Breaking News
  • అమరావతి: ఏపీ జర్నలిస్ట్‌ అక్రిడేషన్ల అంశంపై హైకోర్టులో విచారణ. 2 వారాల్లో అక్రిడేషన్ల పునరుద్ధరణ చేయాలని ఆదేశం. పూర్తి వివరాలతో అఫిడవిట్‌ దాఖలు చేయాలన్న హైకోర్టు. తదుపరి విచారణను రెండు వారాలకు వాయిదా .
  • రేపు వరద ప్రాంతాల్లో కేంద్రమంత్రి కిషన్‌రెడ్డి పర్యటన. ఉ.9కు తార్నాకలోని మణికేశ్వర్‌నగర్‌లో పర్యటించనున్న కిషన్‌రెడ్డి . అనంతరం మెట్టుగూడ, అంకమ్మ బస్తీ, శ్యామలకుంట, ఓల్డ్‌ప్రేమ్‌నగర్‌.. నరేంద్రనగర్‌లోని ముంపు ప్రాంతాలను పరిశీలించనున్న కేంద్రమంత్రి. సా.5గంటలకు జీడిమెట్ల ఫాక్స్‌ సాగర్‌ చెరువు పరిశీలన.
  • అనంతపురం: వాహనాల అక్రమ రిజిస్ట్రేషన్‌ కేసు. కర్నాటక లోకాయుక్తలో ఎమ్మెల్యే పెద్దిరెడ్డి ఫిర్యాదుపై స్పందించిన జేసీ ప్రభాకర్‌రెడ్డి. వాహనాల రిజిస్ట్రేషన్ వ్యవహారంలో.. కర్నాటక అధికారులపై ఫిర్యాదు చేసినప్పుడు ఏపీలో ఎందుకు చేయలేదని ప్రశ్న . చట్టం మీ చేతుల్లో ఉందని మమ్మల్ని అక్రమంగా అరెస్ట్‌ చేస్తారా. బీఎస్‌3 కన్నా ముందున్న వాహనాలు రోడ్లపై తిరుగుతున్నాయి. రాష్ట్రంలో లా అండ్‌ ఆర్డర్‌ పనిచేయడం లేదు. చట్టం తమ చేతుల్లో ఉందని ఇష్టమొచ్చినట్టు కేసులు పెడుతున్నారు. ఎన్ని కేసులు పెట్టినా మరోసారి జైలుకు వెళ్లేందుకు కూడా సిద్ధం-తాడిపత్రి మాజీ ఎమ్మెల్యే జేసీ ప్రభాకర్‌రెడ్డి.
  • విజయవాడ: దుర్గగుడి అభివృద్ధికి రూ.70 కోట్లు కేటాయించిన సీఎం జగన్‌కు ధన్యవాదాలు తెలిపిన మంత్రి వెల్లంపల్లి, దేవాలయాల అభివృద్ధి పట్ల సీఎం జగన్‌ చిత్తశుద్ధికి ఇది నిదర్శనం-వెల్లంపల్లి.
  • హైదరబాద్: వరదల్లో ఇంటర్మీడియట్‌ సర్టిఫికెట్లు కోల్పోయిన విద్యార్థులకు సర్టిఫికెట్లు జారీ, డూప్లికేట్‌ మెమోరాండం ఆఫ్‌ మార్క్స్‌ కోసం వెబ్‌సైట్‌లో ఆన్‌లైన్‌లో దరఖాస్తు చేసుకోవచ్చు-ఇంటర్మీడియట్‌ బోర్డ్‌, సయ్యద్‌ ఉమర్‌ జలీల్‌.
  • అమరావతి: పశ్చిమ మధ్య బంగాళాఖాతంలో కొనసాగుతున్న తీవ్ర అల్పపీడనం. రానున్న 24 గంటల్లో వాయువ్య దిశగా ప్రయాణించి వాయుగుండంగా మారే అవకాశం. తీవ్ర అల్పపీడనానికి అనుబంధంగా కొనసాగుతున్న ఉపరితల ఆవర్తనం . రాష్ట్రంలో ఉరుములు, మెరుపులతో కూడిన మోస్తరు వర్షాలు. -అమరావతి వాతావరణ కేంద్రం.
  • తుళ్లూరు రిటైర్డ్‌ తహశీల్దార్‌ సుధీర్‌బాబు క్వాష్‌ పిటిషన్‌ కొట్టివేత. రాజధాని అసైన్డ్‌ భూముల కుంభకోణంలో సుధీర్‌బాబుపై సీఐడీ కేసు. ఎఫ్‌ఐఆర్‌ను కొట్టేయాలని ఏపీ హైకోర్టులో సుధీర్‌బాబు పిటిషన్‌. సుధీర్‌బాబుతో పాటు విజయవాడకు చెందిన సురేష్‌ అరెస్ట్‌.

