Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

ధావన్, పంత్ బ్యాటింగ్‌పై.. నెటిజన్ల పంచ్‌లు!

Trolls On Pant And Dhawan Batting, ధావన్, పంత్ బ్యాటింగ్‌పై.. నెటిజన్ల పంచ్‌లు!

వెస్టిండీస్ పర్యటనలో పేలవ షాట్స్ ఆడి ఔటైన ఓపెనర్ శిఖర్ ధావన్, రిషబ్ పంత్‌పై నెటిజన్లు సోషల్ మీడియా వేదికగా విమర్శలు గుప్పిస్తున్నారు. నిన్న జరిగిన రెండో వన్డేలో ధావన్ (2: 3 బంతుల్లో), రిషబ్ పంత్ (20: 35 బంతుల్లో 2×4) చేజేతులా తమ వికెట్లను చేజార్చుకున్నారు.

మరోవైపు ఓపెనర్ శిఖర్ ధావన్ ఇటీవల జరిగిన టీ20 సిరీస్‌లో వరుసగా 1, 23, 3 పరుగులతో నిరాశపరిచిన విషయం తెలిసిందే. అటు మిస్టర్ కూల్ మహేంద్రసింగ్ ధోని స్థానంలో జట్టులోకి వచ్చిన రిషబ్ పంత్ ఆఖరి టీ20లో మెరిసినా.. రెండో వన్డేలో మళ్ళీ తేలిపోయాడు. దూకుడైన షాట్ కోసం ప్రయత్నించి బ్రాత్‌వైట్ బౌలింగ్‌లో క్లీన్‌బౌల్డ్ అయ్యాడు. దీనితో వీరిద్దరికి ఎన్నిసార్లు అవకాశాలు ఇచ్చినా వాటిని సద్వినియోగం చేసుకోలేకపోతున్నారు.. వారి స్థానంలో కొత్తవాళ్లకు అవకాశం ఇస్తే బాగుంటుందని నెటిజన్లు తమ అభిప్రాయాల్ని ట్విట్టర్ ద్వారా వ్యక్తం చేస్తున్నారు.