Breaking News
  • తెలంగాణ లో ఈరోజు భారీ నుంచి అతి భారీ వర్షాలు. తెలంగాణ, రాయలసీమ మీదుగా 3.1 కి.మీ ఎత్తు వద్ద ఏర్పడిన ఉపరితల ద్రోణి. తూర్పు బీహార్ పరిసర ప్రాంతాల్లో కొనసాగుతున్న అల్పపీడనం. దీనికి అనుబంధంగా 3.1 కి.మీ ఎత్తు వరకు కొనసాగుతున్న ఉపరితల ఆవర్తనం. ఈశాన్య ఝార్ఖండ్, ఒరిస్సా మీదుగా 1.5 కి.మీ 5.8 కి.మీ ఎత్తు మధ్య ఏర్పడిన మరో ఉపరితల ద్రోణి. అక్కడక్కడ ఉరుములు, మెరుపులతో పాటు తేలికపాటి నుండి ఒక మోస్తరు వర్షాలు. ఈరోజు సంగారెడ్డి, మెదక్, సిద్దిపేట, జనగామ, మేడ్చల్ మల్కాజ్గిరి, హైదరాబాద్, రంగారెడ్డి, యాదాద్రి భువనగిరి, వికారాబాద్ మహబూబ్ నగర్, వనపర్తి, జోగులాంబ గద్వాల్, నాగర్ కర్నూల్, నల్గొండ, సూర్యపేట, నారాయణ పేట జిల్లాల్లో ఒకటి రెండుచోట్ల భారీ నుండి అతిభారీవర్షాలు. ఎల్లుండి ఒకటి రెండుచోట్ల భారీవర్షాలు కురిసే అవకాశం.
  • కడప: ప్రొద్దుటూరులో సీఎం రిలీఫ్‌ ఫండ్‌ చెక్కుల ఫోర్జరీ కేసు. నిందితుడు సుబ్రమణ్యంరెడ్డిని అదుపులోకి తీసుకున్న పోలీసులు. మరికొందరిని ప్రమేయం ఉన్నట్టు గుర్తింపు.
  • ఈ దసరా పండుగ రోజున ధరణి పోర్టల్ ప్రారంభించాలని ముఖ్యమంత్రి కె.చంద్రశేఖర్ రావు నిర్ణయించారు. విజయదశమి రోజునుప్రజలు మంచి మహుర్తంగా భావిస్తున్నందున ముఖ్యమంత్రి కేసీఆర్ స్వయంగా ధరణి పోర్టల్ ను ఆరోజు ప్రారంభిస్తారు. ధరణి పోర్టల్ ప్రారంభించడానికి అవసరమైన అన్ని కార్యక్రమాలను ఈ లోపుగానే పూర్తి చేయాలని ముఖ్యమంత్రి కేసీఆర్ అధికారులను ఆదేశించారు.
  • ముంబై: బాలీవుడ్‌ డ్రగ్స్‌ కేసు. ఎన్సీబీ ఎదుట విచారణకు హాజరైన దీపికాపదుకొనె. ముంబై కొలాబాలోని ఎన్సీబీ గెస్ట్‌హౌజ్‌లో దీపికా విచారణ. కరీష్మా, దీపికా చాటింగ్‌పై ఎన్సీబీ ప్రశ్నల వర్షం. కరీష్మాతో పరిచయం, డ్రగ్స్‌ సప్లయ్‌పై 4 గంటలుగా విచారణ. పల్లార్డ్‌లోని ఎన్సీబీ కార్యాలయంలో శ్రద్ధా, సారా విచారణ. త్వరలో కరణ్‌జోహార్‌కు సమన్లు జారీ చేసే అవకాశం.
  • మంచిర్యాల: బెల్లంపల్లిలో భర్త ఇంటి ఎదుట భార్య ఆందోళన. అదనపు కట్నం కోసం భార్యను ఇంటి నుంచి గెంటేసిన భర్త మధుకర్‌. గతేడాది ఫిబ్రవరిలో మధుకర్‌తో విజయ వివాహం. అదనపు కట్నం తెస్తేనే కాపురం చేస్తానంటూ వేధింపులు. అత్తింటివారితో ప్రాణహాని ఉందంటూ పోలీసులకు ఫిర్యాదు.
  • గుంటూరు: టీడీపీ నేత నన్నపనేని రాజకుమారికి గాయం. తెనాలిలోని తన ఇంట్లో కాలుజారిపడ్డ నన్నపనేని. నన్నపనేని రాజకుమారి తలకు గాయాలు, ఆస్పత్రికి తరలింపు.

