Bedsheet Tips: తరచూ బెడ్ షీట్ ఎందుకు మార్చాలి..? ఎలా మార్చాలి..? ప్రతి ఒక్కరు తెలుసుకోవల్సిన..

చాలా మంది బెడ్‌షీట్లను( Bedsheet) అలా వదిలేస్తుంటారు.. రోజుల తరబడి అలా మార్చకుండా ఉంటే ఎన్నో ఆరోగ్య సమస్యలు వచ్చే ప్రమాదం ఉంది. అయితే బెడ్‌షీట్‌ను మార్చడానికి 5 నుంచి 8 నిమిషాలు పడుతుంది. ఈ అజాగ్రత్తలు అలవాటు చేసుకుంటే మీ ఆరోగ్యానికి అనేక విధాలుగా హాని కలిగిస్తుంది. మీరు ఆహారం తినే ముందు చేతులు కడుక్కొని ఆహారం తిన్నట్లే.. ప్రతి వారం బెడ్‌షీట్‌ను మార్చడం అవసరం.. ఎందుకంటే వరుసగా చాలా రోజులు ఒకే షీట్‌పై పడుకున్న తర్వాత కూడా షీట్ ద్వారా శరీరం బ్యాక్టీరియాలు వచ్చి చేరుతుంటాయి. దీని వల్ల అలర్జీలు, ఉబ్బసం, జుట్టు విరగడం, ముఖంపై మొటిమలు లేదా ఇతర వ్యాధుల సమస్యలు ఏర్పడుతుంటాయి. మనం ప్రతిరోజూ స్నానం చేస్తాం.. దుస్తులు కూడా మార్చుకుంటాం. అయితే.. బెడ్రూమ్ లో బెడ్ షీట్స్ ని మాత్రం మార్చరు.. బెడ్ షీట్ శుభ్రంగా ఉంటేనే… మనం ప్రశాంతంగా నిద్రపోగలం. అంతేకాకుండా.. బెడ్ షీట్స్ మార్చకపోవడం వల్ల.. మనం ఎలాంటి సమస్యలు ఎదుర్కుంటామో ఇప్పుడు చూద్దాం..

డర్టీ షీట్లలో జెర్మ్స్ పెరుగుతాయి

ఒక వారం కంటే ఎక్కువ డెడ్‌షీట్లను మార్చకపోవడం వల్ల వాటిలో జెర్మ్స్ పెరిగే అవకాశాలు చాలా ఎక్కువగా ఉంటుంది. అందువల్ల ప్రతి వారం షీట్ మార్చండి.

కొందరు ఇలా చేస్తుంటారు..

వారంలో ఒక్కసారి మాత్రమే మార్చేవారు 28 శాతం మంది ఉన్నారని ఒక సర్వేలో వెలుగులోకి వచ్చింది.  40 శాతం మంది  15 రోజుల తర్వాత మాత్రమే బెడ్ రూంలోని బెడ్‌షీట్లను మార్చుకుంటారు. అదే సమయంలో 24 శాతం మంది వ్యక్తులు 3 వారాలకు ఒకసారి మాత్రమే షీట్‌ను మారుస్తారు. అంతేకాదు, మిగిలిన 8 శాతం మంది ప్రజలు నెలకోసారి మాత్రమే షీట్లను మార్చడంపై శ్రద్ధ చూపుతున్నారు.

బెడ్‌షీట్ అనారోగ్యానికి కారణమవుతుంది