కరోనా అప్‌డేట్ : రికార్డు స్థాయిలో రికవరీ..

దేశంలో కరోనా రికవరి రేట్ పెరిగింది. దేశంలో 24 గంటల్లో రికార్డు స్థాయిలో లక్ష మందికి పైగా రోగులు కరోనా నుంచి కోలుకున్నారు. ఇటీవల కొద్ది రోజుల నుంచి రికవరీల సంఖ్య భారీగా పెరుగుతోంది. సోమవారం ఏకంగా లక్ష మంది కరోనా నుంచి కోలుకోవడంతో మొత్తం రికవరీల సంఖ్య 44లక్షల 97వేల 867కు చేరింది. మరోవైపు కొత్త కేసుల సంఖ్య కూడా ..రోజూవారీ కేసులతో పోలిస్తే చాలా తక్కువగా ఉంది.

24 గంటల్లో 1,053 మంది మరణించారు. దీంతో మొత్తం మరణాల సంఖ్య 88 వేల 935 కు చేరుకుందని కేంద్ర ఆరోగ్య శాఖ తెలిపింది. దేశంలో యాక్టివ్‌ కేసుల సంఖ్య 9లక్షల 75వేల 861 ఉండగా.. మొత్తం కేసుల్లో యాక్టివ్‌ కేసులు 17. 54 శాతం ఉన్నాయి. దేశంలో కరోనా రికవరీ రేటు క్రమంగా పెరుగుతోందని, ప్రస్తుతం ఇది 80. 86 శాతానికి పెరిగినట్లు కేంద్ర ఆరోగ్య శాఖ వెల్లడించింది. మరణాల రేటు 1.60 శాతానికి పడిపోయిందని తెలిపింది.

India’s testing capacity has surged to more than 12L daily tests. Higher than 6.5 cr total tests have been conducted across the country. Higher testing leads to early identification of positive cases. As evidence revealed, eventually positivity rate will fall: Health Ministry pic.twitter.com/YoW0Bix201

— ANI (@ANI) September 23, 2020

నాలుగు రోజులుగా కొత్త కేసుల కంటే రికవరీలు ఎక్కువగా ఉంటున్నాయని కేంద్రం తెలిపింది. ప్రపంచంలో ఉన్న మొత్తం కేసుల్లో భారత్‌ నుంచి 17.7 శాతం కేసులు ఉన్నాయన్నారు కేంద్ర ఆరోగ్య శాఖ ప్రతినిధులు. అయితే కోలుకున్న వారిలో 19.5 శాతం ఉన్నారని చెప్పారు. అమెరికా నుంచి 22.4 శాతం కేసులు ఉండగా, అక్కడ కోలుకున్న వారి శాతం 18.6గా ఉందని చెప్పారు. బ్రెజిల్‌తో పోల్చినప్పటికీ, భారత్‌ నుంచే రికవరీలు ఎక్కువగా ఉన్నాయన్నారు .