జపాన్ను ముంచెత్తిన వర్షాలు…
Heavy rains flood Japan : కరోనాతో ఇబ్బందులు పడుతున్న ప్రపంచ దేశాలకు ఇప్పుడు వర్షాలు మరింత భయపెడుతున్నాయి. అయితే జపాన్ లో కరోనా ప్రభావం తక్కువగా ఉన్నప్పటికీ… జోరుగా కురుస్తున్న వర్షాలతో అక్కడి జనం భిక్కు బిక్కు మంటూ ఇంట్లోనే కాలం గడుపుతున్నారు. క్యుషూతోపాటు పలు ప్రధాన నగరాలు భారీగా కురుస్తున్న వర్షాలతో తడిసి ముద్దవుతున్నాయి. ఈ నేపథ్యంలో జపాన్ వాతావరణ విభాగం తీర ప్రాంతాలైన ఫ్యుకోకా, నాగసాకి, సాగాలకు ప్రమాద హెచ్చరికలు జారీచేసింది. ఇప్పటికే […]
Heavy rains flood Japan : కరోనాతో ఇబ్బందులు పడుతున్న ప్రపంచ దేశాలకు ఇప్పుడు వర్షాలు మరింత భయపెడుతున్నాయి. అయితే జపాన్ లో కరోనా ప్రభావం తక్కువగా ఉన్నప్పటికీ… జోరుగా కురుస్తున్న వర్షాలతో అక్కడి జనం భిక్కు బిక్కు మంటూ ఇంట్లోనే కాలం గడుపుతున్నారు. క్యుషూతోపాటు పలు ప్రధాన నగరాలు భారీగా కురుస్తున్న వర్షాలతో తడిసి ముద్దవుతున్నాయి. ఈ నేపథ్యంలో జపాన్ వాతావరణ విభాగం తీర ప్రాంతాలైన ఫ్యుకోకా, నాగసాకి, సాగాలకు ప్రమాద హెచ్చరికలు జారీచేసింది. ఇప్పటికే అక్కడి చాలా నగరాలు నీట మునిగిపోయాయి. వర్ష బీభత్సానికి కొన్ని చోట్ల కొండ చరియలు విరిగిపడ్డాయి. కుమా నది పొంగటంతో హితోయోషి పట్టణంలో ఇళ్లు, వాహనాలు అన్ని జలమయమయ్యాయి. ప్రజలు ఇళ్లపైకి ఎక్కి సహాయం కోసం ఎదురుచూస్తున్నారు. గత నెల రోజులుగా జపాన్లో ఇదే పరిస్థితి కనిపిస్తోంది.
కాగా, ఇప్పటికే వరదల బీభత్సానికి పలువురు గల్లంతయ్యారు. కుమామోటోలో 44 మంది మరణించారు. చాలా నగరాలు జలమయమయ్యాయి. భారీ వర్షాలకు తోడు బలమైన గాలులు వీస్తుండటంతో విద్యుత్ సరఫరాను నిలిపేశారు. దీంతో గత రెండు రోజులుగా చీకట్లో మగ్గాల్సిన పరిస్థితి ఏర్పడింది. పరిస్థితిని చక్కదిద్దేందుకు జపాన్ అధికార యంత్రాంగం తీవ్రంగా శ్రమిస్తున్నది. దీంతో అక్కడి ప్రజలను సురక్షిత ప్రాంతాలకు తరలిస్తున్నారు. కుమామోటో, మియాజాకి, కగోషిమా ప్రాంతాల నుంచి ఇప్పటికే 2,54,000 మందిని పునరావాస కేంద్రాలకు తరలించారు.