గ్రీన్లాండ్ మంచు కరిగిందా.. అంతే సంగతులు
గ్రీన్లాండ్ అంటే మంచుదుప్పటికి కేరాఫ్ అడ్రస్.. అలాంటి ఆ ఐస్ పై కుక్కలతో సామాగ్రిని తరలిస్తుంటారు. కానీ, ఇప్పుడు పరిస్థితి పూర్తిగా మారిపోయింది. రాను రాను గ్రీన్లాండ్లో ఐస్ కరిగిపోతోంది. ఈ నీటిలోనే ఇప్పుడు కుక్కలు సైంటిస్టుల సామాగ్రిని తీసుకెళుతున్నాయి. పర్యావరణ మార్పులు ఎంతలా గ్రీన్లాండ్ను ప్రభావితం చేస్తున్నాయో చెప్పేందుకు ఇదే నిదర్శనం అంటున్నారు నిపుణులు. ప్రపంచవ్యాప్తంగా ఉత్పన్నమ వుతున్న కర్బనవాయువులు ఇదే వేగంతో పెరుగుతుంటే ఈ శతాబ్దం ముగిసేలోపే గ్రీన్ల్యాండ్లోని 4.5 శాతం మంచుకొండలు కరిగిపోయే […]
గ్రీన్లాండ్ అంటే మంచుదుప్పటికి కేరాఫ్ అడ్రస్.. అలాంటి ఆ ఐస్ పై కుక్కలతో సామాగ్రిని తరలిస్తుంటారు. కానీ, ఇప్పుడు పరిస్థితి పూర్తిగా మారిపోయింది. రాను రాను గ్రీన్లాండ్లో ఐస్ కరిగిపోతోంది. ఈ నీటిలోనే ఇప్పుడు కుక్కలు సైంటిస్టుల సామాగ్రిని తీసుకెళుతున్నాయి. పర్యావరణ మార్పులు ఎంతలా గ్రీన్లాండ్ను ప్రభావితం చేస్తున్నాయో చెప్పేందుకు ఇదే నిదర్శనం అంటున్నారు నిపుణులు.
ప్రపంచవ్యాప్తంగా ఉత్పన్నమ వుతున్న కర్బనవాయువులు ఇదే వేగంతో పెరుగుతుంటే ఈ శతాబ్దం ముగిసేలోపే గ్రీన్ల్యాండ్లోని 4.5 శాతం మంచుకొండలు కరిగిపోయే ప్రమాదం ఉందని తాజా పరిశోధనలో వెల్లడించింది. దాంతోపాటు సముద్ర మట్టాలు 13 అంగుళాల మేర పెరిగే అవకాశం ఉందని ఆ నివేదిక హెచ్చరించింది. ఇదే పరిస్థితి కొనసాగితే 3000 సంత్సరానికల్లా గ్రీన్ల్యాండ్లోని మంచు పూర్తిగా కరిగిపోయే ప్రమాదం ఉందని నిపుణులు అభిప్రాయపడుతున్నారు.
గ్రీన్ల్యాండ్లో 6,60,000 చదరపు కిలోమీటర్ల మేర మంచు పరచుకొని ఉంది. ఈ మంచుకొండల కింద ఉన్న ప్రాంతాల పరిస్థితులపై కొందరు నిపుణులు అధ్యయనం చేశారు. దాదాపు 500 రకాల విభిన్న పరిస్థితులను అంచనా వేశారు. వీటిని అంచనా వేసే క్రమంలో పెద్ద మంచు పర్వతాలను కూడా పరిగణనలోకి తీసుకున్నారు. వాటి నుంచి కరుగుతున్న హిమ శాతాన్ని కలిపి ఈ మేరకు అంచనాలు వేశారు. 1991, 2015 మధ్య సంవత్సరానికి 0.02 శాతం చొప్పున సముద్రమట్టం పెరిగిందని అన్నారు. గ్రీన్ల్యాండ్లోని మంచు పర్వతాలను కూడా కలిపి పరిశోధన చేసిన మొదటి నివేదిక ఇదే కావడం విశేషం.
ప్రస్తుతం ఉన్న దానికన్నా కర్బనవాయువులు ఎక్కువగా ఉత్పన్నమైతే 3000 సంవత్సరం కల్లా సముద్రమట్టం 24 అడుగులు పెరుగుతుందని హెచ్చరించారు. దీనివల్ల సముద్రపు ఒడ్డున ఉన్న శాన్ ఫ్రాన్సిస్కో, లాస్ ఏంజెలస్, న్యూ ఓర్లాన్స్ వంటి నగరాలు సముద్రంలో మునగడం ఖాయమని చెబుతున్నారు. కర్బన వాయువులు పెరగకుండా జాగ్రత్తలు తీసుకుంటే సముద్ర మట్టం కేవలం 6.5 అడుగులు మాత్రమే పెరిగే అవకాశం ఉందని నిపుణులు అభిప్రాయం వ్యక్తం చేస్తున్నారు.