Breaking News
  • భారత్ లో వేగంగా పెరుగుతున్న కరోనా కేసులు, మరణాలు. గడిచిన 24 గంటల్లో కొత్తగా 22,252 కేసులు, 467 మంది మృతి. దేశవ్యాప్తంగా7,19,665 కేసులు,19,693 మంది మృతి. దేశ వ్యాప్తంగా 2,59,557 యాక్టీవ్ కేసులు4,39,948 మంది డిశ్చార్జ్. కేంద్ర ఆరోగ్య మంత్రిత్వ శాఖ.
  • భారత్ బయోటెక్ ICMR సంయుక్తంగా నిర్వహించే క్లినికల్ ట్రయల్స్ ప్రక్రియ నిమ్స్ లో ప్రారంభం. ఇవ్వాళ ఆరోగ్య వతమైన వ్యక్తుల రిజిస్ట్రేషన్ ప్రక్రియ ప్రారంభం. క్లినికల్ ట్రైల్స్ లో భాగం కానున్న 60 మంది. ఆరోగ్యంగా ఉండి క్లినికల్ ట్రయల్ కి సమ్మతించిన వారి రక్తనమూనాలను సేకరించి వివిధ రకాల వైద్య పరీక్షలు చేయనున్న నిమ్స్ ఆస్పత్రి.
  • విజయవాడ: స్వరాజ్ మైదానంలో 125 అడుగుల అంబేద్కర్ విగ్రహం ఏర్పాటు చేస్తున్నాం. స్వరాజ్ మైదానంలో 20 ఎకరాల విస్తీర్ణంలో విగ్రహంతో పాటు, పార్క్, మెమోరియల్ . ఇరిగేషన్ డిపార్ట్మెంట్ కి చెందిన భూమిని సాంఘిక సంక్షేమ శాఖకు అప్పగిస్తూ నిర్ణయం తీసుకున్నాం. రేపు సాయంత్రం 4 గంటలకు సీఎం జగన్ శంకుస్థాపన చేస్తారు. ఏడాదిలో మొత్తం ప్రోజెక్టు పూర్తి చేస్తాం. చంద్రబాబు హయాంలో అంబేద్కర్ విగ్రహం గ్రాఫిక్ కే పరిమితం చేశారు. ఎక్కడో ఊరికి చివరలో తూతూ మంత్రంగా శంకుస్థాపన చేశారు.
  • రెపటినుండి నిమ్స్ లో ప్రారంభం కానున్న క్లినికల్ ట్రైల్స్. ఏర్పాట్లను పూర్తి చేసిన నిమ్స్ యాజమాన్యం. ఎథిక్స్ కమిటీ అద్వర్యం లో జరగనున్న క్లినికల్ ట్రైల్స్.
  • సాఫ్ట్ వేర్ ఇంజనీర్ లావణ్య అత్మహత్య కేసులో నింధితుల అరెస్ట్ . శంషాబాద్ సిఎస్ కె విల్లాస్ లో సాఫ్ట్ వేర్ ఉద్యోగిని లావణ్య లహరి అత్మహత్య కేసులో నింధితులు మామ సుబ్బారావు ,అత్త రమాదేవి ,అడపడుచులు కృష్ణవేణి లక్ష్మీ కుమారిపై కేసు పమోదు . ప్రకాశం జిల్లా పిసిపల్లి మండలం లో అదుపులోకి తీసుకున్న పోలీసులు . నిందితులను హైదరాబాద్ కు తరలింపు.
  • పెద్ద అంబర్పేట్ అవుటర్ రింగ్ రోడ్డు పై ప్రమాదం. అవుటర్ రింగ్ రోడ్డు పై ఏపీ మంత్రి ఎస్కార్ట్ వాహనం బోల్తా. హెడ్ కానిస్టేబుల్ పాపయ్య మృతి మరో ముగ్గురు కానిస్టేబుల్లకి గాయాలు. ఏ పి మంత్రి బాలినేని శ్రీనివాస రెడ్డి ఎస్కార్ట్ వాహనం టైర్ బ్లాస్ట్ అవ్వడం తో పల్టీ కొట్టిన బొలెరో వాహనం. ప్రమాదం లో గాయపడ్డ వారిని హయత్ నగర్ లోని హాస్పిటల్ కి తరలింపు. గచ్చిబౌలి నుండి విజయవాడకి వెళ్తుండగా ఘటన.

