Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

మాజీ ఎంపీ శివప్రసాద్.. సినీ, రాజకీయ ప్రస్థానం ఇదే..!

EX Mp Sivaprasad Movie Journey, మాజీ ఎంపీ శివప్రసాద్.. సినీ, రాజకీయ ప్రస్థానం ఇదే..!

గత కొద్ది కాలంగా కిడ్నీ సంబంధిత వ్యాధితో బాధపడుతున్న ప్రముఖ సీనియర్ నటుడు, మాజీ ఎంపీ శివప్రసాద్ ఇవాళ తుదిశ్వాస విడిచారు. ఏపీకి ప్రత్యేక హోదా కోసం పార్లమెంట్‌ ఆవరణలోని గాంధీ విగ్రహం వద్ద తనదైన శైలిలో వివిధ వేషధారణలతో వినూత్న నిరసనలు తెలిపారు. టీడీపీ సీనియర్ నేతగా పలు పదవులను దక్కించుకున్నారు. 2009, 2014లలో చిత్తూరు ఎంపీగా గెలుపొందారు. 1999-2004 మధ్యకాలంలో ఎమ్మెల్యేగా వ్యవహరించారు. 1999-2001 మధ్య ఉమ్మడి ఏపీ రాష్ట్ర సమాచార, సాంస్కృతిక శాఖ మంత్రిగా కూడా ఆయన పనిచేశారు.

డాక్టర్ వృత్తిలో ఉన్న ఆయన నటన మీద మోజుతో సీనీ రంగం వైపు అడుగులు వేశారు. నాటకరంగంలో వివిధ పాత్రలు వేసిన ఆయన ఖైదీ లాంటి హిట్ సినిమాలో జూనియర్ ఆర్టిస్ట్‌గా నటించారు. ఇక 1983 నుంచి 2013 వరకూ ముప్పైకి పైగా సినిమాల్లో ఆయన నటించారు.

యముడికి మొగుడు, జై చిరంజీవా, డేంజర్ వంటి యాక్షన్ సినిమాల్లోనూ.. యమగోల మళ్లీ మొదలైంది, కితకితలు, కుబేరులు, బ్రహ్మలోకం టు యమలోకం వయా భూలోకం వంటి కామెడీ చిత్రాల్లోనూ తనదైన శైలిలో ప్రేక్షకులను నవ్వించారు. విలన్ క్యారెక్టర్లలో కూడా ఆయన తనకు తానే సాటి అని నిరూపించుకున్నారు. నటుడిగానే కాకుండా అనేక నాటకాలకు కూడా ఆయన దర్శకత్వం వహించారు. సినిమాల్లో నటిస్తున్న సమయంలోనే.. మరో నాలుగు చిత్రాలకు శివప్రసాద్ దర్శకత్వం వహించారు.

శివప్రసాద్ దర్శకత్వం వహించిన సినిమాలు:
1. ప్రేమ తపస్సు
2. టోపీ రాజా స్వీటీ రోజా
3. ఇల్లాలు
4. కొక్కొరొక్కో