Breaking News
  • కరోనా వైరస్‌ వ్యాపిస్తున్న నేపథ్యంలో శానిటైజర్‌, మాస్క్‌లు ఉపయోగించాలని తెలిపారు హైదరాబాద్‌ సీపీ అంజనీకుమార్‌. వ్యక్తిగత దూరాన్ని పాటిస్తూ లాక్‌డౌన్‌కు సహకరించాలని కోరారు. అలాగే పోలీసు వాహనాలను ఎప్పటికప్పుడు శానిటైజేషన్‌ చేయాలని ఆదేశించారు.
  • విశాఖలో కరోనా పాజిటివ్‌ కేసుల సంఖ్య 15కు చేరింది. అక్కయ్యపాలెం, తాటిచెట్ల పాలెం, ఐటీ జంక్షన్‌ ప్రాంతాలను ఆధీనంలోకి తీసుకున్నారు పోలీసులు. ఇటు ఇంటింటి సర్వేలు కూడా కొనసాగుతున్నాయి. 261 బృందాలు సర్వే నిర్వహిస్తున్నాయి.
  • ఆంధ్రప్రదేశ్‌లో కరోనా పాజిటివ్‌ కేసుల సంఖ్య 164కు చేరింది. ఇందులో 140 కేసులు ఢిల్లీ నుంచి వచ్చిన వారు, వారితో కాంటాక్టు అయిన వారివే! పాజిటివ్‌ కేసులుగా నమోదైన వారిలో ఇప్పటి వరకు నలుగురు డిశ్చార్జ్‌ అయ్యారు. కరోనా పాజిటివ్‌ కేసుల్లో అత్యధికంగా నెల్లూరులో నమోదయ్యాయి.
  • కరోనా వైరస్ తీవ్రత అధికంగా ఉన్న అమెరికాలో తెలుగువారికీ ఇబ్బందులు తప్పడంలేదేు. చాలా మంది ఇళ్ల నుంచే పని చేసుకుంటున్నారు. పిల్లలకు ఆన్ లైన్ లోనే తరగతులు, పరీక్షలు జరుగుతున్నాయి. బయట మార్కెట్లు మూత పడిన నేపథ్యంలో ఉన్న సరుకులతోనే సర్ధుకుంటున్నారు.
  • కరోనా బారిన పడి మరణించిన వారిలో 95 శాతం వృద్ధులే ఉన్నారని ప్రపంచ ఆరోగ్య సంస్థ నిర్ధారించింది. వీరిలో సగం మంది 80 ఏళ్ల వయసు దాటినవారేనని తెలిపింది. అందులో కూడా హృద్రోగం, అధిక రక్తపోటు, మధుమేహం ఉన్నవారే ఎక్కువగా ఉన్నారని గుర్తించింది. 50 ఏళ్లలోపు కొవిడ్ 19 వైరస్ బాధితుల్లో ఒక మోస్తారుగా వ్యాధి లక్షణాలు అధికంగా ఉన్నట్లు కూడా నిర్ధారించారు.

ఐటి కార్యాలయం వద్ద కాంగ్రెస్‌, జేడీఎస్‌ ధర్నా

Karnataka IT Rides, ఐటి కార్యాలయం వద్ద కాంగ్రెస్‌, జేడీఎస్‌ ధర్నా

బెంగళూరు : కర్ణాటకలో జేడీఎస్‌ నేత, మైనర్‌ ఇరిగేషన్‌ మంత్రి సిఎస్‌ పుట్టరాజు నివాసంపై ఐటి దాడులను నిరసిస్తూ కాంగ్రెస్‌, జేడీఎస్‌ కార్యకర్తలు బెంగళూరులోని ఐటి కార్యాలయం ఎదుట ధర్నా చేశారు. కర్ణాటకలో ముఖ్యమంత్రి కుమారస్వామి సోదరుడు రేవణ్ణ సన్నిహితులు, మంత్రి పుట్టరాజు నివాసాల్లోనూ, కార్యాలయాల్లోనూ ఐటి అధికారులు దాడులు చేసి సోదాలు నిర్వహిస్తున్నారు. ఎన్నికల సందర్భంగా ప్రధాని మోడీ నేతృత్వంలోని కేంద్ర ప్రభుత్వం విపక్ష పార్టీల నేతలపై దాడులు చేయిస్తూ భయాందోళనలకు గురి చేస్తోందని పలువురు నేతలు ఆరోపిస్తున్నారు.

కాగా ఉదయం కర్ణాటక రాష్ట్ర మైనర్ ఇరిగేషన్ శాఖ మంత్రి సీఎస్ పుట్టరాజు నివాసంతో పాటుగా.. స్వగ్రామం చినకురులిలో తెల్లవారుజామున 5.00గంటల నుంచే సోదాలు నిర్వహిస్తున్నారు. అలాగే మాండ్యాలో పుట్టరాజుకు సంబంధించిన ఆస్తులపైనా, మైసూరులో ఆయన బంధువు ఇంటిలోనూ సోదాలు జరుగుతున్నాయి. తన నివాసాలతో పాటుగా తన బంధువుల ఇళ్ళపై ఐటీ సోదాలు జరుగుతున్నాయని మంత్రి వెల్లడించారు. ఎన్నికల ముందు కుట్రపూరితంగా కేంద్ర ప్రభుత్వం ఇలాంటి దాడులకు పాల్పడుతుందని.. తన ఆస్తికి సంబంధించిన అన్ని డాక్యుమెంట్లు ఉన్నాయని.. ఇలాంటి దాడులకు భయపడేది లేదని మంత్రి అన్నారు. మరోవైపు జేడీఎస్ పార్టీతో అనుబంధం ఉన్న వ్యాపార‌వేత్త‌లు, నేత‌ల‌పై కూడా ఐటి దాడులు జరుగుతున్నాయి. ఐటీ దాడులపై ముఖ్యమంత్రి కుమారస్వామి తీవ్రంగా స్పందించారు. ఈ దాడులు ప్రధాని కనుసన్నల్లోనే కొనసాగుతున్నాయని ఆరోపించారు.

Related Tags