Breaking News
  • కేజీ నుంచి పీజీ వరకు తెలుగు మాధ్యమబోధన జనసేన విధానం. 8వ తరగతి వరకు మాతృభాష బోధన కేంద్రం విధానం. వైసీపీ సర్కార్‌ కేంద్ర విధానానికి వ్యతిరేకంగా వెళ్తోంది ఆంగ్ల మాధ్యమం విషయంలో ప్రభుత్వం పునరాలోచన చేయాలి -పవన్‌ కల్యాణ్‌
  • లక్ష్మీపార్వతికి కేబినెట్‌ హోదా కల్పిస్తూ ఏపీ ప్రభుత్వ ఉత్తర్వులు. ఏపీ తెలుగు అకాడమీ చైర్‌పర్సన్‌గా లక్ష్మీపార్వతి నియామకం. రెండేళ్ల పాటు పదవిలో కొనసాగనున్న లక్ష్మీపార్వతి
  • కర్నూలు: పాణ్యం విజయానికేతన్‌ స్కూల్‌లో దారుణం. సాంబార్‌ పాత్రలోపడి ఎల్‌కేజీ విద్యార్థికి తీవ్రగాయాలు. ఆస్పత్రిలో చికిత్స పొందుతూ చిన్నారి పురుషోత్తంరెడ్డి మృతి
  • కేబినెట్‌ అనంతరం మంత్రులతో సీఎం జగన్‌ భేటీ. ఔట్‌ సోర్సింగ్ కార్పొరేషన్‌పై చర్చ. ఔట్‌సోర్సింగ్‌ ఉద్యోగులను తొలగించొద్దన్న మంత్రులు ఔట్‌సోర్సింగ్‌ ఉద్యోగులకు భద్రత కల్పిస్తూనే 50 శాతం రిజర్వేషన్లు అమలుచేసేలా చర్యలు తీసుకోవాలన్న సీఎం. ప్రభుత్వంపై అవినీతి ముద్ర పడడానికి వీల్లేదన్న సీఎం రాష్ట్రంలో రాజకీయ అవినీతి తగ్గినా అధికారుల స్థాయిలో అవినీతి తగ్గలేదన్న పలువురు మంత్రులు
  • అయోధ్య ట్రస్ట్‌ ఏర్పాటుకు కేంద్రం కసరత్తు. పార్లమెంట్‌లో అయోధ్య ట్రస్ట్ బిల్లు ప్రవేశపెట్టనున్న కేంద్రం. ఈ నెల 18 నుంచి ప్రారంభంకానున్న పార్లమెంట్‌ శీతాకాల సమావేశాలు శీతాకాల సమావేశాల్లో బిల్లు ప్రవేశపెట్టనున్న కేంద్ర ప్రభుత్వం
  • తూ.గో: గోదావరిలో ఇసుక పడవ మునక. ఇసుక తరలిస్తుండగా మునిగిన పడవ. కపిలేశ్వరపురం మండలం కోరుమిల్లి దగ్గర ఘటన. సురక్షితంగా బయటపడ్డ ఇసుక కార్మికులు
  • ఛత్తీస్‌గఢ్‌లో ఎన్‌కౌంటర్‌. మావోయిస్టులు, పోలీసుల మధ్య ఎదురుకాల్పులు. పోలీసుల కాల్పుల్లో మావోయిస్టు మృతి. ఓ ఆయుధం, పేలుడు పదార్ధాలు స్వాధీనం సుకుమా జిల్లా గచ్చనపల్లి అటవీ ప్రాంతంలో ఘటన

ఉప ఎన్నిక ఫలితంతో.. గులాబీ గూటిలో అసమ్మతి చల్లారిందా?

ఎగ్జిట్‌ పోల్స్‌ అంచనాలు తలకిందులయ్యాయి. అఖరిరౌండ్‌ వరకు ఎడతెగని ఉత్కంఠ కొనసాగుతుందనే విశ్లేషణలన్నీ తుస్సుమన్నాయ్‌. హుజూర్‌నగర్‌ ఉప ఎన్నికలో కారు దూసుకెళ్లింది. మొదటి రౌండ్ నుంచి చివరి వరకు గులాబీ పార్టీ రికార్డు స్థాయి మెజార్టీతో సీటును సొంతం చేసుకుంది. గత ఎన్నికల్లో ఓడిపోయిన సైదిరెడ్డిపై జనాల్లో సానుభూతి పెరగడం, ముఖ్యంగా అతను స్థానికుడు కావడం, నియోజకవర్గం సమస్యలు పూర్తి అవగాహన ఉండడం.. అందులోనూ అధికార పార్టీ అభ్యర్థి కావడంతో సమస్యలు పరిష్కారమయ్యే అవకాశం ఉంటుందన్న ఆలోచన…. ఇవన్నీ కలిసి సైదిరెడ్డిని భారీ మెజార్టీతో గెలిపించాయి. రాష్ట్రంలో మారుతున్న రాజకీయ సమీకరణాలతో… కారు జోరు తగ్గుతోందన్న భావనలో ఉన్న ప్రతిపక్షాల భ్రమలను హుజూర్‌నగర్‌ ఉప ఎన్నిక ఫలితం తొలగించిందని చెప్పాలి.

ఇదిలా ఉండగా హుజుర్ నగర్ ఫలితం ఒక్క ప్రతిపక్షాలకు మాత్రమే షాక్ ఇవ్వలేదు.. సొంత పార్టీలో ఉన్న కొందరికి కూడా షాక్ ఇచ్చింది. ఇక అదే ఇప్పుడు రాజకీయంగా చర్చకు దారి తీసింది. ఆ మధ్య ఎప్పుడూ లేని విధంగా గులాబీ గూటిలో కొంత అసమ్మతి గళం వినిపించిన సంగతి తెలిసిందే. పార్టీలో కొందరు పెద్ద నేతలే అసమ్మతి రాగం వినిపించారు. పార్టీ ఏ ఒక్కరి సొత్తో కాదని… గులాబీ జెండాలకు తామూ ఓనర్లమేనని ఘాటు వ్యాఖ్యలే చేశారు. కేబినెట్‌ విస్తరణ సమయంలోనూ కొందరికి పదవులు దక్కకపోవడంతో బహిరంగంగానే అసంతృప్తి వ్యక్తం చేశారు. ఇలా వరుస పెట్టి నిరసన గళాలు వినిపించారు. ఈ అసంతృప్తి జ్వాలలో పార్టీలో నివురుగప్పిన నిప్పులా మారాయి. కానీ ఒకే ఒక్క ఫలితంతో ఈ జ్వాలలన్నీ చల్లబడ్డాయి. హుజుర్ నగర్ గెలుపు తర్వాత ఆ నోర్లన్నీ మూతపడ్డాయని రాజకీయ వర్గాల్లో చర్చ జరుగుతోంది.