Breaking News
  • ఢిల్లీ భారత్ లో విజృంభిస్తున్న కరోనా వైరస్. ఒక లక్ష 98 వేల మార్క్ ని దాటినా కరోనా పాజిటివ్ కేస్ లు. 2 లక్షలకు చేరువ లో కరోనా కేస్ లు. దేశవ్యాప్తంగా కరోనా పాజిటివ్ కేసులు : 198706. దేశ వ్యాప్తంగా యాక్టీవ్ కేసులు: 97581. కరోనా నుంచి డిశ్చార్జ్ అయిన బాధితులు: 95526. దేశం మొత్తం కరోనా తో మృతుల సంఖ్య : 5598. కేంద్ర ఆరోగ్య మంత్రిత్వ శాఖ.
  • రాజేంద్రనగర్ గ్రే హౌండ్స్ ప్రాంతంలో మళ్లీ చిరుత తిరుగుతూ సిసి కెమెరాకు చిక్కిన ఆనవాళ్లు. గ్రే హౌండ్స్ కాంపౌండ్ లోపల ఉన్నట్టు గుర్తింపు. 700ఎకరాల్లో పోలీస్ గ్రే హౌండ్స్ . గ్రే హౌండ్స్ ఉన్నతాధికారుల నుండి అనుమతి వచ్చిన తర్వాతే బొన్లు ఏర్పాటు చేస్తామని చెబుతున్న అటవీశాఖ అధికారులు. గ్రే హౌండ్స్ చుట్టూ జూ సిబ్బంది, షూటర్స్, ట్రాప్ కెమెరా లతో అప్రమత్తం.
  • రెండు రాష్ట్రా ప్రభుత్వాలకు ఈనెల 4న జరిగే కృష్ణా నది యజమాన్య బోర్డు మీటింగ్ ఏజెండాలను పంపిన కృష్ణా నీటీ యాజమాన్య బోర్డ్. ఏజెండాలో ప్రధానంగా 5 అంశాల ప్రస్తావన. తెలంగాణ, ఏపీ ప్రభుత్వాలు చేపడుతున్న ప్రాజెక్టు లు , అభ్యంతరాలు , ప్రాజెక్టుల డీపీఆర్ లు.
  • టిటిడి : తిరుమలలో శ్రీవారి దర్శనానికి రాష్ట్ర ప్రభుత్వం గ్రీన్ సిగ్నల్. టిటిడి ఉద్యోగాలు, స్థానికులతో ట్రయల్ రన్ నడిపేందుకు రాష్ట్ర ప్రభుత్వం అనుమతి. 6 అడుగుల భౌతిక దూరం పాటిస్తూ దర్శనం కల్పించాలని సూచన. టీటీడీ ఈవో లేఖకు స్పందించిన ఏపీ ప్రభుత్వం. ఉత్తర్వులు జారీ చేసిన ప్రభుత్వ ప్రత్యేక ప్రధాన కార్యదర్శి జే.ఎస్.వి ప్రసాద్.
  • తూ. గో.జిల్లా: కోనసీమలో కరోన కలకలం. కోనసీమను గజ గజ లాడిస్తున్న ..ముంబై నుంచి వచ్చిన వలస కూలీలు . ఈరోజు ఒక్కరోజులో 28 కరోన పోసిటివ్ కేసులు నమోదు.
  • టీవీ9 తో ఉస్మానియా మెడికల్ కాలేజ్ ప్రిన్సిపాల్ శిశి కళ . ఉస్మానియా మెడికల్ కాలేజీ లో 12 మందికి కోవిడ్ పాజిటివ్. భయం గుప్పెట్లో ఉస్మానియా పీజీలు. ఇప్పటికే రిడింగ్ రూమ్ ను మోసివేసిన కాలేజ్ యాజమాన్యం. ప్రతి ఒక్క పీజీ ని ppe కిట్స్ వెస్కొమని సూచిస్తున్న ప్రిన్సిపల్ శశికళ. జూనియర్ డాక్టర్స్ కు పాజిటివ్ రావటం తో హాస్టల్ ను శానిటేషన్ చేసిన ghmc.

