Breaking News
  • భారత్ లో కరోనా కల్లోలం. 9 లక్షల 36 వేల మార్క్ ని దాటినా కరోనా పాజిటివ్ కేస్ లు. దేశవ్యాప్తంగా కరోనా పాజిటివ్ కేసులు : 936181 దేశ వ్యాప్తంగా యాక్టీవ్ కేసులు: 319840 కరోనా నుంచి డిశ్చార్జ్ అయిన బాధితులు: 592032 దేశం మొత్తం కరోనా తో మృతుల సంఖ్య : 24309 కేంద్ర ఆరోగ్య మంత్రిత్వ శాఖ.
  • అమరావతి: ఈఎస్ఐ స్కాం లో నిందితుల ముందస్తు బెయిల్ పిటిషన్లు తిరస్కరించిన హైకోర్టు. ఈఎస్ ఐ స్కాంలో ఏ9, ఏ10 గా ఉన్న రవితేజశ్రీ, యశస్వీ ముందస్తు బెయిల్ పిటిషన్లను కొట్టేస్తూ హైకోర్టు ఉత్తర్వులు. ఇప్పటికే మాజీ మంత్రి పితాని కుమారుడు వెంకట సురేష్, పితాని అప్పటి పీఎస్ మురళి మోహన్ ముందస్తు పిటిషన్లు కొట్టేసిన హైకోర్టు. తాజా ఆదేశాలతో ఈఎస్ఐ స్కాం లో నలుగురు నిందితుల ముందస్తు బెయిల్ పిటిషన్లు కొట్టేసిన ధర్మాసనం.
  • తెలంగాణలో 19 సెంటీమీటర్లు పైగా వర్షపాతం నమోదు. సంగారెడ్డి ఆందోల్ లో అత్యధికంగా గా 19.4 వర్షపాతం నమోదు. సూర్యాపేట ,కామారెడ్డిలో 10 నుంచి 12 సెంటీమీటర్ల వర్షపాతం. భద్రాద్రి కొత్తగూడెం, నిర్మల్ ,సిద్దిపేట ,మేడ్చల్ మల్కాజ్గిరి ,మెదక్ ,వరంగల్ అర్బన్ ,జనగాం 7 నుంచి 9 సెంటిమీటర్ల వర్షపాతం.
  • కరోనా సమయంలో శ్మశాన వాటికల్లో దహన సంస్కారాలకు ఎదురుచూస్తున్న మృతదేహాలు . హైదరాబాద్ లో పనిచేయని ఎలక్ట్రికల్ శ్మశాన వాటికలు. రెండు రోజులుగా వర్షం పడటంతో దహనసంస్కారాలకు ఆటంకం. పనిచేస్తున్న ఒకటి రెండు శ్మశాన వాటికలపై పెరుగుతున్న వత్తిడి. ఒకవైపు కరోనా డెడ్ బాడీస్ మరోవైపు సాధారణ మరణాలు . 25 కిపైగా అంతిమ సంస్కారాల కోసం ఎదురు చూస్తున్న భౌతిక కాయాలు.
  • కొలిక్కి వచ్చిన గాంధీ ఆస్పత్రి అవుట్ సోర్సింగ్ ఉద్యోగుల తో ప్రభుత్వ చర్చలు. నర్సులకు 17 వేల 500 ల నుండి, 25 వేలు... కరోనా డ్యూటీలు చేస్తున్న వాళ్లకు డైలీ ఇంటెన్సివ్ కింద 750 రూపాయలు. అవుట్ సోర్సింగ్ నుంచి, కాంట్రాక్టు లోకి మార్చేందుకు ప్రయత్నం చేస్తామని ప్రభుత్వ హామీ. నాల్గవ తరగతి ఉద్యోగులకు రోజుకు 300 ల రూపాయల ఇన్సెoటివ్, 15 రోజులు మాత్రమే డ్యూటీ. ఆందోళన విరమిస్తున్నట్లు ప్రకటించిన నర్సులు.
  • తెలంగాణ ప్రభుత్వం మరో ముందడుగు . వీల్ ఆన్ టాయిలెట్స్ పేరుతో కొత్త సదుపాయాలు. పట్టణాభివృద్ధి శాఖ ఆధ్వర్యంలో ప్రతి వెయ్యి మందికి ఒక మరుగుదొడ్డి ఏర్పాటు చేయాలి . ఆగస్ట్ 15లోపు అర్బన్ ప్రాంతాల్లో టాయిలెట్స్ పూర్తి చేయాలని ఆదేశాలు జారీ చేసిన మంత్రి ktr . రాష్ట్రంలో ఉన్న అన్ని మున్సిపాలిలలో టాయిలెట్స్ నిర్మాణం పూర్తిచేయాలని అధికారులపై ఆదేశాలు.

