Breaking News
  • దిశ నిందితుల ఎన్‌కౌంటర్‌పై మహిళా సంఘాల అభ్యంతరం. ఎన్‌కౌంటర్‌కు వ్యతిరేకంగా హైకోర్టుకు లేఖ రాసిన మహిళా సంఘాలు. కస్టడీలో ఉన్న నిందితులను ఎలా ఎన్‌కౌంటర్‌ చేస్తారని లేఖ. కోర్టులో కేసు నడుస్తుండగా చట్టాన్ని ఎలా చేతుల్లోకి తీసుకుంటారు. ఎన్‌కౌంటర్‌ చేసిన వారిపై చర్యలు తీసుకునేలా డీజీపీని ఆదేశించాలి. మృత దేహాలకు ఫోరెన్సిక్‌ నిపుణులతో పోస్టుమార్టం చేయించాలి. పోస్టుమార్టం వీడియో తీయించాలి-లేఖలో మహిళా సంఘాలు. హైకోర్టు చీఫ్‌ జస్టిస్‌ అందుబాటులో లేకపోవడంతో సోమవారం విచారిస్తామన్న హైకోర్టు.
  • కేంద్రీయ సైనిక్‌ బోర్డ్‌కు పవన్‌కల్యాణ్‌ విరాళం. కోటి రూపాయలు విరాళం ప్రకటించిన పవన్‌కల్యాణ్‌. స్వయంగా ఢిల్లీ వెళ్లి డీడీ అందిస్తా-పవన్‌కల్యాణ్‌.
  • ఎన్‌కౌంటర్లు సమస్యకు పరిష్కారం కాదు-ట్విట్టర్‌లో ఆర్జీవీ. సమాజంలో ఉద్రేకాలను తగ్గించేందుకు ఎన్‌కౌంటర్లు దోహదం చేయొచ్చు-ట్విట్టర్‌లో రామ్‌గోపాల్‌వర్మ.
  • తూ.గో: ఆంధ్రా పాలిటెక్నిక్‌ కాలేజ్‌లో విద్యార్థులపై దాడి. విద్యార్థులపై దాడి చేసిన బయటి వ్యక్తులు. ఇద్దరు విద్యార్థులకు గాయాలు పోలీసులకు ఫిర్యాదు, కేసు నమోదు.
  • గుంటూరు: పిడుగురాళ్ల సబ్‌ రిజిస్ట్రార్‌ కార్యాలయంలో ఏసీబీ తనిఖీలు. లెక్కలు చూపని రూ.56,700 స్వాధీనం, కేసు నమోదు.
  • ధరల నియంత్రణలో ప్రభుత్వం విఫలమైంది-చంద్రబాబు ట్వీట్‌. ఉల్లి ధరలతో జనం అల్లాడుతుంటే దేశమంతా ధరలు పెరిగాయని వైసీపీ మంత్రులు చెప్పడం హాస్యాస్పదం-ట్విట్టర్‌లో చంద్రబాబు. ఆరు నెలల్లోనే రాష్ట్రాన్ని దళారుల రాజ్యంగా మార్చారు. ఒక్క ఉల్లి మాత్రమే కాదు.. నిత్యావసరాల ధరలన్నీ చుక్కలనంటాయి. రూ.5 వేల కోట్లతో ధరల స్థిరీకరణ నిధి అన్నారు.. ఏమైంది. ఉల్లి కోస్తే వచ్చే కన్నీళ్లు.. ఉల్లిని కొంటున్నప్పుడే వస్తున్నాయి. ఉల్లి ధరల తడాఖా ఏంటో స్థానిక సంస్థల్లో మహిళలు చూపిస్తారు -ట్విట్టర్‌లో చంద్రబాబు
  • మహబూబ్‌నగర్‌: దిశ నిందితుల మృతదేహాలకు పోస్ట్‌మార్టం పూర్తి. రాత్రికి మహబూబ్‌నగర్‌ ప్రభుత్వాస్పత్రిలోనే నిందితుల మృతదేహాలు. రేపు మహబూబ్‌నగర్ ఆస్పత్రికి వెళ్లనున్న ఎన్‌హెచ్ఆర్సీ ప్రతినిధులు. ఎన్‌హెచ్‌ఆర్సీ ప్రతినిధుల బృందం పరిశీలించిన తర్వాతే నిందితుల మృతదేహాలకు అంత్యక్రియలు. మహబూబ్‌నగర్‌ ప్రభుత్వాస్పత్రి దగ్గర భారీగా పోలీస్‌ బందోబస్తు.

