Breaking News
  • ఏపీ రాజధానిగా అమరావతిని గుర్తించిన సర్వే ఆఫ్‌ ఇండియా. జమ్ము-కశ్మీర్‌ విభజన తర్వాత విడుదల చేసిన కొత్త మ్యాప్‌లో ఏపీ రాజధానిగా ఏ నగరాన్ని చూపని సర్వే ఆఫ్‌ ఇండియా. తీవ్ర అభ్యంతరం వ్యక్తం చేసిన ఆంధ్రప్రదేశ్‌ ఎంపీలు. ఏపీ ప్రభుత్వం ఇచ్చిన పత్రాల ఆధారంగా అమరావతిని రాజధానిగా గుర్తిస్తూ కొత్తమ్యాప్‌ విడుదల చేసిన సర్వేఆఫ్‌ ఇండియా.
  • యాదాద్రి: బైక్‌ను ఢీకొన్న గూడ్స్‌ రైలు. భర్త రాంరెడ్డి మృతి, భార్య రాధకు తీవ్రగాయాలు. భువనగిరి మండలం రాయగిరి రైల్వేస్టేషన్‌ దగ్గర ఘటన.
  • పార్టీ మారతారన్న వార్తలపై స్పందించిన మంత్రి ఈటల. నేను పార్టీ మారను-మంత్రి ఈటల. గాలి వార్తలపై నేను స్పందించను. చెప్పే వాళ్లు ఎన్నైనా చెప్తారు-మంత్రి ఈటల.
  • సుజనాచౌదరి వ్యాఖ్యలకు మంత్రి మోపిదేవి కౌంటర్‌. గోడ దూకే ఎంపీలెవరూ వైసీపీలో లేరు. జగన్‌పై ఎంపీలు, ఎమ్మెల్యేలకు సంపూర్ణ విశ్వాసం ఉంది. తిరుమలను ఆర్ధిక వనరుగా భావించే ఆలోచన ప్రభుత్వానికి లేదు -మంత్రి మోపిదేవి వెంకటరమణ.
  • ఈ ప్రపంచంలో దేనికైనా రంగులు వేయొచ్చు కష్టానికి తప్ప. అమరావతిని అంతర్జాతీయ పటంలో పెట్టింది చంద్రబాబు. అమరావతిని చేర్చి సర్వే ఆఫ్‌ ఇండియా కొత్త మ్యాప్‌ విడుదల చేసేలా లోక్‌సభలో పోరాడిన గల్లా జయదేవ్‌కు అభినందనలు-ట్విట్టర్‌లో నారా లోకేష్‌

ఫేస్‌బుక్‌ పరిచయం… రూ.12 లక్షలకు కుచ్చుటోపీ!

Hyderabad Man robbed by Woman he met on Facebook, ఫేస్‌బుక్‌ పరిచయం… రూ.12 లక్షలకు కుచ్చుటోపీ!

రామంతాపూర్‌ ఇందిరానగర్‌ వాసికి గత ఏడాది ఆగస్టులో ఓ ఫ్రెండ్‌ రిక్వెస్ట్‌ వచ్చింది. తన పేరు సాండ్రా ఐడా ఆడర్సన్‌ అని అటు నుంచి చెప్పింది. టెక్సాస్‌లో ఉంటానని చెప్పి చాటింగ్‌ ఆరంభించింది. కొన్ని రోజుల తర్వాత వాట్సాప్‌లో సంభాషణలు సాగించింది. ఓ రోజు అతడి చిరునామా అడిగి.. స్నేహానికి గుర్తుగా భారీఎత్తున విదేశీ కరెన్సీ, బహుమతులతో కూడిన పార్సిల్‌ను పంపిస్తానని చెప్పింది. తాను పంపే కొరియర్‌ త్వరలోనే చేరుతుందని ఆశపెట్టింది. ఆ తర్వాత నాటకం మొదలైంది. విమానాశ్రయం నుంచి కస్టమ్స్‌ అధికారుల పేరిట ఫిలిప్‌, అనిత శర్మ ఫోన్‌లో బాధితుడితో మాట్లాడారు. విదేశీ కరెన్సీతో కూడిన పార్సిల్‌ను మీ చిరునామాకు పంపించాలంటే డెలివరీ ఛార్జీలను తాము సూచించిన బ్యాంకు ఖాతాకు బదిలీ చేయాలని సూచించారు. అలామొదలైన వసూళ్ల పరంపర కస్టమ్స్‌ సుంకం, జీఎస్టీ, విదేశీ మారకపు పన్ను.. ఇలా రకరకాల పేర్లు చెప్పి ఏకంగా రూ.12.01 లక్షలు వసూలు చేశారు. తర్వాత ఫోన్లు మూగపోవడంతో మోసపోయానని గ్రహించిన బాధితుడు రాచకొండ సైబర్‌క్రైమ్‌ పోలీసులకు ఫిర్యాదు చేశాడు.