Breaking News
  • నల్గొండ: చండూరు డాన్‌బాస్కో కాలేజీలో విద్యార్థి ఆత్మహత్య. ఉరివేసుకొని ఆత్మహత్య చేసుకున్న ఫస్టియర్‌ విద్యార్థి ప్రకాష్‌. ప్రకాష్‌ ఆత్మహత్యకు ప్రేమ వ్యవహారమే కారణమని అనుమానం. ప్రకాష్‌ స్వస్థలం గుంటూరు జిల్లా .
  • ప.గో: సంజీవయ్య నగర్‌లో కొండచిలువ కలకలం. నివాసాల మధ్యకు వచ్చిన 8 అడుగుల కొండచిలువ. భయబ్రాంతులకు గురైన స్థానికులు కొండచిలువను కొట్టి చంపిన స్థానికులు.
  • ప.గో: పెనుమంట్ర మండలం మార్టేరులో కిసాన్‌ మేళా. కిసాన్‌ మేళాలో పాల్గొన్న వ్యవసాయ మంత్రి కన్నబాబు. మాది రైతు పక్షపాత ప్రభుత్వం-మంత్రి కన్నబాబు. 44 లక్షల రైతు కుటుంబాలకు రైతుభరోసా వర్తింపు. రూ.3లక్షల రుణం తీసుకున్న రైతులకు వడ్డీ లేదు-కన్నబాబు. చిరుధాన్యాలు పండించే రైతులను ప్రోత్సహించేందుకు. త్వరలోనే విధివిధానాలు ప్రకటిస్తాం-మంత్రి కన్నబాబు
  • సంగారెడ్డి: జిల్లాలో పలు అభివృద్ధి పనులకు హరీష్‌రావు శంకుస్థాపన. జోగిపేట, ఆందోల్‌లో రూ.10కోట్ల పనులకు శంకుస్థాపన చేసిన హరీష్‌. మున్సిపాల్టీ ఎన్నికల్లో టీఆర్ఎస్‌ విజయం ఖాయం-మంత్రి హరీష్‌రావు. కాళేశ్వరం, మల్లన్న సాగర్‌ నీళ్లతో సింగూర్‌ను నింపుతాం-హరీష్‌. సాగుకోసం సింగూర్‌ నీరు మెదక్ జిల్లాకు దక్కేలా ప్రణాళికలు రచిస్తాం. సింగూర్‌లో నీళ్లు లేకపోవడంతో ప్రత్యామ్నాయ ఏర్పాటు చేస్తాం. అదనంగా నిధులు ఇవ్వాలని సీఎం అధికారులను ఆదేశించారు-హరీష్‌రావు.
  • తెలంగాణ భవన్‌లో ముగిసిన టీఆర్‌ఎస్‌పీపీ సమావేశం కాళేశ్వరం ప్రాజెక్ట్‌కు జాతీయహోదాపై పోరాడుతాం-ఎంపీ నామా. రాష్ట్రంలో అన్ని ప్రాజెక్ట్‌లకు నిధులు కోరుతాం-ఎంపీ నామా. కాళేశ్వరంపై సుప్రీంకోర్టులో ఏపీ అఫిడవిట్‌ దాఖలు చేయడంపై సీఎం కేసీఆర్‌ స్పందించారు-ఎంపీ నామా నాగేశ్వరరావు. బయ్యారం స్టీల్‌ప్లాంట్‌తో పాటు 30 అంశాలపై చర్చించాం . హామీల సాధన కోసం కేంద్రంపై ఒత్తిడి తెస్తాం-నామా నాగేశ్వరరావు. మిషన్‌ భగీరథ పథకానికి కేంద్రాన్ని నిధులు కోరుతాం-ఎంపీ నామా.
  • హైదరాబాద్‌: టీఆర్‌ఎస్‌ ఎంపీలకు కేటీఆర్‌ దిశానిర్దేశం. పార్లమెంట్ సమావేశాల్లో విభజన హామీలు పెండింగ్‌ సమస్యలను లేవనెత్తాలని కేటీఆర్‌ ఆదేశం. బడ్జెట్‌లో తెలంగాణకు దక్కాల్సిన అంశాలు, ప్రాజెక్టులు నిధులపై ఇప్పటి నుంచే పనిచేయాలని ఎంపీలకు సూచన. గణాంకాలతో ఎంపీలకు సమగ్ర సమాచారం అందించాలన్న కేటీఆర్‌. దేశ రాజధానిలో అన్ని హంగులతో పార్టీ కార్యాలయం నిర్మిస్తాం. పార్టీ ఆఫీస్‌ నిర్మాణ ప్రక్రియను వేగవంతం చేస్తామన్న కేటీఆర్‌.
  • తిరుమలలో పెరిగిన భక్తుల రద్దీ శ్రీవారి ఉచిత దర్శనానికి 12 గంటల సమయం ఈరోజు శ్రీవారి హుండీ ఆదాయం రూ.2.88కోట్లు

ఔను..వాళ్ళిద్దరు మాట్లాడుకుంటూనే వున్నారు..!