హౌడీ మోదీ: ట్రంప్ మోదీల కలయిక… ప్రవాస భారతీయులకు లాభమా?

అయిదేళ్ల క్రితం నరేంద్ర మోదీ భారత ప్రధాని హోదాలో తొలిసారి అమెరికాలో అడుగు పెట్టినప్పుడు.. న్యూయార్క్‌లోని మాడిసన్ స్క్వేర్ గార్డెన్ వద్ద లభించిన ఘన స్వాగతం ఆయన విజయాన్ని ప్రతిబింబించింది. రెండోసారి కూడా ఎన్నికల్లో విజయదుందుభి మోగించిన తరువాత ఇప్పుడు మళ్లీ మోదీ అమెరికాలో అంతకంటే పెద్దసంఖ్యలో అభిమానులనుద్దేశించి మాట్లాడబోతున్నారు. సెప్టెంబర్ 22 న ఆదివారం హ్యూస్టన్‌లో నిర్వహించే ఈవెంట్‌లో మోదీతో పాటు అమెరికా అధ్యక్షుడు డోనాల్డ్ ట్రంప్ కూడా పాల్గొంటున్నారు.

ఇటీవల కశ్మీర్‌కు సంబంధించి ఆర్టికల్ 370 రద్దు విషయంలో మోదీ తీసుకున్న నిర్ణయం… ఈ క్రమంలో అంతర్జాతీయంగా వచ్చిన విమర్శల  నుంచి ఇది ఆయన్ను విముక్తుడిని చేస్తుందని చాలామంది భావిస్తున్నారు. ‘హౌడీ మోదీ’ పేరిట నిర్వహిస్తున్న ఈ ఈవెంట్‌కు 50 వేల మంది హాజరవుతారని అంచనా. భారతదేశం వెలుపల మోదీ మద్దతుదారులు ఇంత పెద్దసంఖ్యలో పోగవడం ఇదే తొలిసారి. ట్రంప్‌తో కలిసి ఇలా అమెరికాలో సభ నిర్వహించడమనేది అంతర్జాతీయ ప్రజాసంబంధాల వ్యవహారంలో మోదీ సాధించిన విజయమనే చెప్పాలి. అమెరికా, భారత్ మధ్య సంబంధాలకు పెరుగుతున్న ప్రాముఖ్యతకు ఇది ఒక ఉదాహరణగా నిలుస్తుంది.

‘ఇది అమెరికాలో భారతీయ అమెరికన్ సమాజ బలిమిని ప్రతిబింబిస్తోంది’ అని ఒబామా అడ్మినిస్ట్రేషన్‌లో విదేశీ వ్యవహారాలలో భారత్, దక్షిణాసియా వ్యవహారాల విభాగంలో పనిచేసిన నిషా బిస్వాల్ తెలిపారు. ట్రంప్ ఈ సభకు హాజరవడం గొప్ప పరిణామమని ఆమె స్పష్టం  చేశారు. మోదీ, ట్రంప్ మధ్య బంధం ఇప్పుడు వ్యక్తిగత, రాజకీయాల స్థాయి దాటి ముందుకెళ్లిందని నిషా వివరించారు.

