Relationship Tips: ఈ అలవాట్లు మీ లైఫ్‌ పార్ట్‌నర్‌లో ఉన్నాయా? పొరపాటున కూడా వారిని పెళ్లి చేసుకోవద్దు..!

Relationship Tips: ప్రతీ ఒక్కరి జీవితంలో వివాహం అనేది కీలకమైన ఘట్టం. పెళ్లికి సంబంధించిన నిర్ణయం అత్యంత కీలకమైనది. ఈ నిర్ణయం తీసుకునే ముందు చాలా జాగ్రత్తగా ఆలోచించి నిర్ణయం తీసుకోవాలి. చాలా మంది తొందరపడి, కుటుంబ సభ్యుల ఒత్తిడితో నిర్ణయం తీసుకుంటారు. ఆ తరువాత పశ్చాత్తాపపడతారు. భారతదేశంలో పెళ్లి అనేది ఇద్దరు వ్యక్తులకు సంబంధించింది కాదు.. రెండు కుటుంబాలకు సంబంధించింది. ఆ వివాహం విచ్ఛిన్నమైతే, రెండు కుటుంబాలు ఇబ్బంది పడాల్సి వస్తుంది. జీవితాంతం పశ్చాత్తాప పడే పరిస్థితులు మన దేశంలో చాలా మందిని చూసే ఉంటాం. ఇన్ని ఇబ్బందులు పడేముందు.. యువతీ, యువకులు పెళ్లికి ముందే ఒకరి గురించి ఒకరు తెలుసుకోవడం మంచిది. పెద్దలు కుదిర్చిన పెళ్లిళ్లు చేసుకునే జంటలు.. పెళ్లికి ముందు ఒకరి గురించి తెలుసుకునే ప్రయత్నం చేయాలి. అయితే, చాలామంది భార్యభర్తలు చాలా మంచి అనుబంధం కలిగి ఉంటారు. ఈ అనుబంధం నేపథ్యంలోనే తమ కాబోయే భాగస్వామికి ఉన్న కొన్ని చెడు అలవాట్లను లైట్ తీసుకుంటారు. అయితే, అలా చేయడమే పెద్ద తప్పునకు దారి తీస్తుంది. వాటి కారణంగా పెళ్లి తరువాత వైవాహిక జీవితం బాధాకరంగా మారుతుంది. అందుకే ఈ అలవాట్లు ఉన్న వారిని పెళ్లి చేసుకోకూడదని పెద్దలు చెబుతున్నారు. మరి ఆ అలవాట్లు ఏంటో ఇప్పుడు తెలుసుకుందాం..

చిన్న చూపు చూసే వారిని పెళ్లి చేసుకోవద్దు.. ఎదుటి వ్యక్తిని తనకంటే తక్కువగా భావించే వారు కూడా చాలామంది ఉంటారు. ఆర్థిక, ఇతర విషయాలలో బలహీనంగా ఉండొచ్చు. దీని కారణంగా.. అన్ని అంశాల్లో తన నిర్ణయాలను తన భాగస్వామిపై రుద్దుతుంటారు. ఇది చాలా సందర్భాలలో జరుగుతుంది. నిశ్చితార్థం తర్వాత మీకు కూడా ఇలాగే అనిపిస్తే.. పొరపాటున కూడా అలాంటి వ్యక్తిని జీవిత భాగస్వామిగా చేసుకోవద్దు.

వివాహం విషయంలో గందరగోళం.. కొంతమంది ఒత్తిడి లేదా దురాశతో పెళ్లికి ఒప్పుకుంటారు. ఇలాంటి వారు ఈ సంబంధాన్ని అంగీకరించలేరు. వారు తమ కాబోయే జీవిత భాగస్వామితో సరిగ్గా మాట్లాడరు. వారితో ఎడబాటుగా ఉండేందుకు ప్రయత్నిస్తారు. ఏ కారణం చేతనైనా పెళ్లి చేసుకునే విషయంలో అయోమయానికి గురైతే.. వారు చేసిన తప్పు మరొకరి జీవితాన్ని కూడా నాశనం చేస్తుంది. పెళ్లి నిశ్చయం అయిన తరువాత భాగస్వామి మిమ్మల్ని తరచుగా విస్మరిస్తున్నారని లేదా నిరంతరం చిరాకుగా ఉన్నట్లు మీరు భావిస్తే.. అలాంటి వారిని వివాహం చేసుకునే ముందు జాగ్రత్తగా ఆలోచించాలి.

డిఫరెంట్ థింకింగ్.. అందరి ఆలోచనలు ఒకేలా ఉండవు. కానీ పరస్పర అవగాహనతో విషయాలు పరిష్కరించుకోగలరన్నది నిజం. వేర్వేర్ వ్యక్తిత్వాలు ఉన్న ఇద్దరు వ్యక్తులు వివాహం చేసుకోవడం సహజం. అయితే, వేర్వేరు ఆలోచనల కారణంగా వారు తరచుగా గొడవపడతారు. ప్రతి చిన్న విషయానికి ఘర్షణకు దిగడం కారణంగా వారి త్వరగా విడిపోవడం జరుగుతుంది. మీ భాగస్వామి ప్రతి విషయంలోనూ భిన్నంగా ఆలోచిస్తే, అలాంటి వారిని పెళ్లి చేసుకునే ముందు మరోసారి ఆలోచించండి.

మరిన్ని హ్యూమన్‌ఇంట్రస్ట్ వార్తల కోసం ఈ లింక్ క్లిక్ చేయండి..