వారం రోజులుగా ఉత్కంఠ రేకెత్తించిన జగన్, చిరంజీవిల భేటీ ఎట్టకేలకు ముగిసింది. అయితే కథలో ట్విస్టును భేటీ తర్వాత చిరంజీవి స్వయంగా రివీల్ చేశారు. ఏపీ సీఎం జగన్ మోహన్ రెడ్డితో మెగాస్టార్ చిరంజీవి భేటీ అవుతున్నారని వారం క్రితం కథనాలు రావడంతోనే ఇంతకాలం దూరదూరంగా వున్న వీరిద్దరు ఇంత సడన్ గా ఎందుకు కలుస్తున్నారు ? అనే అంశం రాజకీయ, సినీ వర్గాలతో పాటు వైసీపీ వర్గాల్లోను, మెగాస్టార్ అభిమానుల్లోను చర్చ పెద్ద ఎత్తున మొదలైంది. కేవలం సైరా మూవీ సక్సెస్ అయిన నేపథ్యంలో సీఎంను కల్వాలని చిరంజీవి భావిస్తున్నట్లు ఆయన సన్నిహితులు చెప్పుకొచ్చారు.  సినిమా విడుదలైన మొదటి 2 వారాల్లో షోల సంఖ్యను పెంచుకునేందుకు అనుమతించినందుకు ముఖ్యమంత్రికి కృతజ్ఞతలు చెప్పేందుకే అభిమాన నటుడు జగన్ని కలుస్తున్నారని మెగా ఫ్యాన్స్ చెప్పుకొచ్చారు. అయితే మెగా ఫ్యాన్స్ లోనే స్పష్టమైన విభజన కనిపించింది. మెగా అభిమానుల్లో పవన్ స్టార్ పవన్ కల్యాణ్ ఫ్యాన్స్ ఈ భేటీపై మండిపడ్డారు.

ఈ క్రమంలో సోమవారం హైదరాబాద్ నుంచి విజయవాడ  చేరుకున్న చిరంజీవి దంపతులు… ముఖ్యమంత్రి జగన్ను అమరావతిలో కలుసుకున్నారు. వీరిద్దరి విందు సమావేశానికి మాజీ మంత్రి గంటా శ్రీనివాస్ రావు, చిరంజీవి తనయుడు రామ్ చరణ్ దంపతులు కూడా హాజరవుతారని భారీ ఎత్తున ప్రచారం జరిగినా చివరికి ముఖ్యమంత్రి జగన్ దంపతులు, మెగాస్టార్ చిరంజీవి దంపతులు మాత్రమే హాజరయ్యారు. ఈ నలుగురి భేటీ సుహృద్భావ వాతావరణంలో జరిగిందని చిరంజీవి చెప్పుకొచ్చారు. సీఎంవో కూడా దాదాపు ఇదే మెసేజ్ ని మీడియాకు పాస్ ఆన్ చేసింది.

అయితే.. విశేషం ఏంటంటే.. జగన్ ముఖ్యమంత్రి అయిన తర్వాత నాలుగు నెలలకు చిరంజీవి “తొలిసారి” కలుస్తున్నారంటూ జరిగిన ప్రచారం పూర్తిగా సత్యదూరమని సాక్షాత్తు చిరంజీవి వెల్లడించారు. జగన్ మోహన్ రెడ్డితో తాను రెగ్యులర్ గా టచ్ లోనే వున్నానని, తరచూ తామిద్దరం మాట్లాడుకుంటూనే వున్నామని చిరంజీవి కుండబద్దలు కొట్టారు. ఇది విన్న మీడియా షాక్ గురికాగా.. మెగాస్టార్ మాత్రం నవ్వుతూ నిష్క్రమించారు.

నిజానికి ఒకవైపు పవన్ కల్యాణ్.. జగన్ సర్కార్ కు వంద రోజుల గడువు ఇచ్చి, అది పూర్తి కాగానే.. విమర్శల పర్వం ప్రారంభించి, ఆరోపణల అస్త్రం సంధించడం మొదలుపెట్టారు. దాంతో పవన్ కల్యాణ్ చంద్రబాబుకు అనుకూలం, జగన్ కు వ్యతిరేకం అన్ని అభిప్రాయాలు సర్వత్రా వినిపించాయి. ఈ నేపథ్యంలో పవన్ కల్యాణ్ సోదరుడు చిరంజీవి.. ముఖ్యమంత్రిని కల్వడం.. అది కూడా తామిద్దరం రెగ్యులర్ గా మాట్లాడుకుంటూనే వున్నాం అని వెల్లడించడంతో మెగాఫ్యాన్స్ నివ్వెరపోయారు. తమ్ముని రాజకీయ ప్రత్యర్థితో చిరంజీవి తరచూ ఏం మాట్లాడుకుంటారబ్బా అని మీడియాలో గుసగుసలు మొదలయ్యాయి.

ఇక్కడ ఇంకో విషయం ఆసక్తికరంగా మారింది. జగన్ తో భేటీకి ముందే చిరంజీవి తన సోదరుడు, జనసేన అధినేత పవన్ కల్యాణ్ ని కల్వడం.. జగన్ ని తానెందుకు కలుస్తున్నానో ముందే తన సోదరునికి చిరంజీవి చెప్పి మరీ వెళ్ళాడంటే… ఇందులో మతలబేంటన్నది ఆసక్తి రేపుతోంది. జగన్ తో చిరంజీవి రెగ్యులర్ గా టచ్ లో వున్నానని చెప్పడం.. అదే సమయంలో సీఎంని కల్సే ముందే జనసేనాధిపతితో భేటీ అయి మరీ వెళ్ళడం.. చర్చనీయాంశం కాగా.. ఇదేం తరహా రాజకీయం రా బాబూ.. అని జనం చెవులు కొరుక్కుంటున్నారు.