ఆఫ్ఘన్ ప్రపంచకప్ గెలిచిన తరువాతే పెళ్లి చేసుకుంటా: రషీద్ ఖాన్
తమ దేశం ప్రపంచ కప్ని గెలిచిన తరువాతే తాను పెళ్లిచేసుకుంటానని ఆఫ్ఘనిస్థాన్ స్పిన్నర్ రషీద్ ఖాన్ వెల్లడించారు. ఓ రేడియో కార్యక్రమానికి ఇచ్చిన ఇంటర్వ్యూలో తన నిశ్చితార్ధం, పెళ్లి గురించి మాట్లాడారు రషీద్.
తమ దేశం ప్రపంచ కప్ని గెలిచిన తరువాతే తాను పెళ్లిచేసుకుంటానని ఆఫ్ఘనిస్థాన్ స్పిన్నర్ రషీద్ ఖాన్ వెల్లడించారు. ఓ రేడియో కార్యక్రమానికి ఇచ్చిన ఇంటర్వ్యూలో తన నిశ్చితార్ధం, పెళ్లి గురించి మాట్లాడారు రషీద్. ఈ సందర్భంగా ”ఆప్ఘనిస్థాన్ ప్రపంచ కప్ గెలిచిన తరువాతే నేను ఎంగేజ్మెంట్, పెళ్లి చేసుకుంటా” అని రషీద్ వివరించారు. అయితే 2015లో అంతర్జాతీయ క్రికెట్లోకి అడుగుపెట్టిన రషీద్.. 2019 ప్రపంచకప్లో ఆఫ్ఘన్ తరఫున బరిలోకి దిగాడు. కానీ అందులో ఆప్ఘన్ ఆశించిన స్థాయిలో రాణించలేకపోయింది.
ఇక ఆఫ్ఘన్ తరఫున 7 టెస్టులు, 67 వన్డేలు, 48 టీ20లలో ఆడిన రషీద్.. పలు మ్యాచ్లను ఒంటి చేత్తో మలుపుతిప్పాడు. ఇదిలా ఉంటే రషీద్ చివరి సారిగా మార్చిలో ఐర్లాండ్పై జరిగిన టీ 20 మ్యాచ్లో ఆడారు. ఆ తరువాత కరోనా విజృంభణ ప్రారంభం కావడం, లాక్డౌన్ విధించడంతో మ్యాచ్లకు బ్రేక్ పడింది. మరోవైపు ఈ ఏడాది ఐపీఎల్ లేకుండా ముగించమని ఇటీవల బీసీసీఐ అధ్యక్షుడు ఇచ్చిన ప్రకటనతో.. రషీద్ ఐపీఎల్కు సిద్ధమవుతున్నట్లు తెలుస్తోంది. ఐపీఎల్లో సన్రైజర్స్ హైదరాబాద్ తరఫున ఈ స్పిన్నర్ ఆడనున్నారు.