సచివాలయ ఉద్యోగులకు స్ట్రిక్ట్ రూల్స్ .. బ్రేక్ చేస్తే..

Service Rules For Grama Sachivalayam Employees, సచివాలయ ఉద్యోగులకు స్ట్రిక్ట్ రూల్స్ .. బ్రేక్ చేస్తే..

ఏపీ ప్రభుత్వం ఎంతో ప్రతిష్టాత్మకంగా చేపట్టిన వార్డు సచివాలయ వ్యవస్థకు సంబంధించి మరో కీలక ఉత్తర్వులు జారీ అయ్యాయి. వివిధ కేటగిరీలుగా ఉద్యోగుల విభజన, సర్వీసు రూల్స్‌ను ఖరారు చేస్తూ పురపాలిక శాఖ కార్యదర్శి ప్రకటన విడుదల చేశారు. వార్డు సచివాలయ ఉద్యోగుల నియామకం, ప్రమోషన్స్‌తో పాటుగా జీతాల చెల్లింపు, క్రమశిక్షణ చర్యలు వంటి పలు అంశాలను పురపాలిక శాఖ సర్వీస్ నిబంధనల్లో పొందుపరిచారు.అంతేకాకుండా వార్డు సచివాలయ ఉద్యోగులు జిల్లా యూనిట్‌గా పని చేస్తారని చెప్పుకొచ్చారు.

మినిస్టీరియల్ విభాగం 1వ కేటగిరిలో ఉన్న వార్డు పరిపాలన కార్యదర్శి, 2వ కేటగిరిలోని వార్డు విద్య, డేటా ప్రాసెసింగ్ కార్యదర్శికి పురపాలిక శాఖ రీజనల్ డైరెక్టర్ అపాయింట్‌మెంట్ అధారిటీగా వ్యవహరిస్తారు. అటు ప్రజారోగ్య విభగంలోని 1వ కేటగిరి కిందకు వార్డు పారిశుధ్య కార్యదర్శి.. గ్రేడ్2గా పర్యావరణ కార్యదర్శి పరిగణలోకి వస్తారు. వీరి ఇరువురికి పురపాలిక శాఖ రీజనల్ డైరెక్టర్ అపాయింట్‌మెంట్ అథారిటీగా వ్యవహరిస్తారు. ఇలా ఇంజినీరింగ్ విభాగానికి ప్రజారోగ్య విభఙ్గమ్ సూపరింటెండెంట్ ఇంజినీర్ అపాయింట్‌మెంట్ ఆధారిటీగా.. టౌన్ ప్లానింగ్ విభగానికి రీజనల్ డిప్యూటీ డైరెక్టర్ అపాయింట్‌మెంట్ ఆధారిటీగా.. సంక్షేమం, అభివృద్ధి విభాగానికి పురపాలిక శాఖ రీజినల్ డైరెక్టర్ అపాయింట్‌మెంట్ ఆధారిటీగా వ్యవహరిస్తారు.

మరోవైపు ఏదైనా పంచాయతీని మున్సిపాలిటీ లేదా కొర్పొరేషన్‌లోకి విలీనం చేస్తే.. గ్రామ సచివాలయ ఉద్యోగులు దానికి సమ్మతిస్తే.. వారిని ఆ కార్పొరేషన్‌లోకి వార్డు సచివాలయ ఉద్యోగులుగా పరిగణలోకి తీసుకుంటారు లేదా.. మరో గ్రామ సచివాలయంలోకి వారిని నియమిస్తారు. అంతేకాకుండా వార్డు సచివాలయ ఉద్యోగులకు 010 పద్దు కింద జీతాలు ఇస్తారు.

ఇక ఈ ఉద్యోగుల సెలవులు, రుణాలు, అడ్వాన్సులన్నింటినీ కూడా మున్సిపల్ కమీషనర్ చూసుకుంటారు. అటు ఉద్యోగులు క్రమశిక్షణా రాహిత్యమైన చర్యలు చేస్తే.. వారిపై వేటు వేసే అధికారం కూడా కమీషనర్ చేతుల్లోనే ఉంది. ఉద్యోగి చేసిన తప్పిందాన్ని బట్టి ఆయన 6 నెలల నుంచి ఏడాది వరకు సస్పెండ్ చేయవచ్చు. ఇక వార్డు సచివాలయ ఉద్యోగులందరూ సీపీఎస్ పరిధిలోకి వస్తారు. కాగా, ఉద్యోగులు ఈ నిబంధనలు తప్పకుండా పాటించాలని సూచిస్తున్నారు.