Telugu News Health Health care tips these foods can keep you hydrated if you drink less water in winter season
Health Care Tips: రోజూ నీరు తక్కువ తాగుతున్నారా..? అయితే.. హైడ్రేటెడ్గా ఉండేందుకు ఇవి తప్పనిసరిగా తీసుకోండి..
Hydrated Food and Drinks: మనం ఆరోగ్యవంతంగా ఉండాలంటే ఎక్కువ నీరు తాగడం చాలా ముఖ్యం. ఎక్కువ నీరు తాగడం వల్ల అనేక వ్యాధుల దూరమవుతాయి. కానీ చాలా మంది చలికాలంలో తక్కువ నీరు తాగే అలవాటు ఉంటుంది. శరీరంలో నీటి కొరతను తగ్గించేందుకు ఇతర మార్గాలను అనుసరించడం మేలంటున్నారు నిపుణులు. మీరు హైడ్రేటెడ్గా ఉంచడంలో సహాయపడే ఇతర మార్గాల గురించి ఇప్పుడు తెలుసుకుందాం..
Water
Follow us
కొబ్బరి నీళ్ళు: నిత్యం మీరు ఎక్కువ నీరు తాగలేకపోతే.. రోజుకు ఒక కొబ్బరికాయ నీరు అయినా తాగాలి. దీంతో శరీరంలో నీటి కొరత చాలా వరకు తీరుతుంది. కొబ్బరి నీరు ప్రత్యేకత ఏమిటంటే.. ఇది శరీరాన్ని హైడ్రేటెడ్గా ఉంచుతుంది. అలాగే శరీరంలోని అనేక వ్యాధులను దూరం చేస్తుంది.
బచ్చలికూర: బచ్చలికూరలో 92 శాతం నీరుతోపాటు కేలరీలు కూడా పుష్కలంగా ఉంటాయి. ఇందులో ఉండే విటమిన్లు, మినరల్స్ శరీరాన్ని ఆరోగ్యంగా ఉంచడంలో కీలకపాత్ర పోషిస్తాయి. పాలకూర, బచ్చలికూర కూర లేదా దాని సూప్ తాగడం ద్వారా మీరు హైడ్రేటెడ్గా ఉండవచ్చు.
పాలు: ఇందులో ఎక్కువ భాగం నీరు ఉంటుంది. రోజూ ఒక గ్లాసు పాలు తాగినా హైడ్రేటెడ్ గా ఉండవచ్చు. పాలలో ఉండే కార్బోహైడ్రేట్, కాల్షియం, ప్రొటీన్ల కారణంగా వైద్యులు దీనిని క్రమం తప్పకుండా తాగాలని సిఫార్సు చేస్తున్నారు.
అరటిపండు: ఇందులోని పొటాషియం, మినరల్స్ శరీరానికి పుష్కలంగా లభిస్తాయి. అవి ఎలక్ట్రోలైట్లుగా పనిచేస్తాయి. ఈ ఎలక్ట్రోలైట్స్ సహాయంతో శరీరాన్ని హైడ్రేటెడ్ గా ఉంచుకోవచ్చు.
టామాట: దీనిని తీసుకోవడం ద్వారా.. మీరు చాలా కాలం పాటు హైడ్రేటెడ్ గా ఉండగలరు. ఎందుకంటే ఇందులో దాదాపు 94 శాతం నీరు ఉంటుంది. ఇందులో ఉండే యాంటీ ఆక్సిడెంట్లు ఆరోగ్యంగా ఉండేందుకు సహాయపడతాయి. మీరు సలాడ్ లేదా సూప్ రూపంలో మీ ఆహారంలో టమోటాను భాగం చేసుకోవచ్చు.