హ్యుందయ్ కార్ల ఫ్యాక్టరీ మూసివేత.. రీజన్ తెలిస్తే షాక్..!

ప్రముఖ కార్ల కంపెనీ హ్యుందాయ్ తన కార్ల ఫ్యాక్టరీని మూసేసింది. ఇది కూడా కరోనా దెబ్బకు. దక్షిణ కొరియాలోని హ్యుందయ్ మోటార్ కంపెనీలోని ఓ ఉద్యోగి కొంతకాలంగా అస్వస్థతకు గురయ్యారు. అయితే తాజాగా టెస్టు చేయించడంతో.. ఆ ఉద్యోగికి కరోనా పాజిటివ్ అని తేలింది. దీంతో అప్రమత్తమైన కంపెనీ.. వెంటనే ఫ్యాక్టరీని మూసేసింది. దక్షిణ కొరియాలోని ఉల్సాన్‌లోని తమ కార్ల ఫ్యాక్టరీని క్లోజ్ చేస్తున్నట్లు కంపెనీ అధికారికంగా ప్రకటించింది. అయితే ఇది కరోనా ప్రభావంతోనే అని తెలిపింది. కానీ ఈ వార్త విన్న కాసేపటికే కంపెనీ తన షేర్లను భారీగా నష్టపోయింది. దాదాపు 5శాతానికి పైగా షేర్లు పడిపోయాయి. చైనాలో కరోనా వైరస్ ప్రభావంత తగ్గుముఖం పడుతోందన్న క్రమంలో.. ఇప్పుడిప్పుడే విడి భాగాల తయారీ సంస్థలు కోలుకుంటున్నాయి. ఈ క్రమంలో ఇప్పుడు హ్యుందయ్ ప్లాంట్ మూతపడటంతో మళ్లీ గందరగోళం నెలకొంది.

కాగా.. చైనా తర్వాత.. కోరానా ప్రభావం ఎక్కువ దక్షిణ కొరియాలోనే ఉంది. ఈ కరోనా ఎఫెక్ట్‌తో శాంసంగ్, హ్యుందయ్ వంటి కంపెనీలపై తీవ్ర ప్రభావం పడుతోంది.