Breaking News
  • ఏపీ సీఎం జగన్‌ను కలిసిన మహారాష్ట్ర హోంశాఖ మంత్రి అనిల్‌ దేశ్‌ముఖ్‌. దిశ చట్టంపై జగన్‌ను అభినందించిన అనిల్‌ దేశ్‌ముఖ్‌. మహారాష్ట్రలో దిశ చట్టం అమలుకు పరిశీలిస్తామన్న దేశ్‌ముఖ్‌.
  • చెన్నై ఎయిర్‌పోర్ట్‌లో భారీగా పట్టుబడ్డ బంగారం. 12.5 కిలోల బంగారాన్ని స్వాధీనం చేసుకున్న కస్టమ్స్‌ అధికారులు. పట్టుబడ్డ బంగారం విలువ రూ.5.44 కోట్లు ఉంటుందని అంచనా. మలేషియా, సింగపూర్‌ నుంచి బంగారం తరలిస్తున్నట్టు గుర్తింపు. 18 మందిని అదుపులోకి తీసుకుని విచారిస్తున్న అధికారులు.
  • స్థానిక ఎన్నికల్లో పోటీపై పురంధేశ్వరి నేతృత్వంలో కమిటీ వేశాం. రాజధాని అమరావతిలోనే ఉండేలా కార్యాచరణ ప్రకటిస్తాం-కన్నా. ఎంపీల గైర్హాజరును పెద్దది చేయాల్సిన అవసరం లేదు. వారివారి వ్యక్తిగత కారణాలతో రాలేమని ముందే చెప్పారు. ఏపీ బీజేపీ అధ్యక్షుడి మార్పు గురించి నాకు సమాచారం లేదు. ఈనెల 25లోగా టీఎస్‌ కొత్త అధ్యక్షుడిపై స్పష్టత వస్తుంది. -ఏపీ బీజేపీ అధ్యక్షుడు కన్నా లక్ష్మీనారాయణ.
  • ఢిల్లీ: షాహిన్‌బాగ్‌లో ఆందోళనకారులతో మధ్యవర్తుల చర్చలు. ఎటూ తేలకుండానే రెండో రోజు ముగిసిన చర్చలు. ఆందోళనలు విరమించాలని షాహిన్‌బాగ్‌ వాసులను కోరిన మధ్యవర్తులు. సీఏఏను రద్దు చేసే వరకు ఉద్యమం కొనసాగుతుందన్న ఆందోళనకారులు. నిరసనలు చేసుకోవచ్చు కానీ ప్రజలను ఇబ్బంది పెట్టొద్దన్న మధ్యవర్తులు. లేదంటే సుప్రీంకోర్టు జోక్యం చేసుకుంటుందన్న మధ్యవర్తులు.
  • ఏపీ బీజేపీ అధ్యక్ష రేసులో నేను లేను.. అది కేంద్ర నిర్ణయం. మాకు ఎవరితోనూ పొత్తు లేదు.. జనసేనతో మాత్రమే మా పొత్తు -మాజీ కేంద్రమంత్రి పురంధేశ్వరి.
  • విజయవాడ: వివేకానందరెడ్డి హత్యకేసుపై హైకోర్టులో విచారణ. విచారణ సోమవారానికి వాయిదా వేసిన హైకోర్టు.

మెగాస్టార్ 152పై క్లూ ఇచ్చిన రామ్ చరణ్..?

Ram Charan visits Koratala Siva office, మెగాస్టార్ 152పై క్లూ ఇచ్చిన రామ్ చరణ్..?

సైరాతో తన డ్రీమ్‌ను నెరవేర్చుకోవడంతో పాటు తన కెరీర్‌లో గుర్తుండిపోయే సినిమాను ఖాతాలో వేసుకున్నారు మెగాస్టార్ చిరంజీవి. ఇక ఇప్పుడు ఆయన 152 సినిమాకు సిద్ధమవుతున్నారు. టాప్ దర్శకుడు కొరటాల శివ ఈ సినిమాకు దర్శకత్వం వహిస్తుండగా.. రామ్ చరణ్, మ్యాట్నీ ఎంటర్‌టైన్‌మెంట్స్ సంయుక్తంగా ఈ క్రేజీ ప్రాజెక్ట్‌ను నిర్మిస్తోంది. ప్రస్తుతం ఈ మూవీకి ప్రీ ప్రొడక్షన్ పనులు జరుగుతుండగా.. నవంబర్ నుంచి షూటింగ్ ప్రారంభం కానున్నట్లు తెలుస్తోంది.

కాగా తన గత సినిమాల్లోలాగే ఈ మూవీని కొరటాల ఓ సామాజిక సందేశంతో తెరకెక్కించబోతున్నట్లు ముందు నుంచి వార్తలు వస్తున్నాయి. కానీ ఇటీవల చరణ్ తన ఇన్‌స్టాలో ఓ పోస్ట్ చేశాడు. కొరటాల ఆఫీసుకు వెళ్లిన చెర్రీ, ఆయనతో ఫొటో తీసుకొని దాన్ని అభిమానులతో షేర్ చేసుకున్నాడు. అందులో వీరిద్దరి మధ్యలో చార్లీ చాప్లిన్ ఫొటో ఉంది. దీన్ని బట్టి చూస్తుంటే చిరు సినిమాపై వీరిద్దరు చిన్న క్లూ ఇచ్చారేమోనని కొందరు అభిప్రాయపడుతున్నారు. అంటే కామెడీ నేపథ్యంలో చిరు-కొరటాల మూవీ ఉండబోతుందేమోనని మరికొందరు కామెంట్లు పెడుతున్నారు. అయితే కామెడీ చేయడం చిరుకు కొత్తేం కాదు. ఎన్నో చిత్రాల్లో ఆయన అద్భుత కామెడీని పండించారు. చంటబ్బాయి, బావగారు బావున్నారా, శంకర్‌దాదా జిందాబాద్ వంటి చిత్రాల్లో ఆయన మంచి కామెడీని చేశారు. ఇక చిరు కామెడీ బాగా చేస్తారని పెద్ద పెద్ద దర్శకులు కితాబిచ్చిన సందర్భాలు ఎన్నో ఉన్నాయి.

అయితే ఇప్పుడు చిరు-కొరటాల సినిమాపై అభిమానుల్లో అంచనాలు మరోలా ఉన్నాయి. వీరిద్దరి కాంబోలో కచ్చితంగా ఓ సెన్సేషనల్ చిత్రం రాబోతుందని వారంతా భావిస్తున్నారు. ఇలాంటి నేపథ్యంలో ఒకవేళ వీరిద్దరి కాంబోలో తెరకెక్కేది కామెడీ సినిమా అంటే వారు కాస్త నిరాశకు గురవుతున్నారు. అయితే అది కేవలం ఫొటో మాత్రమేనని.. చిరు తదుపరి చిత్రం పవర్‌ఫుల్ సబ్జెక్ట్‌తోనే ఉండబోతుందన్నది ఫిలింనగర్ టాక్. మరి వీరిద్దరి కాంబినేషన్‌లో ఎలాంటి చిత్రం రాబోతోంది..? ఈ సినిమాలో హీరోయిన్ ఎవరు..? ఈ సినిమా ఎప్పుడు విడుదల కాబోతోంది..? ఇలాంటి విషయాలు తెలియాలంటే మాత్రం కొద్ది రోజులు ఆగాల్సిందే.

Related Tags