Breaking News
  • తిరుపతి : ఒకే ఇంట్లో ఒక రోజు వ్యవధిలో మామ, కోడలు ఆత్మహత్యకేసులో కొనసాగుతున్న పోలీస్ విచారణ. భర్త వేధింపులతో న కోడలు హరిత ఉరేసుకుని ఆత్మహత్య. కోడలి వేధింపులకు తామే కారణమని అందరూ అనడంతో అవమానంతో మామ రామిరెడ్డి ఆత్మహత్య. చిన్నగొట్టిగల్లు మండలం చిట్టెచెర్ల గ్రామంలో ఘటన. పెళ్లి అయిన ఆరు నెలలకే హరిత ఆత్మహత్య. ఆత్మహత్య చేసుకున్న హరిత గర్భవతి. భర్త, అత్తమామ వేధింపులే కారణమని ఆమె తల్లి దండ్రుల ఆరోపణ..కేసు నమోదు. నిన్నటి నుంచి హరిత ఆత్మహత్య తర్వాత పరారీలో ఉన్న భర్త ఆనంద్ రెడ్డి,అతని తల్లి. హరిత ఆత్మహత్య పై గ్రామస్తులు నుంచి విమర్శలు ఎదుర్కోవడంతో అవమానంగా భావించి ఆత్మహత్య కు పాల్పడినట్లు భావిస్తున్న పోలీసులు. ఇప్పటికీ పరారీలో ఉన్న హరిత భర్త ఆనంద్ రెడ్డి. తండ్రి, భార్య చనిపోయినా సరే మృతదేహాలు చూడటానికి కూడా రాని ఆనంద్ రెడ్డి. బెంగుళూరులో సాఫ్ట్ వేర్ ఇంజినీర్ గా పని చేస్తున్న ఆనంద్ రెడ్డి. కరోనా కారణంగా గత ఏడు నెలల నుంచి వర్క్ ఫ్రమ్ హోమ్ లో ఉన్న ఆనంద్.
  • విజయవాడ : బీటెక్ విద్యార్థిని దివ్య పోస్టుమార్టం , ఫోరెన్సిక్ నివేదికలో కీలక విషయాలు. దివ్యది హత్యే ,గాయాలు సొంతంగా చేసుకున్నవి కావు. ఆత్మహత్య చేసుకోవాలని ఎవరికి వాళ్లం కత్తితో గాయాలు చేసుకున్నామన్న . నిందితుడు నాగేంద్ర వాదనలో నిజం లేదని నిగ్గు తేల్చిన నివేదికలు. సాంకేతిక, శాస్త్రీయ ఆధారాలను కూడా సేకరించిన పోలీసులు. ఛార్జ్ షీట్ సిద్ధం చేస్తున్న దిశా టీం . ఈ నెల 28వ తేదీన న్యాయస్థానంలో అభియోగపత్రం దాఖలు చేసే అవకాశం . ఆసుపత్రిలోనుంచి నాగేంద్ర డిశ్చార్జి కాగానే అదుపులోకి తీసుకోని విచారించనున్న పోలీసులు.
  • హైదరాబాద్ : రాష్ట్ర ప్రజలందరికీ ఎమ్మెల్సీ ‌కల్వకుంట్ల కవిత సద్దుల బతుకమ్మ పండుగ శుభాకాంక్షలు తెలియజేశారు. ప్రతీ సంవత్సరం బతుకమ్మ పండుగ అంటేనే ఎంతో సందడిగా ఉంటుందని, అయితే ప్రస్తుతం కరోనా ‌మహమ్మారి కారణంగా ఎవరింట్లో వాళ్లు, మాస్కులు పెట్టుకుని పండుగను జరుపుకునే పరిస్థితి ఏర్పడిందన్నారు ఎమ్మెల్సీ కవిత. కానీ, " ఇలాంటి పరిస్థితులలో కూడా ఆడబిడ్డలంతా ఉత్సాహంగా బతుకమ్మ పాటలు నెమరువేసుకుంటూ, యూ ట్యూబ్ లో బతుకమ్మ కొత్త పాటలు వింటూ, పెద్దఎత్తున పండుగను జరుపుకుంటున్నట్టు సోషల్ మీడియాలో చూస్తున్నాం" అని ఎమ్మెల్సీ కవిత హర్షం వ్యక్తం చేశారు.