ఆ 2 మండలాలే కీలకం.. జీ ‘హుజూర్’ అంటున్న అభ్యర్థులు

Two mandals are very decisive, ఆ 2 మండలాలే కీలకం.. జీ ‘హుజూర్’ అంటున్న అభ్యర్థులు

హుజూర్‌నగర్ ఉప ఎన్నిక తుది అంకానికి చేరుకుంది. బరిలో ఎందరున్నా.. ప్రధాన పోటీ కాంగ్రెస్, టిఆర్ఎస్ మధ్యనే వుంది. కాంగ్రెస్ పార్టీకి హుజూర్‌నగర్ సిట్టింగ్ స్థానం కాబట్టి ఆ పార్టీ నేతలు విజయం కోసం తెగ శ్రమిస్తున్నారు. ప్రచారఘట్టం తర్వాత తెరచాటు రాజకీయాలు కూడ జోరందుకున్నాయి. ఈ క్రమంలో హుజూర్‌నగర్లో ఎవరు గెలుస్తారనేదానిపై ఎవరికి వారు తమకు తోచినట్లుగా విశ్లేషించుకుంటున్నారు. అయితే హుజూర్‌నగర్ నియోజకవర్గంలోని రెండు మండలాలు అత్యంత కీలకం కావడంతో టిఆర్ఎస్, కాంగ్రెస్ పార్టీల నేతలు అక్కడ మకాం వేసి.. ఓటర్లను ప్రసన్నం చేసుకునేందుకు తంటాలు పడుతున్నారు.

ఇంతకీ ఆ రెండు మండలాలేవీ అంటారా.. ? హుజూర్‌నగర్ నియోజకవర్గంలోని మేళ్ల చెరువు, చింతపాలెం మండలాలే ఇక్కడి ఎమ్మెల్యే క్యాండిడేట్‌ని ఖరారు చేస్తాయి. ఈ రెండు నియోజకవర్గాలు కలిపి మొత్తం 50 వేలకు పైచిలుకు ఓట్లుండడంతో రెండు ప్రధాన పార్టీలు ఇంటింటి ప్రచారంతో ఓటర్లను ప్రసన్నం చేసుకునేందుకు శ్రమిస్తున్నారు. నిజానికి మేళ్ళ చెరువు మరింత కీలకంగా కనిపిస్తోంది. నియోజకవర్గంలో అత్యంత సంపన్న మండలమైన మేళ్ళచెరువులో 9 సిమెంట్ ఫ్యాక్టరీలున్నాయి. అయితే ఇంత రిచ్ మండలమైనా.. విద్యారంగంలో వసతుల కొరత విద్యార్థులను ఇబ్బందులకు గురిచేస్తోంది.

Two mandals are very decisive, ఆ 2 మండలాలే కీలకం.. జీ ‘హుజూర్’ అంటున్న అభ్యర్థులు

2004 దాకా మేళ్ళ చెరువు కోదాడ నియోజకవర్గంలో వుండేది. టిడిపికి అప్పట్లో బాగా పట్టుండేది. 2009లో మేళ్ళ చెరువు మండలం హుజూర్‌నగర్లో కలిసింది. కాంగ్రెస్ పార్టీ రాష్ట్ర అధ్యక్షుడు ఉత్తమ్ కుమార్ రెడ్డికి ఈ మండలంలో బాగా పట్టుండడంతో ఆయన విజయం సునాయసమైంది. 2014, 2019 ఎన్నికల్లో ఉత్తమ్ కుమార్‌కు మేళ్ళచెరువులో మంచి మెజారిటీ దక్కింది. అయితే ఇప్పుడు ఆయన సతీమణి పద్మావతి పోటీ చేస్తుండడంతో ఆయన ఓటు బ్యాంకు ఆమెకు మళ్లుతుందని కాంగ్రెస్ పార్టీ వర్గాలు భావిస్తున్నాయి. అయితే దీనికి గండి కొట్టేందుకు టిఆర్ఎస్ నేతలు ఈ మండలంపై ప్రత్యేకంగా దృష్టి సారించారు.

కాంగ్రెస్ అభ్యర్థిని పద్మావతి ఇంటింటి ప్రచారంతో ఓటర్లకు చేరువయ్యేందుకు ప్రయత్నిస్తున్నారు. గులాబీ అభ్యర్థి ఆంధ్రా సెటిలర్ అంటూ ప్రచారం చేస్తున్నారు. మరోవైపు చింతపాలెం మండలంలో ఎక్కువ మంది ఆంధ్రా సెటిలర్లుండడంతో టిడిపి అక్కడ ఎక్కువ ఓట్లు పొందే సంకేతాలు కనిపిస్తున్నాయి. ఇదే జరిగితే కాంగ్రెస్ పార్టీకి నష్టం కలుగుతుందని భావిస్తున్నారు. దీన్ని నివారించేందుకు టిడిపిని లోపాయికారీగా ప్రసన్నం చేసుకునేందుకు కాంగ్రెస్ పార్టీ యత్నిస్తుండగా.. టిడిపి ఓట్లను తమ వైపునకు మరల్చుకునేందుకు టిఆర్ఎస్ నేతలు శ్రమిస్తున్నారు. ఏది ఏమైనా ఈ రెండు మండలాలే హుజూర్‌నగర్కు కాబోయే ఎమ్మెల్యే ఎవరో తేల్చనున్నాయి.

Related Tags