Breaking News
  • టీవీ9 తో DME డా. రమేష్ రెడ్డి. ప్లాస్మా అనేది సంజీవని కాదని ఆల్ ఇండియా ఇన్స్టిట్యూట్ ఆఫ్ మెడికల్ సైన్సెస్ ఇప్పటికే ప్రకటించింది. ప్లాస్మా ట్రీట్ మెంట్ పై ఐసీఎంఆర్ ఇప్పటివరకు ఫైనల్ రిజల్ట్స్ ని అనౌన్స్ చేయలేదు. కొన్ని ప్రోటోకాల్స్ మాత్రమే ఇచ్చారు. గాంధీ లో 14 కేసులకు ప్లాస్మా ట్రీట్మెంట్ ట్రీట్మెంట్ ఇచ్చాము.. మంచి రిజల్ట్ వచ్చింది. ప్లాస్మా అనేది అవుట్స్టాండింగ్ ట్రీట్మెంట్లో include చేయాలా లేదా అనేది ఐ సి ఎం ఆర్ ఇంకా నిర్ధారించలేదు. ప్లాస్మా డోనర్స్ ముందుకు రావడం మంచి పరిణామం.
  • అమ‌రావ‌తి: రాష్ట్రంలో ఇద్ద‌రు ఐఏఎస్ అధికారుల పోస్టింగుల్లో మార్పులు. స‌మ‌గ్ర‌శిక్షా అభ‌యాన్ స్టేట్ ప్రాజెక్ట్ డైరెక్ట‌ర్ బాధ్య‌త‌ల నుంచి చిన‌వీర‌భ‌ద్రుడుని త‌ప్పించిన ప్ర‌భుత్వం. పాఠ‌శాల విద్యాశాఖ డైరెక్ట‌ర్ గా చిన‌వీర‌భ‌ద్రుడు నియామ‌కం,ప్ర‌స్తుతం ఇంచార్జిగా ఉన్న చిన‌వీర‌భ‌ద్రుడు. స‌మ‌గ్ర‌శిక్షా అభ‌యాన్ స్టేట్ ప్రాజెక్ట్ డైరెక్ట‌ర్ గా కె,వెట్రిసెల్వి నియామకం. ఇంగ్లీష్ మీడియం అమ‌లు ప్రాజెక్ట్ స్పెష‌ల్ ఆఫీస‌ర్ గా వెట్రిసెల్వికి పూర్తి అద‌న‌పు బాధ్య‌త‌లు.
  • ఏపీలో నూతన ఇండస్ట్రియల్ పాలసీ కి శ్రీకారం. ఇప్పటికే నూతన ఇండస్ట్రియల్ పాలసీ ని ఖరారు చేసిన సర్కార్ . సోమవారం పాలసీని లాంచ్ చేయనున్న పరిశ్రమల శాఖ మంత్రి మేకపాటి గౌతమ్ రెడ్డి.
  • ఈ ఏడాది సామూహిక నిమజ్జనం ఉండదు. దశల వారీ నిమజ్జనం. ప్రభుత్వానికి సహకరించాలి... కోవిడ్ నిబంధనలు పాటించాలి. ఎత్తు విషయంలో పోటీలకు పోకుండా.. చిన్న మండపాలు ఏర్పాటు చేసుకోవాలి. -- భాగ్యనగర్ గణేష్ ఉత్సవ సమితి.
  • కడపజిల్లాలో విషాదం. కమలాపురం మండలం యార్రగుడిపాడు గ్రామంలో అక్కచెల్లెళ్ల ఆత్మహత్యల్లో కొత్త కోణం. ముందురోజు ప్రొద్దుటూరులో తండ్రి బాబురెడ్డి చెట్టుకు ఉరేసుకుని ఆత్మహత్య. చనిపోయేముందు సెల్ఫీ వీడియో రికార్డ్ చేసిన బాబు రెడ్డి. తన చావుకు అల్లుడు సురేష్ రెడ్డి కారణమని సెల్ఫీ వీడియోలో చెప్పిన బాబు రెడ్డి. అల్లుడు పై చర్యలు తీసుకోవాలని కోరుతూ..తనకి న్యాయమూర్తి న్యాయం చేయాలని కోరుతూ సెల్ఫీ వీడియో. తన తండ్రి చావుకు కారణం తన భర్తేనని తెలిసి రైలుకింద పది కుమార్తె స్వేతా రెడ్డి ఆత్మహత్య. అక్క చనిపోయిందని చెల్లెలు ఇంజినీరింగ్ విద్యార్థిని సాయి ఆత్మహత్య. ఒకే కుటుంబంలో ముగ్గురు ఆత్మహత్య.
  • మొదలైన హీరో రానా దగ్గుబాటి మిహీక ల వివాహం. వేద మంత్రోచ్ఛారణ మధ్య 8.45 నిమిషాలకు వధువు మిహిక మెడలో తాళి కట్టనున్న వరుడు రానా. రామానాయుడు స్టూడియోలో వివాహ వేడుక . కరోనా నేపథ్యంలో కట్టుదిట్టమైన భద్రతా చర్యలు. స్టూడియోలో ప్రవేశించడానికి మై గేట్ యాప్ ద్వారా అనుమతి. వివాహ వేడుకలో 30మంది కి మించని కుటుంబ సభ్యులు మరియు నాగచైతన్య, సమంత.

