Breaking News
  • 'మా' అసోసియేషన్‌లో ముసలం. నిన్నటి నుంచి తెరుచుకోని ఆఫీస్‌ తలుపులు. అధ్యక్ష, కార్యదర్శుల మధ్య విభేదాలతో ఆఫీస్‌కు రాని సిబ్బంది. మాట్లాడేందుకు నిరాకరించిన కార్యవర్గ సభ్యులు.
  • బిల్లులపై చర్చ జరగకుండానే ఏపీ మండలి వాయిదా పడే అవకాశం. బిల్లుపై చర్చకు ఒప్పించేందుకు వైసీపీ సభ్యుల ప్రయత్నాలు. అంగీకరించని విపక్ష సభ్యులు. రూల్‌ 71పై చర్చ జరగాలని పట్టుబట్టిన విపక్ష సభ్యులు.
  • హైదరాబాద్‌: ధరమ్‌ కరం రోడ్‌లో పిచ్చికుక్కల స్వైరవిహారం. 10 మంది చిన్నారులకు తీవ్రగాయాలు, ఆస్పత్రికి తరలింపు.
  • తిరుమల: రథసప్తమి సందర్భంగా అన్ని ఏర్పాట్లు చేస్తున్నాం. రథసప్తమి సందర్భంగా శ్రీవారి ఆలయంలో ఆర్జిత సేవలు రద్దు. మాడ వీధుల్లో షెడ్లు ఏర్పాటు-టీటీడీ అడిషనల్ ఈవో ధర్మారెడ్డి.
  • హైదరాబాద్‌: రాష్ట్రంలో రాజకీయాలను డబ్బు శాసిస్తోంది. రాజ్యాధికారం సాధిస్తేనే విద్య, ఉద్యోగాలు వస్తాయి-లక్ష్మణ్‌. డబ్బుతో రాజకీయాలు నడపడం అప్రజాస్వామికం. దళితుల హక్కుల కోసం చేసే పోరాటంలో బీజేపీ ముందుంటుంది -తెలంగాణ బీజేపీ అధ్యక్షుడు లక్ష్మణ్‌.

బ్రేకింగ్: ‘దిశ’ నిందితుల అంత్యక్రియలకు హైకోర్టు మళ్లీ బ్రేక్

Disha Rape and Murder Case, బ్రేకింగ్: ‘దిశ’ నిందితుల అంత్యక్రియలకు హైకోర్టు మళ్లీ బ్రేక్

ఎన్‌కౌంటర్‌లో మరణించిన దిశ నిందితుల అంత్యక్రియలకు హైకోర్టు మళ్లీ బ్రేక్ వేసింది. ఈ కేసు విచారణను గురువారానికి వాయిదా వేసింది. అంతవరకు మృతదేహాలను గాంధీ ఆసుపత్రికి తరలించి, అక్కడ భద్రపరచాలని న్యాయస్థానం ఆదేశించింది. ఏసీ అంబులెన్స్‌లల్లో ఈ మృతదేహాలు తరలించాలని ఆదేశాలు జారీ చేసింది. ఇక ఎన్‌కౌంటర్‌పై విచారణకు హైకోర్టు తరపున ప్రత్యేక న్యాయవాదిగా మాజీ ఏజీ ప్రకాష్ రెడ్డిని హైకోర్ట్ నియమించింది. ఈ కేసుకు సంబంధించి బుధవారం సుప్రీం కోర్టులో విచారణ జరుగుతున్న నేపథ్యంలో.. హైకోర్టు గురువారానికి వాయిదా వేసింది.

కాగా దిశ హత్యాచారం కేసులో నిందితులను రిమాండ్‌లోకి తీసుకున్న పోలీసులు సీన్ రీకన్‌స్ట్రక్షన్ కోసం శుక్రవారం తెల్లవారుజామున దిశను కాల్చిన ప్రదేశానికి తీసుకొచ్చారు. ఆ సమయంలో నిందితులు, పోలీసుల మధ్య అనూహ్యంగా తలెత్తిన పరిస్థితుల నేపథ్యంలో ఎన్‌కౌంటర్‌ చోటుచేసింది. ఉదయం గం.5.45 నుంచి గం.6.15నిమిషాల మధ్య జరిగిన కాల్పుల్లో నలుగురు నిందితులు ప్రాణాలు కోల్పోయారు. ఆ తరువాత వారి మృతదేహాలను మహబూబ్‌నగర్ ఆసుపత్రికి తరలించగా.. డాక్టర్లు పోస్ట్‌మార్టం పూర్తి చేశారు. కానీ ఈ ఎన్‌కౌంటర్‌పై మహిళా సంఘాలు హైకోర్టును ఆశ్రయించడంతో అంత్యక్రియలకు ఆలస్యం అవుతూ వస్తోంది. ఇక తాజాగా హైకోర్టు ఇచ్చిన ఆదేశంతో నిందితుల మృతదేహాలను మహబూబ్ నగర్ ఆసుపత్రి నుంచి గాంధీ ఆసుపత్రికి తరలించనున్నారు.