‘హౌడీ మోదీ’ ఈవెంట్ నిర్వాహకులు డెమొక్రటిక్ పార్టీ ప్రముఖులు స్టెనీ హోయర్ వంటివారు, పలువురు ఇతర కాంగ్రెస్ నేతలు, వివిధ రాష్ట్రాల గవర్నర్లను కూడా పిలిచి ఇది ఇరుదేశాలకు సంబంధించిన ద్వైపాక్షిక వ్యవహారంలా మార్చే ప్రయత్నం చేశారు. ఇందుకు హ్యూస్టన్‌ను వేదికగా ఎంచుకోవడంలోనూ ఆశ్చర్యం లేదు. భారత్‌తో వాణిజ్య భాగస్వామ్యం ఉన్న నాలుగో అతిపెద్ద నగరం హ్యూస్టన్. అమెరికాతో ఉన్న వాణిజ్య లోటును భర్తీ చేసుకోవడానికి భారత్‌కు ఇదో అవకాశం కూడా. మరోవైపు గత ఏడాదిన్నర కాలంలో భారత్, అమెరికాల మధ్య తలెత్తిన వాణిజ్య విభేదాలను రూపుమాపుకొనేందుకూ ఈ సభ సహకరిస్తుందని అంచనా వేస్తున్నారు. ఒకవేళ అదే జరిగితే మోదీ అది తాను సాధించిన విజయంగా భావిస్తారు. ఇక ట్రంప్ వైపు నుంచి చూస్తే రానున్న అధ్యక్ష ఎన్నికల్లో ట్రంప్‌కు అనుకూలంగా అమెరికాలోని భారతీయులు వ్యవహరించేలా ఈ సభ సహకరిస్తుంది . అమెరికాలో భారతీయుల జనాభా 32 లక్షలు.. ఆ దేశ జనాభాలో ఒక శాతం.

అమెరికాలోని భారతీయుల్లో అత్యధికులు డెమొక్రటిక్ పార్టీ సానుభూతిపరులు. 2016 అధ్యక్ష ఎన్నికల్లో అత్యధికులు హిల్లరీ క్లింటన్‌కు ఓటేశారని ‘ఆసియన్ అమెరికన్ లీగల్ డిఫెన్స్ అండ్ ఎడ్యుకేషన్ ఫండ్’  అనే సంస్థ తెలిపింది. మోదీ జాతీయవాద దృక్పథం, భారతదేశాన్ని ప్రపంచదేశాల మధ్య సగర్వంగా నిలపుతానంటూ ఆయన చేసే ప్రతిజ్ఞల కారణంగా అమెరికాలోని భారతీయుల్లో ఆయనకు విశేషాదరణ లభిస్తోంది. ఈ సభ తరువాత అమెరికాలోని మోదీ అభిమానుల్లో చాలామంది డెమొక్రాట్ల నుంచి తమ వైపు మళ్లుతారని రిపబ్లికన్లు ఆశిస్తున్నారు.

మోదీ అమెరికా టూర్‌లో చాలా ప్రత్యేకతలున్నాయి. ముఖ్యంగా ట్రంప్‌తో మోదీ ఈ ఏడాది మూడోసారి భేటీ కాబోతున్నారు. ఇంతకుముందు జపాన్‌లో జరిగిన జీ20 సదస్సులో, ఆ తర్వాత ఆగస్ట్‌లో ఫ్రాన్స్‌లో జరిగిన జీ7 సదస్సులో వాళ్లిద్దరూ కలిశారు. నేడు జరిగే హౌడీ-మోదీ ఎన్నారైల సదస్సులో ట్రంప్… ప్రవాస భారతీయులను ఉద్దేశించి… కొన్ని కీలక ప్రకటనలు చేయబోతున్నారని తెలిసింది. 2020లో అమెరికా అధ్యక్ష ఎన్నికలు జరగనున్నాయి. ఈ ఎన్నికల్లో భారతీయుల ఓట్లను కొల్లగొట్టేందుకు ఇప్పటి నుంచే ప్రయత్నిస్తున్న ట్రంప్… ఈ సదస్సును అందుకు వేదికగా చేసుకోబోతున్నారు.

కాగా… హ్యూస్టన్ సభ అనంతరం ప్రధాని మోదీ గేట్స్ ఫౌండేషన్ నుంచి స్వచ్ఛతా అవార్డు అందుకోబోతున్నారు. అయితే, కశ్మీర్ విషయంలో మోదీ తీరును నిరసిస్తూ కొందరు ఈ అవార్డును మోదీకి ఇవ్వరాదంటూ గేట్స్ ఫౌండేషన్‌కు లక్ష సంతకాలతో ఫిర్యాదు చేశారు. అయితే, గేట్స్ ఫౌండేషన్ వ్యవస్థాపకుడు బిల్ గేట్స్ దీనిపై స్పందిస్తూ ‘భారత దేశంలో పారిశుద్ధ్యానికి సంబంధించిన విజయాలకు గాను ఈ అవార్డు ఇస్తున్నాం. మా నిర్ణయం సరైనదే’నని స్పష్టం చేశారు.

Related Tags