Breaking News
  • సికింద్రాబాద్‌-మచిలీపట్నం మధ్య ప్రత్యేక రైళ్లు. డిసెంబర్‌ 1,8,15,22,29 తేదీల్లో నడవనున్న ప్రత్యేక రైళ్లు. మచిలీపట్నంలో మధ్యాహ్నం 2:25కి బయల్దేరి.. రాత్రి 10:10కి సికింద్రాబాద్‌కు చేరుకోనున్న ప్రత్యేక రైలు. అదేరోజు సికింద్రాబాద్‌ నుంచి రాత్రి 11:55కి బయల్దేరి.. మరుసటి రోజు ఉ.8:55కి మచిలీపట్నం చేరుకోనున్న ప్రత్యేక రైలు.
  • ఏపీకి నెంబర్లు కేటాయించిన కేంద్రం. అక్రమ మైనింగ్‌, అనధికార మద్యం అమ్మకాలపై.. ఫిర్యాదులకు నెంబర్లు కేటాయించిన కేంద్ర సర్కార్‌. అక్రమ మైనింగ్‌పై ఫిర్యాదు కోసం 14400 నెంబర్‌.. అనధికార మద్యంపై ఫిర్యాదుకు 14500 నెంబర్‌ కేటాయింపు.
  • మళ్లీ పెరిగిన బంగారం ధరలు. పెళ్లిళ్ల సీజన్‌ కొనుగోళ్లతో పెరిగిన పసిడి ధరలు. 10గ్రాముల 24క్యారెట్ల బంగారంపై రూ.225 పెంపు. రూ.38,715 పలుకుతున్న 10గ్రాముల బంగారం. రూ.440 పెరిగి రూ.45,480కి చేరిన కిలో వెండి ధర.
  • ఛండీగడ్‌: 2019 ప్రపంచ కబడ్డీ కప్‌కు పంజాబ్ ఆతిథ్యం. డిసెంబర్‌ 1 నుంచి 9 వరకు మ్యాచ్‌ల నిర్వహణ. సుల్తాన్‌పూర్‌ లోధిలోని గురునానక్‌ స్టేడియంలో ప్రారంభ వేడుక. ప్రపంచ కబడ్డీ టోర్నీలో పాల్గొననున్న భారత్, అమెరికా, శ్రీలంక.. ఆస్ట్రేలియా, ఇంగ్లాండ్, కెన్యా, న్యూజిలాండ్‌, పాకిస్తాన్‌, కెనడా జట్లు.
  • ఓటర్ల జాబితా సవరణకు కొత్త షెడ్యూల్‌ విడుదల. జనవరి 1, 2020 అర్హత తేదీతో ఓటర్ల జాబితా సవరణ. ఓటర్ల వివరాల పరిశీలనకు ఈనెల 30 తుది గడువు. డిసెంబర్‌ 16న ఓటర్ల జాబితా ముసాయిదా ప్రచురణ. 2020, జనవరి 15న అభ్యంతరాలు, వినతుల స్వీకరణ.
  • టిక్‌టాక్‌కు పోటీగా త్వరలో ఇన్‌స్టాగ్రామ్‌ కొత్త ఫీచర్‌. రీల్స్‌ పేరిట ఓ కొత్త ఫీచర్‌ అందుబాటులోకి. ఇన్‌స్టాగ్రామ్‌లోని ఎక్స్‌ప్లోర్‌ సెక్షన్‌లో కొత్త ఫీచర్. కొత్త ఫీచర్‌లో టిక్‌టాక్ మాదిరిగా వీడియోలు క్రియేట్‌ చేసే సౌకర్యం.

హుజూర్ నగర్‌ ఉపఎన్నికలో.. సీపీఐ మద్దతు ఎవరికి..?

తెలంగాణలో ఇప్పుడు రెండు అంశాలు ప్రధానంగా చర్చకు వినిపిస్తున్నాయి. ఒకటి హూజుర్ నగర్ బైపోల్, రెండవది ఆర్టీసీ కార్మికుల సమ్మె ఎక్కడ చూసిన.. ఎవరి నోట విన్నా ఈ రెండు అంశాలపైనే చర్చ జరుగుతోంది. మరోవైపు హుజుర్ నగర్ ఉపఎన్నికకు వారం రోజులు మాత్రమే ఉండటంతో ప్రధాన పార్టీలు అమీతుమీకి సిద్దమవుతున్నాయి. ఎలాగైనా తామే విజయం సాధించాలని వ్యూహారచన చేస్తున్నాయి.

