ఏం కాదులే అనుకుంటే డేంజర్ జోన్‌లోకి.. శరీరంలో ఈ ఆకస్మిక మార్పులు కనిపిస్తే అలర్టవ్వాల్సిందే..

ప్రస్తుత కాలంలో ఎన్నో అనారోగ్య సమస్యలు వెంటాడుతున్నాయి.. ఇలాంటి తరుణంలో ఆరోగ్యాన్ని కాపాడుకునేందుకు చర్యలు తీసుకోవడం ఉత్తమం.. అయితే.. చాలా మందిని వేధించే సమస్యల్లో కిడ్నీల సమస్య ఒకటి.. మూత్రపిండాలు (కిడ్నీలు) ఎన్నో విధులను నిర్వహిస్తాయి.. రక్తాన్ని ఫిల్టర్ చేసి వ్యర్థాలను, అదనపు నీటిని మూత్రం ద్వారా బయటకు పంపుతాయి.. ఎలక్ట్రోలైట్ స్థాయిలను (సోడియం, పొటాషియం) నియంత్రిస్తాయి.. అంతేకాకుండా రక్తపోటు (బ్లడ్ ప్రెజర్) ను స్థిరపరుస్తాయి.. అంతేకాకుండా ఎర్ర రక్త కణాల ఉత్పత్తికి సహాయపడతాయి. ఇవి శరీరంలో ద్రవ సమతుల్యతను కాపాడుతూ మొత్తం ఆరోగ్యాన్ని నిర్వహిస్తాయి.. అయితే.. మొదటగా.. మూత్రపిండాల సమస్యలు మూత్రంలో మార్పులకు కారణమవుతాయి.. ఉదాహరణకు తరచుగా మూత్ర విసర్జన చేయడం, మూత్రం రంగులో మార్పులు, మూత్ర విసర్జన సమయంలో నొప్పి. మూత్రంతో పాటు, శరీరంలోని ఇతర భాగాలలో కూడా మూత్రపిండాలు దెబ్బతిన్న లక్షణాలు కనిపిస్తాయి. ఈ లక్షణాలను గుర్తించడం వల్ల మూత్రపిండాల సమస్యలను నివారించవచ్చంటున్నారు ఆరోగ్య నిపుణులు..

చర్మం పొడిబారడం – దురద:

మూత్రపిండాలు శరీరం నుండి విషాన్ని తొలగించి శరీర ఖనిజ సమతుల్యతను కాపాడుకోవడానికి పనిచేస్తాయి. అయితే, మూత్రపిండాలు ఏదైనా సమస్యను ఎదుర్కొన్నప్పుడు, రక్తంలో విషం పేరుకుపోవడం ప్రారంభమవుతుంది. దీని వలన చర్మం పొడిబారడం – దురద వస్తుంది.

కళ్ళు – పాదాలలో వాపు:

మూత్రపిండాల సమస్యలు శరీరంలో సోడియం, నీరు పేరుకుపోవడానికి కారణమవుతాయి. ఈ పరిస్థితిని ఎడెమా అంటారు. కళ్ళ చుట్టూ వాపు, ముఖ్యంగా ఉదయం, మూత్రపిండాల వ్యాధికి సంకేతం కావచ్చు. చీలమండలు, కాలి వేళ్ళలో వాపు కూడా మూత్రపిండాల వ్యాధికి సంకేతం కావచ్చు.

అలసట – నిద్ర లేకపోవడం:

మూత్రపిండాల వైఫల్యం హార్మోన్ల ఉత్పత్తిని కూడా ప్రభావితం చేస్తుంది. ఇది రక్తహీనతకు దారితీస్తుంది. రక్తహీనత అలసట – బలహీనతకు కారణమవుతుంది. రక్తంలో విషపదార్థాలు పేరుకుపోవడం కూడా నిద్రలేమికి దారితీస్తుంది.

మరిన్ని హెల్త్ వార్తల కోసం ఇక్కడ క్లిక్ చేయండి..