మాకు కాలుష్యం..మీకు ప్యూరిఫయర్లు..అదిరిందయ్యా మోదీ జీ !

trolling against modi over delhi polution, మాకు కాలుష్యం..మీకు ప్యూరిఫయర్లు..అదిరిందయ్యా మోదీ జీ !

ప్రధాని నరేంద్ర మోదీపై సోషల్ మీడియాలో పొగడ్తలెన్నుంటాయో… విమర్శలు అదే స్థాయిలో వుంటాయి. ఒక్కోసారి విమర్శల శాతమే ఎక్కువగా కనిపిస్తుంది. తాజాగా ఢిల్లీ ఎయిర్ పొల్యూషన్ వరస్ట్ స్టేజికి చేరుకున్న నేపథ్యంలో మోదీపై సెటెర్ల జోరెక్కువైంది సోషల్ మీడియాలో. అది కూడా ట్విట్టర్ వేదికగా మోదీని తెగ విమర్శించేస్తున్నారు నెటిజన్లు. ఇంతకీ ఎందుకంటారా ? రీడ్ దిస్ స్టోరీ..

ఢిల్లీ కాలుష్యం పెను ప్రమాద ఘంటికలు మోగిస్తున్న సంగతి తెలిసిందే. ఒక్కోరోజు ప్రమాదస్థాయిని మించి పోతున్న కాలుష్యం కారణంగా ఢిల్లీ జనం అల్లాడిపోతున్నారు. కాలుష్యాన్ని నియంత్రించేందుకు సరి, బేసి వంటి పెద్దగా ఉపయోగపడని నిబంధనలను ఢిల్లీ ప్రభుత్వం అమల్లోకి తెస్తూనే వుంది. ఈ క్రమంలోనే ప్రధాని మోదీ కార్యాలయం కోసం ఎయిర్ ప్యూరిఫయర్లు కొనడం వివాదాస్పదమైంది. ఇందుకోసం ఏకంగా 36 లక్షల రూపాయలు వెచ్చించడంపై సోషల్ మీడియాలో తెగ ట్రోల్ అవుతోంది.

2018 మార్చిలో రాయిటర్స్ వెలువరించిన నివేదిక ఒకటి ఇటీవల వెలుగులోకి వచ్చింది. అందులో ప్రధాని మోదీ కార్యాలయంతోపాటు ఆరు కేంద్ర శాఖల కార్యాలయాల కోసం 36 లక్షల రూపాయలు వెచ్చించి ఎయిర్ ప్యూరిఫయర్లు కొనుగోలు చేసినట్లు పేర్కొనడంపై నెటిజన్లు సోషల్ మీడియాలో విమర్శలు గుప్పిస్తూ పోస్టులు పెడుతున్నారు. దీనికి కేంద్ర ఆర్థిక శాఖా మంత్రి హర్షవర్ధన్, మరో కేంద్ర మంత్రి ప్రకాశ్ జవదేకర్ చేసిన కామెంట్లు మరింత ఆజ్యం పోశాయి.

ఢిల్లీలో గాలి కాలుష్యాన్ని అధిగమించేందుకు ప్రజలంతా క్యారెట్లు ఎక్కువగా తినాలంటూ హర్షవర్ధన్ చేసిన చౌకబారు సూచనపై నెటిజన్ల సెటైర్లు ఎక్కువయ్యాయి. మరోవైపు ప్రకాశ్ జవదేకర్ మరో అడుగు ముందుకేసి పొద్దున్నే సంగీతం వింటూ నిద్ర లేస్తే.. ఎలాంటి గాలి కాలుష్యం ఏమీ చేయదని ప్రకాశ్ కామెంట్ చేశారు. ఈ ఇద్దరి కామెంట్లకు ప్యూరిఫయర్ల ఖర్చను జోడిస్తూ సోషల్ మీడియాలో పోస్టులతో అదరగొడుతున్నారు నెటిజన్లు.

అయితే.. ప్రధాని నేరుగా ఢిల్లీ కాలుష్యంపై కామెంట్లేమీ చేయకపోవడం గమనార్హం. పైగా ఢిల్లీ కాలుష్యానికి కారణమవుతున్న పంజాబ్, హర్యానా, యుపి రైతుల పంటల కాల్చివేత చర్యలను తగ్గించేందుకు మోదీ చర్యలకు ఉపక్రమించారు. పంటలను కోయగా మిగిలిన పొలాలను కాల్చి వేసేందుకు తగిన పనిముట్లను, పరికరాలను తక్షణం మూడు రాష్ట్రాల రైతులకు సరఫరా చేయాలని ప్రధాని.. వ్యవసాయ మంత్రిత్వ శాఖను ఆదేశించారు. అయితే.. నెటిజన్లు మాత్రం మోదీనే టార్గెట్ చేస్తుండడం మరోవైపు విమర్శలకు దారి తీస్తోంది.

Related Tags