గ్రేటర్‌లో కరోనా సర్వే.. రంగంలోకి ఐసీఎమ్ఆర్

గ్రేటర్ హైదరాబాద్ పరిధిలో కరోనా కేసులపై భారత వైద్య పరిశోధనా మండలి(ఐసీఎమ్ఆర్) సర్వెలైన్స్‌ రెండు రోజుల పాటు సర్వే నిర్వహించనుంది. గ్రేటర్ పరిధిలోని 5 కంటైన్మెంట్ జోన్లలో శని, ఆదివారాల్లో ఎన్ఐఎన్ టీమ్స్ ఈ సర్వే నిర్వహించనున్నాయి.నివేదిక ఆధారంగా లాక్‌డౌన్ పొడిగింపుపై..
icmr nin to conduct surveillance survey on corona cases in hyderabad, గ్రేటర్‌లో కరోనా సర్వే.. రంగంలోకి ఐసీఎమ్ఆర్

తెలంగాణలో కరోనా వైరస్ విజృంభణ కొనసాగుతోంది.. గత రెండు రోజులుగా వందకు పైగా కొత్త కేసులు నమోదవుతున్నాయి. ఇక రాష్ట్రంలో నమోదవుతున్న కరోనా కేసుల్లో అత్యధికం హైదరాబాద్‌లోనే నమోదు కావటం ఆందోళన కలిగిస్తోంది. ఈ నేపథ్యంలో గ్రేటర్ హైదరాబాద్ పరిధిలో కరోనా కేసులపై భారత వైద్య పరిశోధనా మండలి(ఐసీఎమ్ఆర్) సర్వెలైన్స్‌ శనివారం నుంచి రెండు రోజుల పాటు సర్వే నిర్వహించనుంది. శని, ఆదివారాల్లో ఎన్ఐఎన్ టీమ్స్ ఈ సర్వే నిర్వహించనున్నాయి. హైదరాబాద్‌లోని 5 కంటైన్మెంట్‌ జోన్లలో రెండు రోజుల పాటు జాతీయ పౌష్టికాహార సంస్థ (ఎన్ఐఎన్) టీమ్స్ ఈ సర్వే నిర్వహించనున్నాయి.

గ్రేటర్ పరిధిలోని 5 కంటైన్మెంట్ జోన్లు.. ఆదిభట్ల, బాలాపూర్, మియాపూర్, చందానగర్, టప్పాచబుత్రలో రెండు రోజుల పాటు అధికారులు సర్వే చేయనున్నారు. ఈ ఐదు కంటైన్మెంట్‌ జోన్లలో కరోనా కేసులు, వాటి పరిస్థితి, లక్షణాలపై ఇంటింటా సర్వే నిర్వహిస్తారు. ఇందుకు సంబంధించి ఇప్పటికే ప్రతి జోన్‌కు 2 చొప్పున 10 ప్రత్యేక టీమ్‌ల ద్వారా సర్వేకు ఏర్పాట్లు పూర్తి చేశారు. గతంలో తెలంగాణలోని జనగామ, కామారెడ్డి, నల్గొండ జిల్లాల్లో ఇప్పటికే సర్వే జరిపారు.

ICMR నివేదికల ఆధారంగానే లాక్‌డౌన్‌ పొడిగింపుపై కేంద్రం నిర్ణయం తీసుకుంటూ వస్తోంది. ఈ నేపథ్యంలో ప్రస్తుతం కరోనా ప్రభావం ఎక్కువగా ఉన్న ప్రాంతాల్లో సర్వే చేపట్టారు. హైదరాబాద్‌లో పెరుగుతున్న కేసులు, లక్షణాలు లేనటువంటి కేసులపై ఐసీఎంఆర్‌ పూర్తిస్థాయి నివేదిక తయారుచేయనుంది. ఆ నివేదికను కేంద్ర వైద్యఆరోగ్యశాఖకు సమర్పిస్తారు. నివేదిక ఆధారంగానే లాక్‌డౌన్ పొడిగింపుపై కేంద్ర ప్రభుత్వం నిర్ణయం తీసుకోనుంది. మే 31తో లాక్‌డౌన్ 4 ముగియనున్న సంగతి తెలిసిందే.

Related Tags