Vidura Niti: విదురుడు చెప్పిన విజయానికి మూడు మెట్లు.. జీవితంలో సక్సెస్ కావాలంటే ఆ మూడింటిని వెంటనే వదిలివేయండి..

విదురుడు మహా మహా విజ్ఞాని. భూత భవిష్యత్ కాలాల గురించి ఇట్టే చెప్పగలిగే గొప్ప వ్యక్తి. అంతే కాదు ఏది న్యాయం.. ఎందుకు అన్యాయం ఇలాంటి విషయాలను ఆయన స్పష్టంగా చేప్పారు. అయన గొప్ప నీతివాది, వివేకవంతుడు. అతని ఆలోచన చాలా దార్శనికమైనది. ఈ లక్షణాల వల్ల హస్తినకు ప్రధాన మంత్రిగా పని చేశాడు. హస్తినాపురం మహారాజు దృతరాష్ట్రుడు సంక్షోభంలో ఉన్నప్పుడల్లా మహా మంత్రి విదురుని సలహాలు తీసుకుని రాజ్య పాలన సాగించారు.

విదురుడు, మహారాజు ధృతరాష్ట్ర మధ్య జరిగిన సంభాషణల సమాహారాన్ని విదుర్ నీతి అంటారు. మహాత్మా విదుర్ గురించి చెప్పిన ఈ విషయాలు ఆయన కాలంలోనే అమూల్యమైనవి కానీ ప్రస్తుత కాలంలో అవి సరిగ్గా సరిపోతాయి. మన జీవితంలో సంతోషాన్ని నాశనం చేసే 3 విషయాలను తన విదుర నీతిలో ప్రస్తావించారు. ఆ మూడు విషయాలను వెంటనే విడిచిపెట్టాలి.

కామ : విదురుడు తన నీతి గ్రంథంలో చెప్పినట్లుగా.. మితిమీరిన కామం ఏ మనిషినైనా నాశనం చేస్తుందని అంటాడు విదురుడు. అందుకే ప్రతి వ్యక్తి తనలోని కోరికలను అదుపులో ఉంచుకోవాలి. కామభావన ఒక వ్యక్తిని శారీరకంగా, మానసికంగా, ఆధ్యాత్మికంగా బలహీనపరుస్తుంది.

కోపం : విదుర నీతి ప్రకారం, కోపం ఒక వ్యక్తి తెలివి, మనస్సాక్షి రెండింటినీ నాశనం చేస్తుంది. కోపం ఏ వ్యక్తికైనా ఆలోచించే, అర్థం చేసుకునే శక్తిని బలహీనపరుస్తుంది. కోపం కారణంగా సరైన, తప్పులను నిర్ధారించే సామర్థ్యాన్ని నెమ్మదిగా కోల్పోతాడు. కొన్నిసార్లు కోపంలో తప్పుడు పనులు కూడా చేస్తుంటారు. దాని కారణంగా అతను జీవితకాలం చాలా బాధపడవలసి ఉంటుంది. ఈ కారణాల వల్ల విదురుడు కోపాన్ని వినాశనానికి మూలంగా భావించాడు. అతని ప్రకారం, కోపాన్ని వెంటనే వదిలివేయాలి.