కనీవినీ ఎరుగని స్థాయిలో మూసీ మహోగ్రరూపం

మూసీ నది మహోగ్రరూపం దాల్చింది. ఎన్నడూ లేనంతంగా ఉప్పొంగి ప్రవహిస్తోంది. కనీవినీ ఎరుగని స్థాయిలో భారీగా వరదనీరు పోటెత్తింది. ప్రాజెక్ట్‌ చరిత్రలోనే 2 లక్షల 36 వేల క్యూసెక్కుల వరద వచ్చి చేరింది. దీంతో పరివాహక ప్రాంతాలన్నీ నీటమునిగాయి.

musi river, కనీవినీ ఎరుగని స్థాయిలో మూసీ మహోగ్రరూపం

Musi River : మూసీ నది మహోగ్రరూపం దాల్చింది. ఎన్నడూ లేనంతంగా ఉప్పొంగి ప్రవహిస్తోంది. కనీవినీ ఎరుగని స్థాయిలో భారీగా వరదనీరు పోటెత్తింది. ప్రాజెక్ట్‌ చరిత్రలోనే 2 లక్షల 36 వేల క్యూసెక్కుల వరద వచ్చి చేరింది. దీంతో పరివాహక ప్రాంతాలన్నీ నీటమునిగాయి. ఇళ్లు, భారీ వాహనాలు, కార్లు, బైకులు ట్రాన్స్‌ఫార్మర్లు పెద్ద సంఖ్యలో వరద ప్రవాహంలో కొట్టుకుపోయాయి. పరివాహక ప్రాంత ప్రజలకు కన్నీటిని మిగిల్చింది మూసీ.

1963లో మూసీపై నిర్మించిన ఈ ప్రాజెక్టుకు..1983లో అత్యధికంగా 2లక్షల 26వేల క్యూసెక్కుల వరద వచ్చింది. గతేడాది 40వేల క్యూసెక్కుల వరద వస్తేనే గేట్ల నిర్వహణలో చాలా ఇబ్బందులొచ్చాయి. కానీ ఈ ఏడాది 2లక్షల 36వేల క్యూసెక్కుల వరదనీరు పోటెత్తింది. హైదరాబాద్‌ చుట్టుపక్కల కురిసిన భారీ వర్షాలు, ఆలేరు వాగుకొచ్చిన వరదతో మూసీ ఉప్పొంగింది. దీనికితోడు హిమాయత్‌సాగర్‌ జలాశయం 13 గేట్లను ఎత్తడంతో భారీగా వరద వచ్చి చేరింది. 4.46 టీఎంసీల నిల్వ సామర్థ్యం గల ఈ ప్రాజెక్ట్‌ పూర్తిస్థాయి నీటిమట్టం 645 అడుగులు కాగా..647అడుగుల వరకు నీటిని నిల్వ చేశారు.

ఇక మూసీ ప్రాజెక్ట్‌ నిర్మాణ సమయంలో 30 గేట్లను అమర్చారు. ఐతే నిర్వహణ ఇబ్బందిగా మారుతోందని 1990లో 10 గేట్లను కాంక్రీట్‌తో మూసివేసింది ప్రభుత్వం. ప్రస్తుతం వరద పెరగడంతో అతి కష్టం మీద 13 గేట్లను ఎత్తి నీటిని దిగువకు వదిలారు. నిర్వహణ సమస్యలతో 7 గేట్లు ఎత్తడానికి అసలు అవకాశమే లేకుండా పోయింది. భారీ వరదతో డ్యాంకు ఏం జరుగుతుందో అన్న ఆందోళన వ్యక్తమవుతోంది.

మూసీ పరివాహక ప్రాంతంలో 24 గంటల్లో 20 నుంచి 25 సెంటీమీటర్ల వరకు వర్షపాతం నమోదైంది. ఆ నీరంతా ఒక్కసారిగా మూసీలోకి పోటెత్తడంతో చుట్టుపక్కల ప్రాంతాలన్నీ నీట మునిగాయి. ఉప్పుల్‌ నల్లచెరువు కట్ట తెగటంతో ఆ నీరు నేరుగా మూసీలో కలుస్తోంది. ఇటు ప్రతాస్‌ సింగారం, గౌరవెల్లి, బండరావిరాల, అనంతారం, రుద్రవెల్లి, భూదాన్‌ పోచంపల్లిలోని చాలా చోట్ల మూసీపరివాహక ప్రాంతాలూ పూర్తిగా మునిగిపోయాయి. చిన్న రావులపల్లి -భట్టుగూడెం దగ్గర బ్రిడ్జ్‌ నీట మునిగింది. దీంతో మూసీకి ఇరువైపులా అనేక ప్రాంతాలు ముంపుకు గురయ్యాయి.

గువ్వలేడు సమీపంలో మూసీ నది ఉధృతంగా ప్రవహిస్తోంది. నదీ తీరాన నిర్మించిన గంగమ్మగుడి పూర్తిగా నీట మునిగింది. ఇటు రుద్రవల్లి దగ్గర కూడా మూసీనది ఉగ్రరూపం దాల్చింది. మూసీనదీలో గతంలో ఎప్పుడూ ఇలాంటి ప్రవహాహాన్ని చూడలేదని స్థానికులు చెబుతున్నారు. ఇటు వరిచేలు కోతకు వచ్చిన దశలో కురిసిన కుంభవృష్టికి మూసీ ఆయకట్టులోని చాలా చోట్ల వరిచేలు పూర్తిగా దెబ్బతిన్నాయి. దీంతో రైతులు బోరున విలపిస్తున్నారు.

Related Tags