Breaking News
  • త్వరలో జనసేన క్రియాశీలక కార్యకర్తలతో పవన్‌ సమావేశాలు. 4 వారాల పార్టీ కార్యక్రమాల ప్రణాళికలు రూపొందించాలని నిర్ణయం. ప్రతి అసెంబ్లీ నియోజకవర్గం నుంచి.. పార్టీ కోసం పనిచేసే వారి జాబితా తయారు చేయాలి. ఈ నెల చివరి వారం నుంచి కార్యకర్తల సమావేశాలు నిర్వహించాలి. స్థానిక సంస్థల ఎన్నికల్లో అనుసరించాల్సిన విధానాలు.. బీజేపీతో ప్రయాణంపై సమావేశాల్లో చర్చించనున్న పవన్‌కల్యాణ్‌. గత ఎన్నికల్లో జనసేన తరపున పోటీచేసిన.. అభ్యర్థుల సమావేశం కూడా ఏర్పాటు చేయాలన్న పవన్‌కల్యాణ్‌.
  • ఇంధన పొదుపులో టీఎస్‌ ఆర్టీసీకి జాతీయ స్థాయిలో రెండో పురస్కారం. పురస్కారాన్ని అందుకున్న ఎండీ సునీల్‌శర్మ. రాష్ట్ర స్థాయిలో మూడు డిపోలకు దక్కిన అవార్డులు.
  • చెన్నైలో రోడ్డు ప్రమాదం. బైక్‌ను ఢీకొన్న కారు, ఇద్దరు మృతి. మృతులు తెలుగు యువకులుగా గుర్తింపు. విశాఖకు చెందిన బాలమురళి, హైదరాబాద్‌కు చెందిన రాహుల్‌గా గుర్తింపు. చెన్నైలో సాఫ్ట్‌వేర్‌ ఉద్యోగాలు చేస్తున్న బాలమురళి, రాహుల్‌.
  • రాజ్‌కోట్‌ వన్డే: ఆస్ట్రేలియా విజయలక్ష్యం 341 పరుగులు. ఆరు వికెట్ల నష్టానికి 340 పరుగులు చేసిన భారత్‌.
  • మాజీమంత్రి సోమిరెడ్డి చంద్రమోహన్‌రెడ్డికి అస్వస్థత. హైదరాబాద్‌లోని అపోలో ఆస్పత్రిలో సోమిరెడ్డికి చికిత్స.

ఒక్క అవకాశం ఇవ్వండి: మోదీకి ఇమ్రాన్ విఙ్ఞప్తి

, ఒక్క అవకాశం ఇవ్వండి: మోదీకి ఇమ్రాన్ విఙ్ఞప్తి

తనకు ఒక్క అవకాశం ఇవ్వండి అంటూ భారత ప్రధాని నరేంద్రమోదీని కోరారు పాక్ ప్రధాని ఇమ్రాన్ ఖాన్. మోదీ ఇచ్చిన సవాల్‌పై స్పందించిన ఇమ్రాన్ ఖాన్.. తన మాటకు కట్టుబడి ఉన్నానని, పుల్వామా ఘటనకు స్పందించిన ఆధారాలు ఉంటే ఇవ్వాలని, వెంటనే చర్యలు తీసుకుంటామని  చెప్పారు. ఈ మేరకు పాక్ ప్రధాని కార్యాలయం పేర్కొంది.

అయితే ఇమ్రాన్ ఖాన్ కొత్త ప్రధానిగా ఎన్నికైనప్పుడు తాను మర్యాదపూర్వకంగా ఫోన్ చేసి శుభాకాంక్షలు చెప్పానని.. ఆ సమయంలో ‘‘ఇన్ని రోజులు పోట్లాడుకున్నాం. ఇకపై చేతులు కలిపి పేదరికం, నిరక్షరాస్యతలను రూపుమామేందుకు కృషి చేద్దామని’’ ఆయనతో చెప్పానని మోదీ అన్నారు. దానికి ఇమ్రాన్ ఒప్పుకుంటూ ‘‘తాను పఠాన్‌ల కుమారుడిననీ, అబద్ధాలు చెప్పనని అన్నారని’’.. ఇప్పుడు ఆ మాటను నిలబెట్టుకుంటారో లేదో చూద్దాం అంటూ మోదీ సవాల్ విసిరారు. ఈ సవాల్‌పై స్పందించిన ఇమ్రాన్.. శాంతి కోసం తనకు ఒక్క చాన్స్ కావాలని కోరారు. కాగా పుల్వామా ఘటన తరువాత ఇరు దేశాల మధ్య ఉద్రిక్త పరిస్థితులు నెలకొన్న విషయం తెలిసిందే.