Breaking News
  • ఢిల్లీ భారత్ లో విజృంభిస్తున్న కరోనా వైరస్.. దేశవ్యాప్తంగా కరోనా పాజిటివ్ కేసులు : 2,07615. దేశ వ్యాప్తంగా యాక్టీవ్ కేసులు: 100303. కరోనా నుంచి డిశ్చార్జ్ అయిన బాధితులు: 95526. దేశం మొత్తం కరోనా తో మృతుల సంఖ్య : 5,815. కేంద్ర ఆరోగ్య మంత్రిత్వ శాఖ.
  • విశాఖ: డాక్టర్ సుధాకర్ పై సీబీఐ కేసు. 353, 427, 506 సెక్షన్ల కింద కేసు నమోదు చేసిన సీబీఐ. ప్రభుత్వ ఉద్యోగి విధులకు ఆటంకం కలిగించడం అతనిపై దాడి చేయడం, సెల్ ఫోన్ పగుల గొట్టడం, బెదిరింపులకు దిగినట్టు డాక్టర్ సుధాకర్ పై అభియోగాలు.
  • తెలుగు రాష్ట్రాల విద్యుత్ ఉద్యోగుల విభజనపై సుప్రీం కోర్టులో విచారణ ఏపీ నుంచి తెలంగాణ కి రిలీవ్ అయిన ఉద్యోగులు దాఖలు చేసిన పిటిషన్ పై విచారణ జరిపిన ధర్మాసనం. మేము ఆంధ్రప్రదేశ్ రాష్ట్రానికి సంబంధించిన ఉద్యోగులం. కాబట్టి మేము ఆంధ్రప్రదేశ్ లోని పని చేయాలని కోరుకుంటున్నామని తెలిపిన ఉద్యోగులు.
  • వైద్య కళాశాలలను భయపెడుతున్న కరోనా. హైదరాబాద్ లో మూడు వైద్య కళాశాలల్లో బయటపడిన కరోనా పాజిటివ్ కేసులు. కరోనా పాజిటివ్స్ లో ఎక్కువ మంది హాస్టల్ విద్యార్థులు . అత్యవసర చర్యలు చేపట్టిన వైద్య కళాశాలలు.
  • టీవీ9 తో తెలంగాణ బోర్డ్ ఆఫ్ ఇంటర్మీడియట్ సెక్రటరీ 200 సయ్యద్ ఉమర్ జలీల్ లాక్‌డౌన్‌ నిబంధనల మధ్య జరిగిన ఇంటర్మీడియట్ ద్వితీయ సంవత్సర పరీక్షలు విజయవంతంగా ముగిశాయి. పరీక్షలు ఎలాంటి ఆటంకం లేకుండా జరిగాయి.
  • హైద్రాబాద్ లో భారీగా డ్రగ్స్ పట్టివేత . 70 గ్రాముల కొకెయిన్ పట్టుకున్న ఎక్సైజ్ అధికారులు . తిరుమలగిరి లో తరుణ్ , అమిత్ లను పట్టుకున్న అధికారులు . మాస్క్ లకోసం బెంగుళూర్ కు ఇంటర్స్టెట్ పాస్ తో వెళ్లిన యువకులు . బెంగుళూర్ లో నైజీరియన్ దగ్గర కోకయున్ తెచ్చుకున్న యువకులు.

