Breaking News
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 10 గంటల సమయం. ఈరోజు శ్రీవారి హుండీ ఆదాయం రూ.2.92 కోట్లు. సాయంత్రం వరకు శ్రీవారిని దర్శించుకున్న 45,143 మంది భక్తులు.
  • హైదరాబాద్‌: గచ్చిబౌలిలో సాఫ్ట్‌వేర్‌ ఉద్యోగి సన్నీబాబు ఆత్మహత్య. ఆత్మహత్య చేసుకుంటున్నట్టు బావ సంపత్‌కు సన్నీబాబు ఈ మెయిల్‌. కేసు నమోదు చేసి దర్యాప్తు చేస్తున్న పోలీసులు.
  • ఏలూరు ప్రభుత్వాస్పత్రిలో గానాబజానా వ్యవహారంపై ప్రభుత్వం ఆగ్రహం. ఆరుగురు సిబ్బందిపై శాఖాపరమైన విచారణ చేపట్టిన వైద్యారోగ్యశాఖ. హెడ్‌ నర్సులు, నర్సింగ్‌ సూపరింటెండెంట్‌లు, ఫార్మాసిస్ట్‌లపై.. చర్యలు తీసుకుంటూ ఆదేశాలు జారీ.
  • వరంగల్‌: మేడారం సమ్మక్క-సారలమ్మ జాతర హుండీల లెక్కింపు. 436 హుండీల లెక్కింపు పూర్తి. రూ.10.29 కోట్ల ఆదాయం.
  • రామాయపట్నం పోర్టు పరిధిని నిర్ధారిస్తూ ఏపీ ప్రభుత్వం ఉత్తర్వులు. పోర్టు జియో కోఆర్డినేట్స్‌ను నోటిఫై చేసిన మౌలిక వనరులకల్పన శాఖ. పోర్టు నిర్మించిన ప్రాంతానికి 30 కి.మీ. పరిధిలో.. మరో ఓడరేవు నిర్మించేందుకు వీల్లేకుండా అంగీకారం. రామాయపట్నం పోర్టు నిర్మాణంపై.. డీపీఆర్‌ రూపకల్పనలో భాగంగా పోర్టు పరిధి నిర్ధారిస్తూ ఉత్తర్వులు. ప్రభుత్వానికి వివిధ ప్రతిపాదనలు పంపిన ఏపీ మారిటైమ్‌ బోర్డు. నాన్‌ మేజర్‌ పోర్టుగా రామాయపట్నంను అభివృద్ధి చేయనున్న ప్రభుత్వం.
  • హైదరాబాద్‌: సీసీఎస్‌ పోలీసులకు కరాటే కల్యాణి ఫిర్యాదు. సోషల్ మీడియాలో శ్రీరెడ్డి తనను అసభ్యపదజాలంతో దూషించిందని ఫిర్యాదు. శ్రీరెడ్డిపై 506, 509 ఐటీ యాక్ట్ కింద కేసు నమోదు. సోషల్‌ మీడియాలో అసభ్య కామెంట్స్ చేయడం చట్టరీత్యా నేరం. సపోర్టింగ్‌ కామెంట్స్ చేసినవారిపై కూడా చర్యలు తీసుకుంటాం -సీసీఎస్‌ సైబర్‌క్రైమ్‌ ఏసీపీ ప్రసాద్.

ఇల్లీ బేబి కసరత్తులు.. మెగాస్టార్ కోసమేనా..!

Ileana to romance Chiranjeevi in Koratala film?, ఇల్లీ బేబి కసరత్తులు.. మెగాస్టార్ కోసమేనా..!

ఇన్ని రోజులు విదేశీయుడితో ప్రేమలో ఉన్న గోవా బ్యూటీ ఇలియానా.. ఇటీవలే అతడితో బంధానికి గుడ్‌బై చెప్పేసింది. దీంతో మళ్లీ సినిమాల్లో బిజీ అవ్వాలని అనుకుంటోంది. దీంతో కసరత్తులు ప్రారంభించేసింది. ప్రతిరోజు జిమ్‌లో వ్యాయామం చేస్తోంది. అయితే ఈ కసరత్తుల వెనుక మరో కారణం ఉన్నట్లు తెలుస్తోంది. అదేంటంటే.. ఈ భామకు మెగాస్టార్ చిరంజీవి సినిమాలో ఆఫర్ వచ్చిందట.

చిరు హీరోగా కొరటాల శివ ఓ సినిమాను తెరకెక్కిస్తోన్న విషయం తెలిసిందే. సామాజిక సమస్యల నేపథ్యంలో తెరకెక్కబోతున్న ఈ మూవీలో చిరు సరసన హీరోయిన్‌గా పలువురి పేర్లు వినిపించాయి. కాజల్, అనుష్క, శృతీ హాసన్, ఐశ్వర్య, నయనతార ఇలా పలువురిని చిరు కోసం సంప్రదించినట్లు వార్తలు వచ్చాయి. అయితే ఇందులో ఎవరూ ఇంకా ఫైనల్ అయినట్లు అధికారిక ప్రకటన రాలేదు. ఈ నేపథ్యంలో తాజాగా ఇలియానా పేరు ఫిలింనగర్‌లో వినిపిస్తోంది.

చిరు మూవీ కోసం ఈ భామను సంప్రదించారని.. కథ నచ్చి ఇందులో నటించేందుకు ఇలియానా ఒప్పుకుందని తెలుస్తోంది. ఇక అందులో భాగంగానే సన్నబడేందుకు కసరత్తులు చేస్తోందని టాక్. మరి ఇందులో నిజమెంతా..? ఇల్లీ బేబి నిజంగానే మెగా ఆఫర్ కొట్టేసిందా..? అనే విషయాలు తెలియాలంటే మాత్రం కొద్ది రోజులు ఆగాల్సిందే. కాగా ప్రస్తుతం ప్రీ ప్రొడక్షన్ పనులను జరుపుకుంటోన్న చిరు 152వ చిత్రం త్వరలో సెట్స్ మీదకు వెళ్లనుంది. ఇందుకోసం చిరు కూడా సన్నబడే పనిలో ఉన్నారు. రామ్ చరణ్, మ్యాట్నీ ఎంటర్‌టైన్‌మెంట్ సంయుక్తంగా నిర్మిస్తున్న ఈ చిత్రాన్ని వచ్చే ఏడాది ప్రేక్షకుల ముందుకు తీసుకువచ్చేలా ప్లాన్ చేస్తున్నారు.

Related Tags