Breaking News
  • ఏపీ రాజధానిగా అమరావతిని గుర్తించిన సర్వే ఆఫ్‌ ఇండియా. జమ్ము-కశ్మీర్‌ విభజన తర్వాత విడుదల చేసిన కొత్త మ్యాప్‌లో ఏపీ రాజధానిగా ఏ నగరాన్ని చూపని సర్వే ఆఫ్‌ ఇండియా. తీవ్ర అభ్యంతరం వ్యక్తం చేసిన ఆంధ్రప్రదేశ్‌ ఎంపీలు. ఏపీ ప్రభుత్వం ఇచ్చిన పత్రాల ఆధారంగా అమరావతిని రాజధానిగా గుర్తిస్తూ కొత్తమ్యాప్‌ విడుదల చేసిన సర్వేఆఫ్‌ ఇండియా.
  • యాదాద్రి: బైక్‌ను ఢీకొన్న గూడ్స్‌ రైలు. భర్త రాంరెడ్డి మృతి, భార్య రాధకు తీవ్రగాయాలు. భువనగిరి మండలం రాయగిరి రైల్వేస్టేషన్‌ దగ్గర ఘటన.
  • పార్టీ మారతారన్న వార్తలపై స్పందించిన మంత్రి ఈటల. నేను పార్టీ మారను-మంత్రి ఈటల. గాలి వార్తలపై నేను స్పందించను. చెప్పే వాళ్లు ఎన్నైనా చెప్తారు-మంత్రి ఈటల.
  • సుజనాచౌదరి వ్యాఖ్యలకు మంత్రి మోపిదేవి కౌంటర్‌. గోడ దూకే ఎంపీలెవరూ వైసీపీలో లేరు. జగన్‌పై ఎంపీలు, ఎమ్మెల్యేలకు సంపూర్ణ విశ్వాసం ఉంది. తిరుమలను ఆర్ధిక వనరుగా భావించే ఆలోచన ప్రభుత్వానికి లేదు -మంత్రి మోపిదేవి వెంకటరమణ.
  • ఈ ప్రపంచంలో దేనికైనా రంగులు వేయొచ్చు కష్టానికి తప్ప. అమరావతిని అంతర్జాతీయ పటంలో పెట్టింది చంద్రబాబు. అమరావతిని చేర్చి సర్వే ఆఫ్‌ ఇండియా కొత్త మ్యాప్‌ విడుదల చేసేలా లోక్‌సభలో పోరాడిన గల్లా జయదేవ్‌కు అభినందనలు-ట్విట్టర్‌లో నారా లోకేష్‌

పోలవరంపై జగన్ సర్కార్ కు హైకోర్టు షాక్

Highcourt Suspended AP gen co-precloser orders on Polavaram project, పోలవరంపై జగన్ సర్కార్ కు హైకోర్టు షాక్

పోలవరం హైడల్ ప్రాజెక్టు పనుల అగ్రిమెంటును ఏపీ జెన్ కో రద్దు చేయడాన్ని సవాలు చేస్తూ నవయుగ సంస్థ దాఖలు చేసిన పిటిషన్ పై విచారించిన హైకోర్టు.. ఈ సంస్థకు అనుకూలంగా తీర్పునిచ్చింది. ఏపీ జెన్ కో జారీ చేసిన ప్రిక్లోజర్ ఉత్తర్వులను సస్పెండ్ చేసింది. టెండర్ ప్రక్రియపై ముందుకు వెళ్లరాదని ఏపీ ప్రభుత్వాన్ని ఆదేశించింది. ఈ ప్రాజెక్టు విషయంలో రివర్స్ టెండరింగ్ విధానంతో ముందుకు వెళ్లరాదని తన మధ్యంతర ఉత్తర్వుల్లో పేర్కొన్నకోర్టు-హైడల్ ప్రాజెక్టు రద్దు అంశంలో ప్రభుత్వ వాదనలను తోసిపుచ్చింది. ఈ పనులను ఇతరులకు అప్పగించకుండా నిలువరించాలని, తమనే కొనసాగించేలా ఉత్తర్వులు ఇవ్వాలని నవయుగ ఇంజనీరింగ్ సంస్థ తమ పిటిషన్ లో కోరిన సంగతి తెలిసిందే. ఏపీ జెన్ కో తో ఒప్పందం కుదుర్చుకున్నప్పటి నుంచి కాంట్రాక్ట్ విషయంలో తామెలాంటి ఉల్లంఘనలకు పాల్పడలేదని, ఈ ప్రాజెక్టుకు జెన్ కో సకాలంలో స్థలం చూపనందునే జాప్యం జరిగిందని ఈ సంస్థ వివరించింది. ఎలాంటి కారణం చూపకుండా ప్రభుత్వం కాంట్రాక్టును ఎలా రద్దు చేస్తుందని నవయుగ తరఫు లాయర్ ప్రశ్నించారు. 2021 నవంబరు వరకు తమకు గడువు ఉందన్నారు. కాగా-హైడల్ ప్రాజెక్టు విషయంలో మాత్రమే కోర్టు తీర్పునివ్వడంతో పోలవరం హెడ్ వర్క్స్ పనులకు అంతరాయం ఉండదని భావిస్తున్నారు. హెడ్ వర్క్స్ అంశంలో ప్రభుత్వం రివర్స్ టెండరింగ్ జారీ చేసి.. ముందుకు వెళ్లే అవకాశం ఉన్నట్టు తెలుస్తోంది. పోలవరం ప్రాజెక్టుకు సంబంధించి ఏపీ ప్రభుత్వం శనివారం నోటిఫికేషన్ జారీ చేసింది. 2015-16 ఎస్ ఎస్ ఎస్ ఆర్ ధరల ప్రకారం మొత్తం రూ. 4,900 కోట్ల మేర టెండర్లను ఆహ్వానించింది. హెడ్ వర్క్స్ కు రూ. 1800 కోట్లు, హైడల్ ప్రాజెక్టుకు రూ. 3,100 కోట్ల పనులకు రివర్స్ టెండర్లను ఆహ్వానించింది.