  • టీవీ9 నిఘా ఎఫెక్ట్: ప్రైవేట్ ట్రావెల్స్ దోపిడీపై వరుస కథనాలు ప్రసారం చేసిన టీవీ9. తెలంగాణ రోడ్ ట్రాన్స్ పోర్ట్ కమిషనర్ ఆదేశాల మేరకు ఆర్టీఏ అధికారులు ప్రైవేట్ ట్రావెల్స్ పై నిన్న రాత్రి,ఈరోజు ఉదయం దాడులు నిర్వహించారు. రాత్రి హైదరాబాద్ నుంచి ఏపీ కి వెళ్లే ప్రైవేట్ ట్రావెల్స్ బస్సులను ఖైరతాబాద్ లో తనిఖీలు చేసిన ఆర్టీఏ అధికారులు. ఈ రోజు ఉదయం పెద్ద అంబర్పేట్ ఔటర్ రింగ్ రోడ్డు వద్ద ఏపీ నుండి హైదరాబాద్ కి వచ్చే ప్రైవేట్ ట్రావెల్స్ బస్సులను తనిఖీలు చేసిన అధికారులు. ఆర్టిఏ లోని విజిలెన్స్ విభాగంలోని 6గురు వెహికల్ ఇన్స్పెక్టర్ లు 20 మంది సిబ్బంది తో కలిసి తనిఖీలు నిర్వహించారు. ప్రైవేట్ ట్రావెల్స్ బస్సుల కు సంబంధించి ఫిట్నెస్,టాక్స్,పర్మిట్ లను తనిఖీ చేసిన అధికారులు. నిబంధనలు పాటించకుండా, టాక్స్ లు కట్టకుండా బస్సులు రోడ్డు పై తిప్పితే కఠిన చర్యలు తీసుకుంటాము అన్నారు ఆర్టీఏ అధికారులు. రాత్రి,ఉదయం 6 వందల వరకు ట్రావెల్స్ బస్సులను తనిఖీలు చేసిన ఆర్టీఏ అధికారులు. ప్రైవేట్ ట్రావెల్స్ లకు సంబంధించి టికెట్ చార్జిలకు ఫిక్స్డ్ రేటు అనేది లేదంటున్న ఆర్టీఏ అధికారులు. ఆర్టీఏ రూల్స్ ను క్యాష్ చేసుకొని ప్రయాణికుల డిమాండ్ బట్టి అధిక ఛార్జీలు వసూలు చేస్తున్న ప్రైవేట్ ట్రావెల్స్.
  • చెన్నై : అభిమానసంఘాల నేతలతో నటుడు విజయ్ కీలక భేటీ . దక్షిణ తమిళనాడు లోని మదురై , దిండిగల్, తిరునల్వేలి తో సహా పలు జిల్లా అధ్యక్షులతో కీలక భేటీ . 2021 లో అసెంబ్లీ ఎన్నికల నేపధ్యం లో కీలకం గా మారిన అభిమానసంఘాల నేతలతో భేటీ. ఈ ఎన్నికలలో నటుడు విజయ్ ఎవరికీ మద్దతిస్తాడని తమిళ రాజకీయాలలో కీలకంగా మారిన చర్చ .
  • తిరుమల: టీటీడీ ఈఓ జవహార్ రెడ్డి. రెండు మూడు రోజుల్లో దర్శనాల సంఖ్య పెంపుపై నిర్ణయం తీసుకుంటాం. శ్రీవారిని నవరాత్రి బ్రహ్మోత్సవాలను వైభవంగా నిర్వహించాం. వాహన సేవలను ఏకాంతంగా చేసినప్పటికీ కైంకర్యాలను ఘనంగా నిర్వహించాం. టీటీడీ ఈఓ జవహార్ రెడ్డి.
  • గన్నవరం ఎమ్మెల్యే వల్లభనేని వంశీమోహన్ కి కరోనా పాజిటివ్.. శనివారం నిర్వహించిన పరీక్షలలో నిర్ధారణ, 14 రోజుల హోమ్ క్వరంటీన్ లో ఉండాలని వైద్యుల సూచన.