ఇక టీఆర్ఎస్‌కు ఇక్కడ విజయం సాధించడం కష్టమేనని రాజకీయ విశ్లేషకులు అభిప్రాయపడుతున్నారు. ఇదే సమయంలో ఆర్టీసీ కార్మికులు సమ్మెకు దిగడం.. వారి డిమాండ్లను నెరవేర్చడానికి కేసీఆర్ ససేమిరా అనడంతో.. ప్రభుత్వం పై కార్మికుల్లో వ్యతిరేకత పెరిగింది. సమ్మె విరమించుకోవాలని ప్రభుత్వం చెప్పినా.. కార్మికులు మాత్రం వెనక్కి తగ్గడం లేదు. సమ్మె చేపట్టిన (సుమారు 48వేలకు పైగా ఆర్టీసీ ఉద్యోగులను) వారిని విధులు నుంచి తొలగించినప్పటికీ.. ఆర్టీసీ జేఏసీ నాయకులు మాత్రం వివిధ రకాలుగా నిరసనలు కొనసాగిస్తూనే ఉన్నారు. ఒకే రోజు ఇద్దరు కార్మికులు ఆత్మహత్య చేసుకోవడం.. వీరి సమ్మేకు ఆజ్యం పోసినట్లైంది. కార్మికుల్లో ప్రభుత్వం పై ఆగ్రహం కట్టలు తెంచుకుంటోంది.

మరోవైపు ఆర్టీసీ సమ్మెను అడ్డుపెట్టుకుని టీఆర్ఎస్‌ను ఓడించాలని కాంగ్రెస్ విశ్వ ప్రయత్నాలు చేస్తోంది. ఇక ప్రతిపక్ష పార్టీలతో పాటు సీపీఐ కూడా ఆర్టీసీ సమ్మెకు మద్దతు తెలుపుతోంది. రెండు మూడు రోజుల్లో కార్మికుల డిమాండ్లను నెరవేర్చేందుకు ప్రభుత్వం అంగీకరిస్తే.. హుజూర్ నగర్ ఉపఎన్నికలో టీఆర్‌ఎస్‌కు మద్దతు తెలుపుతామని సీపీఐ రాష్ట్ర కార్యదర్శి చాడా వెంకట్ రెడ్డి తెలిపారు. సమ్మె విరణమకు ఎంత త్వరగా చర్యలు తీసుకుంటే.. టీఆర్ఎస్‌కు మేలు జరుగుతుందని ఆయన స్పష్టం చేశారు.

ఆర్టీసీ కార్మికుల సమ్మె కారణంగా సామాన్య ప్రజలు ఇబ్బందులు పడుతున్నారని.. రాజకీయ విశ్లేషకులు చెబుతున్నారు. ప్రజల్లో ప్రభుత్వం పై వ్యతిరేకత ఏర్పడితే.. టీఆర్ఎస్‌కు కష్టకాలం వచ్చినట్లేనని వారు అభిప్రాయపడుతున్నారు. ఇదిలా ఉంటే కేసీఆర్ మాత్రం పట్టు విడవటం లేదు. ఆర్టీసీని ప్రభుత్వంలో విలీనం చేసే ప్రసక్తే లేదని తేల్చి చెబుతున్నారు. అంతేకాదు సమ్మెలో పాల్గొన్న వారిని తొలగించి.. కొత్త వారితో నామమాత్రంగా బస్సులను నడిపిస్తున్నారు. ఇక త్వరలోనే మరికొంత మందిని ఆర్టీసీలో తీసుకోనున్నట్లు అందుకు సంబంధించి నోటీఫికేషన్ కూడా విడుదల చేశారు. సీపీఐ మద్దతును టీఆర్ఎస్ కోల్పోతే.. కొన్ని వందల ఓట్లను కోల్పోయినట్లే నని రాజకీయ పెద్దలు అభిప్రాయపడుతున్నారు. రెండు రోజుల్లో కార్మికులకు అనుకూలంగా నిర్ణయం తీసుకుంటే.. సీపీఐ మద్దతు తెలుపే అవకాశం ఉందని అంటున్నారు. మరి కేసీఆర్ ఎలాంటి నిర్ణయం తీసుకోనున్నారు. హుజూర్ నగర్ బైపోల్‌లో విజయం ఏ పార్టీకి దక్కనుంది.. తెలుసుకోవాలంటే మరి కొద్ది రోజులు ఆగాల్సిందే..