ముంచెత్తుతున్న వాన.. రెండు తెలుగురాష్ట్రాల విలవిల

Heavy Rains, ముంచెత్తుతున్న వాన.. రెండు తెలుగురాష్ట్రాల విలవిల

ఏపీ, తెలంగాణ రాష్ట్రాల్లో భారీ వర్షాలు కురుస్తున్నాయి. గురువారం ఉదయం సుమారు 8 గంటలనుంచి శుక్రవారం ఉదయం దాదాపు ఎనిమిది గంటలవరకు కురిసిన కుంభవృష్టితో ఈ రాష్టాల్లో జనజీవనం అతలాకుతలమైంది. బంగాళాఖాతంలో ఏర్పడిన ఉపరితల ఆవర్తనం కారణంగా.. ప్రధాన నదులైన కృష్ణా, గోదావరి, ప్రాణహిత నదులు ఉప్పొంగి ప్రవహిస్తున్నాయి. కృష్ణా, తూర్పు, పశ్చిమగోదావరి జిల్లాల్లో వర్షాల కారణంగా తీవ్రంగా పంటల నష్టం జరిగింది. తూర్పు గోదావరి జిల్లాలో గోదావరితో బాటు శబరి నది కూడా పోటెత్తుతోంది. రాజమండ్రి వద్ద గోదావరి ఉధృతంగా ప్రవహిస్తోంది. ధవళేశ్వరం వద్ద నీటిమట్టం 10. 6 అడుగులకు పెరిగింది. అలాగే పోలవరం వద్ద గోదావరి ఉధృతి 12. 38 మీటర్లకు చేరుకుంది. ప్రాజెక్టు స్పిల్ వే లోకి భారీగా నీరు చేరడంతో ప్రాజెక్టు పనులకు అంతరాయం కలిగింది. మొత్తం 19 గిరిజన గ్రామాలకు రాకపోకలు నిలిచిపోయాయి.

ధవళేశ్వరం వద్ద నీటిమట్టం అంతకంతకు పెరుగుతుండడంతో.. 8. 53 లక్షల క్యూసెక్కుల నీటిని దిగువకు వదులుతున్నారు. కృష్ణమ్మ పరవళ్లతో జూరాలకు వరద ఉధృతి కొనసాగుతోంది. ఇన్ ఫ్లో 2. 47 లక్షలు కాగా… అవుట్ ఫ్లో 2. 19 లక్షల క్యూసెక్కులని అధికారులు తెలిపారు. ఆల్మట్టి వద్ద కృష్ణ ఉగ్రరూపం దాల్చింది. దీంతో 2. 30 లక్షల క్యూసెక్కుల నీటిని వదులుతున్నారు. శ్రీశైలం ప్రాజెక్టు లోకి వరద ఉధృతి పెరగడంతో రెండు లక్షల క్యూసెక్కులకు చేరింది. కాళేశ్వరం పుష్కర ఘాట్ల వద్ద గోదావరి 38 అడుగులకు చేరింది. మేడారం జంపన్న వాగు వద్ద కూడా నీటి మట్టం పెరిగింది.

ఇక తెలంగాణ కూడా ఇందుకు అతీతంగా లేదు. జయశంకర్ భూపాలపల్లి జిల్లా, ములుగు, భద్రాద్రి, కొత్తగూడెం, ఖమ్మం జిల్లా సత్తుపల్లి, ఏటూరు నాగారం, వరంగల్ గ్రామీణ జిల్లా, శాయంపేట, తదితర జిల్లాల్లో భారీ వర్షపాతం నమోదైంది. త్రివేణీ సంగమం కాళేశ్వరం వద్ద నీటి ఉధృతి పెరగడంతో మేడిగడ్డ బ్యారేజీ 65 గేట్లు ఎత్తి, 4. 67 లక్షల క్యూసెక్కుల నీటిని విడుదల చేశారు. అన్నారం బ్యారేజీ మూడు గేట్లను ఎత్తివేశారు. హైదరాబాద్ నగరంలో శుక్రవారమంతా ముసురు పట్టి చిరుజల్లులు కురిశాయి. శనివారం కూడా దాదాపు ఇదే పరిస్థితి నెలకొంది. దీంతో స్కూళ్లకు వెళ్లే విద్యార్థులు, కార్యాలయాలకు వెళ్లే ఉద్యోగులు ఇబ్బందులు పడ్డారు. అటు-ఆదివారం కూడా రెండు తెలుగు రాష్టాల్లో వర్షాలు పడే సూచనలున్నాయని వాతావరణ శాఖ హెచ్చరించింది.

Related Tags