Breaking News
  • విశాఖలో లైట్‌మెట్రోకు డీపీఆర్‌లు రూపొందించాలని ఆదేశాలు. ఏఎంఆర్సీని ఆదేశిస్తూ ఉత్తర్వులు జారీ. 79.91 కిలోమీటర్ల మేర లైట్‌మెట్రోకు ప్రతిపాదనలు. డీఎంఆర్సీ, రైట్స్, యూఎంటీసీ నుంచి సలహాలు తీసుకోవాలని ఆదేశం. 60.2 కి.మీ. మోడ్రన్‌ ట్రామ్‌ కారిడార్స్ ఏర్పాటుకు డీపీఆర్‌లు. డీఎంఆర్సీ, రైట్స్, యూఎంటీసీల నుంచి డీపీఆర్‌లు ఆహ్వానించాలని ఆదేశం.
  • నిర్భయ దోషులను విడివిడిగా ఉరితీయాలంటూ.. సుప్రీంకోర్టులో పిటిషన్‌ దాఖలు చేసిన కేంద్ర హోంశాఖ. ఇప్పటికే తీర్పును రిజర్వ్‌ చేసిన సుప్రీంకోర్టు ధర్మాసనం. రేపు తీర్పు ఇవ్వనున్న జస్టిస్‌ భానుమతి నేతృత్వంలోని.. ముగ్గురు న్యాయమూర్తుల ధర్మాసనం.
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 5 గంటల సమయం. ఈరోజు శ్రీవారి హుండీ ఆదాయం రూ.2.67 కోట్లు. సాయంత్రం వరకు శ్రీవారిని దర్శించుకున్న 46,448 మంది భక్తులు.
  • విశాఖ: పాయకరావుపేటలో హెటిరో ఉద్యోగి ఒంటెద్దు రాజు ఉరి వేసుకుని ఆత్మహత్య, మృతుడు తూ.గో.జిల్లా పెదపట్నం లంక వాసి.
  • ఢిల్లీ చేరుకున్న ట్రంప్‌ దంపతులు. ఎయిర్‌పోర్ట్‌లో ట్రంప్‌ దంపతులకు ఘనస్వాగతం. ఐటీసీ మౌర్య హోటల్‌లో ట్రంప్‌ దంపతుల బస. ఢిల్లీలో భారీగా భద్రతా ఏర్పాట్లు. ట్రంప్‌ బస చేసిన హోటల్‌ దగ్గర పటిష్ట భద్రత.

వారెవ్వా.. తీర్పంటే ఇదే కదా ? ఆర్టీఐ పరిధిలోకి చీఫ్ జస్టిస్

supreme court sensational judgement, వారెవ్వా.. తీర్పంటే ఇదే కదా ? ఆర్టీఐ పరిధిలోకి చీఫ్ జస్టిస్

వరుస తీర్పులతో సంచలనం సృష్టిస్తున్న సుప్రీం కోర్టు బుధవారం మరో సంచలన తీర్పు వెలువరించింది. సుప్రీంకోర్టు వ్యవహారాలు కూడా పారదర్శకంగా వుండాలని తేల్చి చెప్పింది. సమాచార హక్కు చట్టం పరిధిలోకి సుప్రీంకోర్టు ప్రధాన న్యాయమూర్తి కార్యాలయం కూడా వస్తుందని బుధవారం అపెక్స్ కోర్టు తీర్పు చెప్పింది.

న్యాయవ్యవస్థ కూడా సమాచార హక్కు చట్టం పరిధిలోకి వస్తుందంటూ 2010లో ఢిల్లీ హైకోర్టు ఇచ్చిన తీర్పును చీఫ్ జస్టిస్ రంజయ్ గొగోయ్ సారథ్యంలో అయిదుగురు న్యాయమూర్తుల రాజ్యాంగ ధర్మాసనం సమర్థించింది. భారత న్యాయవ్యవస్థలోని అత్యున్నత న్యాయస్థానం సుప్రీం కోర్టుకు కూడా సమాచార హక్కు చట్టం వర్తిస్తుందని తేల్చి చెప్పింది సుప్రీంకోర్టు ధర్మాసనం.

2010లో ఢిల్లీ హైకోర్టు ఇచ్చిన తీర్పును హైలైట్ చేస్తూ..‘‘ చీఫ్ జస్టిస్ కార్యాలయం కూడా ప్రజలకు సంబంధించినదే.. సమాచారం హక్కు చట్టం, ప్రైవసీ చట్టం రెండు నాణేనికి బొమ్మా బొరుసు వంటివి ’’ అని బుధవారం రాజ్యాంగ ధర్మాసనం వ్యాఖ్యానించింది. ఢిల్లీ హైకోర్టు తీర్పుపై దాఖలైన పలు పిటిషన్లను సుప్రీంకోర్టు ధర్మాసనం విచారించింది. తీర్పును ఏప్రిల్ 4, 2019న రిజర్వు చేసింది.

తాజాగా చీఫ్ జస్టిస్ రంజన్ గొగోయ్ పదవీ విరమణ చేస్తున్న తరుణంలో ఈలోగా కీలకమైన కేసులను పరిష్కరించ తలపెట్టారు. అందులో భాగంగా ఏప్రిల్ 4న రిజర్వు చేసిన తీర్పును బుధవారం వెలువరించారు. దీంతో సమాచార చట్టానికి సుప్రీంకోర్టు కూడా అతీతం కాదని చాటింది సుప్రీంకోర్టు రాజ్యాంగ ధర్మాసనం.

Related Tags