General Knowledge: పొద్దుతిరుగుడు పువ్వు సూర్యుని దిశలోనే ఎందుకు తిరుగుతుంది? అసలు కారణం ఇదే..

Sunflower Rotate Secret: ప్రకృతిలో ప్రతీది అద్భుతమే. రమణీయ దృశ్యాలతో కనువిందు చేస్తాయి. ప్రకృతిలోని వివిధ దృశ్యాలు మనసును పులికింపజేస్తాయి. అలాగే, ప్రకృతి అనేక రహస్యాలతో కూడుకుని ఉంది. ఆ రహస్యాలు తెలిస్తే నిజంగా ఆశ్చర్యకరంగా ఉంటుంది. పొద్దుతిరుగుడు పువ్వు గురించి మనందరికీ తెలిసిందే. దీనినే ఆంగ్లంలో సన్‌ఫ్లవర్ అంటాం. సూర్యుడు ఏ దిశకు వెళితే.. ఆ దిశకు తిరగడం ఈ పువ్వు ప్రత్యేకత. అయితే, పొద్దుతిరుగుడు పువ్వు అలా ఎందుకు దిశ మార్చుకుంటుంది? దీని వెనుక రహస్యమేంటి? అనే ఆసక్తికర విషేషాలు ఇప్పుడు తెలుసుకుందాం..

సూర్యుని వైపు పొద్దుతిరుగుడు పువ్వు తిరగడానికి కారణమిదే.. ఒక పరిశోధన ప్రకారం.. పొద్దుతిరుగుడు పువ్వు ఒక జీవ గడియారం అని పేర్కొనడం జరిగింది. పొద్దుతిరుగుడు పువ్వు సూర్యని దిశలో వికసించడాన్ని ‘హెలియోట్రోపిజం’ అనే శాస్త్రీయ పదంతో పేర్కొన్నారు. ఈ పువ్వులలో మనుషుల్లాగే జీవక్రియ, దాని జన్యువులను ప్రభావితం చేస్తుంది. మనుషుల్లాగే పొద్దుతిరుగుడు పువ్వులు కూడా రాత్రిపూట విశ్రాంతి తీసుకుంటాయి. సూర్య కిరణాల తాకిడి, ఆ కిరణాల ప్రభావం పెరుగుతున్నా కొద్ది.. పొద్దుతిరుగుడు పువ్వు కార్యాచరణ కూడా పెరుగుతుంది. అంటే.. రాత్రివేళ నిద్రావస్తలో ఉన్న పువ్వు, ఉదయాన్నే సూర్యుని లేలేత కిరణాలు తాకడంతో నెమ్మదిగా యాక్టీవ్ అవుతుంది. అలా సూర్యుని కిరణాల ప్రభావం పెరిగే కొద్ది.. పొద్దుతిరుగుడు పువ్వు కూడా పూర్తిస్థాయిలో యాక్టీవ్ అవుతుంది.

కాండం అభివృద్ధి కూడా.. పొద్దుతిరుగుడు పువ్వు కాండం అభివృద్ధిని సూర్య కిరణాలు ప్రభావితం చేస్తాయి. ఆ కాండం కూడా పువ్వును సూర్యుని దిశ ప్రకారం తిరిగేలా ప్రభావితం చేస్తుంది.

వృద్ధ పొద్దుతిరుగుడు పువ్వులు విభిన్నం.. సూర్యుని దిశను అనుసరించే ధోరణి కొత్తగా వికసించే పొద్దుతిరుగుడు పువ్వులలో మాత్రమే కనిస్తుంది. వికసించి చాలా కాలం అయిన పాత పువ్వుల్లో భిన్నమైన దోరని ఉంటుంది. కాస్త వాడిపోయిన పువ్వులు.. సూర్యుని దిశతో పాటు కదలలేవు. వాటి శక్తి నీరసించిపోతుంది. మొత్తంగా మనుషుల్లో ఉండే జీవక్రియ మాదిరిగానే.. పొద్దుతిరుగుడు పువ్వుల్లోనూ జరుగుతుందని పరిశోధకులు తేల్చారు.

మరిన్ని హ్యూమన్‌ఇంట్రస్ట్ వార్తల కోసం ఈ లింక్ క్లిక్ చేయండి..