకటించలేదు. జీఎస్టీ రేటు తగ్గితే వాహన ధరలు భారీగా తగ్గి డిమాండ్‌ మళ్లీ పెరిగేందుకు అవకాశం ఉందని సియామ్ భావిస్తోంది.

Related Tags