వరద బీభత్సం, 15 గంటలు ఇంటి టెర్రస్‌పైనే విశ్రాంత శాస్త్రవేత్త

హైదరాబాద్ నగరాన్ని భారీ వర్షాలు, వరదలు అతలాకుతలం చేశాయి. వరసగా మూడు రోజులపాటు కురిసిన వర్షాన్ని నగరంలోని చాలా ప్రాంతాల్లో వరద బీభత్సం సృష్టించింది.

Hyderabad floods, వరద బీభత్సం, 15 గంటలు ఇంటి టెర్రస్‌పైనే విశ్రాంత శాస్త్రవేత్త

హైదరాబాద్ నగరాన్ని భారీ వర్షాలు, వరదలు అతలాకుతలం చేశాయి. వరసగా మూడు రోజులపాటు కురిసిన వర్షానికి నగరంలోని చాలా ప్రాంతాల్లో వరద బీభత్సం సృష్టించింది. విద్యుత్ సరఫరాకు అంతరాయం కలిగి, నిత్యావసరాలు లేక నగర ప్రజలు పడ్డ ఇబ్బందులు అన్నీ, ఇన్నీ కావు. కాగా 65 ఏళ్ల ఓ వ్యవసాయ విశ్రాంత శాస్త్రవేత్త, అతడి 81 ఏళ్ల తల్లి వరదల కారణంగా తీవ్ర ఇబ్బందులు ఎదుర్కున్నారు. వదర తీవ్రతతో వారి ఇళ్లు మొత్తం నీట మునిగిపోగా, దాదాపు 15 గంటల పాటు ఇంటి టెర్రస్‌పైనే బిక్కుబిక్కుమంటూ గడిపారు. ఆ తర్వాత రెస్క్యూ టీమ్ సాయంతో బ్రతుకు జీవుడా అంటూ విపత్తు నుంచి బయటపడ్డారు.  ఈ ఘటన సరూర్ నగర్‌లో చోటుచేసుకుంది. ( దినేశ్ కార్తీక్ సంచలన నిర్ణయం..కోల్‌కతా కెప్టెన్సీ బాధ్యతలకు గుడ్ బై ! )

వివరాల్లోకి వెళ్తే..భారీ వర్షానికి సరూర్ నగర్‌లోని విశ్రాంత శాస్త్రవేత్త తన్వీర్ ఇంట్లోకి వరద నీరు వచ్చి చేరింది. వరద తాకిడితో ఇళ్లు మునిగిపోవడంతో తనతో పాటు తన 81 తల్లిని..పని మనిషి కుటుంబాన్ని తీసుకుని ఆయన టెర్రస్‌పైకి వెళ్లారు. తాము ప్రమాదంలో చిక్కుకున్నామని, రక్షించాలని ఆయన జీహెచ్‌ఎంసీ అధికారులకు దాదాపు 50 సార్లు ఫోన్ చేశారట. వెంటనే రెస్క్యూ టీమ్స్ పంపుతామని చెప్పిన వారు, గంటలు గడుస్తున్నా ఎవరూ రాలేదని ఆయన ఆవేదన వ్యక్తం చేశారు. దాదాపు 15 గంటలపాటు టెర్రస్‌పై ప్రాణాలు అరచేతుల్లో పెట్టుకుని గడిపామని వాపోయారు. తెలిసినవారి ద్వారా కలెక్టర్‌ను కాంటాక్ట్ అయ్యామని, అప్పుడుగాని మమల్ని కాపాడానికి సహాయక బృందాలు రాలేదని చెప్పారు.  ( ఆంధ్రప్రదేశ్ : సంబంధిత సబ్జెక్టుల్లో 40% మార్కులుంటేనే బీఎస్సీ సీటు ! )

Related Tags