హెచ్ఎండీఏ అడ్రస్ మారింది..!

హైదరాబాద్‌ మెట్రోపాలిటన్ డెవలప్‌మెంట్ అథారిటీ కార్యాలయాన్ని అధికారులు షిప్టు చేశారు. గత కొంతకాలంగా తార్నాకలోని డిస్ట్రిక్ కమర్షియల్ కాంప్లెక్స్‌లో కార్యకలాపాలు కొనసాగిస్తున్న హెచ్ఎండీఏ ఆఫీసును అమీర్‌పేటలోని స్వర్ణ జయంతి కాంప్లెక్స్‌లో మార్చేశారు అధికారులు.

hmda office shifted from tarnaka to ameerpet, హెచ్ఎండీఏ అడ్రస్ మారింది..!

హైదరాబాద్‌ మెట్రోపాలిటన్ డెవలప్‌మెంట్ అథారిటీ కార్యాలయాన్ని అధికారులు షిప్టు చేశారు. గత కొంతకాలంగా తార్నాకలోని డిస్ట్రిక్ కమర్షియల్ కాంప్లెక్స్‌లో కార్యకలాపాలు కొనసాగిస్తున్న హెచ్ఎండీఏ ఆఫీసును అమీర్‌పేటలోని స్వర్ణ జయంతి కాంప్లెక్స్‌లో మార్చేశారు అధికారులు. ఇక నుంచి స్వర్ణజయంతి కాంప్లెక్స్‌లోని రెండు, నాలుగు, ఐదు, ఏడో అంతస్థుల్లో హెచ్ఎండీ కార్యకలాపాలు నిర్వహించనున్నారు.

హెచ్ఎండీఏ వెబ్‌సైట్, మెయిల్ ఐడీ, ట్విట్టర్ లాంటి సోషల్ మీడియా అకౌంట్లలో ఎలాంటి మార్పులు ఉండవని… అథారిటీ ఆఫీసు అడ్రస్ మైత్రివనం పక్కనున్న స్వర్ణ జయంతి కాంప్లెక్స్‌కు మారిన విషయాన్ని ప్రజలు గమనించాలని హెచ్ఎండీఏ కమిషనర్ అరవింద్ కుమార్ తెలిపారు. ప్రస్తుతం తార్నాకలో కొనసాగుతున్న కార్యాలయం హైదబాదీలకు దూరంగా ఉందని, రాకపోకలకు అసౌకర్యంగా ఉందని ఫిర్యాదులు రావడంతో ఈ నిర్ణయం తీసుకున్నట్లు ఆయన తెలిపారు. ఇక వివిధ విభాగాల మధ్య సమన్వయం కుదరడం లేదని.. ఇటు, స్వర్ణ జయంతి కాంప్లెక్స్‌లో చాలా భాగం ఖాళీగా ఉండటంతో హెచ్ఎండీఏ హెడ్ ఆఫీసును అమీర్‌పేటకు తరలించాల్సి వచ్చినట్లు కమిషనర్ పేర్కొన్నారు. ఇక, స్వర్ణ జయంతి కాంప్లెక్స్ కార్యాలయ ఆధునికీకరణకు రూ.8 కోట్లు ఖర్చు చేసినట్లు సమాచారం.

1975లో ఏర్పాటైన హెచ్ఎండీఏ నాటి నుంచి 2008 వరకు బేగంపేటలోని పైగా ప్యాలెస్‌లో కార్యకలాపాలు కొనసాగాయి. 2008లో పైగా ప్యాలెస్‌ను అమెరికా కన్సులేట్‌కు అప్పగించారు. దీంతో మారేడ్‌పల్లిలోని మున్సిపల్ ఆఫీసు భవనంలోకి హెచ్ఎండీఏను మార్చారు. ఆ తర్వాత 2010 నుంచి ఇప్పటి వరకు తార్నాకలోని డిస్ట్రిక్ కమర్షియల్ కాంప్లెక్స్‌లో కార్యకలాపాలు కొనసాగిస్తున్నారు. హైదరాబాద్ మహానగరవాసులకు సొంతింటి వాళ్లను చేస్తున్న హెచ్ఎండీఏకే పక్కా భవనం లేకపోవడంపట్ల భాగ్యనగరవాసులు విస్మయం వ్యక్తం చేస్తున్నారు.

Related Tags