Beauty Tips: వయసు పెరిగినా అందంగా కనిపించాలంటే.. మీ డైట్లో ఈ ఆహారాన్ని చేర్చుకోండి
లబై ఏళ్ల వయసు దాటారంటే ముఖంపై వృద్ధాప్య ఛాయలు కనిపిస్తాయి. చర్మం వదులుగా మారడం ప్రారంభమవుతుంది. కొందరికి కళ్ల చుట్టూ ముడతలు ఏర్పడుతాయి. మీరు ఈ వయస్సు ప్రభావాన్ని
వయసు పెరిగేకొద్ది.. మనిషి సౌందర్యం తగ్గుతుంది. యవ్వనంలో ఉన్నట్లు వృద్దాప్యంలో ఉండలేరు. సాధారణంగా వయసు పెరిగేకొద్దీ ముఖంపై ముడతలు వస్తుంటాయి. కొంతమంది తమ సౌందర్యాన్ని కాపాడుకునేందుకు అనేక రకాల క్రీములను, మరికొంతమంది సహజమైన పదార్థాలను వాడుతూ ఉంటారు. ఫలితం మాత్రం అందరికీ ఒకేలా ఉండదు. వయసు పెరిగినా కొంతమంది మాత్రం ఎంతో అందంగా కనిపిస్తుంటారు. వారిని చూసి కొన్ని సందర్భాల్లో వయసును అంచనావేయలేం. సౌందర్యానికి ప్రాధాన్యత ఇచ్చేవారు తప్పకుండా కొన్ని జాగ్రత్తలు పాటించాల్సి ఉంటుంది. అలా చేసినప్పుడే సరైన ఫలితం దక్కుతుంది. నలబై ఏళ్ల వయసు దాటారంటే ముఖంపై వృద్ధాప్య ఛాయలు కనిపిస్తాయి. చర్మం వదులుగా మారడం ప్రారంభమవుతుంది. కొందరికి కళ్ల చుట్టూ ముడతలు ఏర్పడుతాయి. మీరు ఈ వయస్సు ప్రభావాన్ని తొలగించాలనుకుంటే కొన్ని ఆహారాలని డైట్లో చేర్చుకోవాలి. మంచి పోషకాహారం తీసుకోవాలి. తద్వారా చర్మం సహజమైన మెరుపును పొందుతుంది. వయస్సు ప్రభావాన్ని తగ్గించే ఐదు ఆహార పదార్థాల గురించి తెలుసుకుందాం.
గ్రీన్ టీ
గ్రీన్ టీలో యాంటీ ఆక్సిడెంట్లు పుష్కలంగా ఉంటాయి. ఇది మీ శరీరంలోని అదనపు కొవ్వును తగ్గిస్తుంది. చర్మాన్ని మెరిసేలా చేస్తుంది. రోజూ కనీసం రెండు మూడు సార్లు టీకి బదులు గ్రీన్ టీ తాగాలి. అయితే టీ, కాఫీలకు పూర్తిగా దూరంగా ఉండాలి. గ్రీన్ టీలో చక్కెర లేదా పాలు ఉపయోగించవద్దు.
టమోటా
టమోటాలలో లైకోపీన్ ఉంటుంది. ఇది ఒక శక్తివంతమైన యాంటీఆక్సిడెంట్. ఇది కణాలను దెబ్బతినకుండా రక్షించడంలో సహాయపడుతుంది. ఇది సూర్యుడి నుంచి వచ్చే అతినీలలోహిత కిరణాల వల్ల కలిగే నష్టం నుంచి చర్మాన్ని కాపాడుతుంది. నిత్యం టొమాటో రసాన్ని ముఖానికి అప్లై చేస్తే మంచి ఫలితాలు ఉంటాయి.
ఒమేగా-3 రిచ్ ఫుడ్
వాల్ నట్స్, ఫ్లాక్స్ సీడ్, సోయాబీన్, క్యాలీఫ్లవర్, సాల్మన్ ఫిష్, ట్యూనా ఫిష్, గుడ్లు మొదలైన వాటిలో ఒమేగా-3 ఫ్యాటీ యాసిడ్స్ ఉంటాయి. ఇవి మీ చర్మాన్ని ఆరోగ్యంగా ఉంచుతాయి. ముడతల సమస్యను తొలగించి చర్మాన్ని బిగుతుగా చేస్తాయి. వీటిని ఆహారంలో చేర్చుకుంటే ఎక్కువ కాలం యవ్వనంగా ఉండొచ్చు.
మొలకెత్తిన ధాన్యాలు
శనగలు, గోధుమలు, సోయాబీన్ మొదలైన వాటిని మొలకెత్తిన తర్వాత రోజూ తినాలి. ఈ ఆహారాలు మీ శరీరంలోని ప్రోటీన్, ఐరన్, కాల్షియం, విటమిన్లు, మినరల్స్ వంటి అన్ని పోషకాల లోపాన్ని తొలగిస్తాయి. వీటిని తినడం వల్ల శరీరం ఆరోగ్యంగా ఉంటుంది. చర్మం తాజాగా ఉంటుంది.
నీరు
నీరు మీకు సాధారణ విషయంగా అనిపించవచ్చు కానీ మీ శరీరం, చర్మాన్ని హైడ్రేట్గా ఉంచుతుంది. శరీరంలోని టాక్సిన్ ఎలిమెంట్స్ బయటకు రావడం వల్ల చర్మంపై మెరుపు వస్తుంది. శరీరం అన్ని రోగాలకి దూరంగా ఉంటుంది. చర్మం లోపల నుంచి గ్లో తీసుకొస్తుంది.
నోట్: ఈ వార్తలోని అంశాలు సమాచారం కోసం మాత్రమే.. మరిన్ని సందేహల నివృత్తి కోసం వైద్య నిపుణులను సంప్రదించాలి.
మరిన్ని హెల్త్ వార్తల కోసం ఇక్కడ క్లిక్ చేయండి