Breaking News
  • నల్గొండ: చండూరు డాన్‌బాస్కో కాలేజీలో విద్యార్థి ఆత్మహత్య. ఉరివేసుకొని ఆత్మహత్య చేసుకున్న ఫస్టియర్‌ విద్యార్థి ప్రకాష్‌. ప్రకాష్‌ ఆత్మహత్యకు ప్రేమ వ్యవహారమే కారణమని అనుమానం. ప్రకాష్‌ స్వస్థలం గుంటూరు జిల్లా .
  • ప.గో: సంజీవయ్య నగర్‌లో కొండచిలువ కలకలం. నివాసాల మధ్యకు వచ్చిన 8 అడుగుల కొండచిలువ. భయబ్రాంతులకు గురైన స్థానికులు కొండచిలువను కొట్టి చంపిన స్థానికులు.
  • ప.గో: పెనుమంట్ర మండలం మార్టేరులో కిసాన్‌ మేళా. కిసాన్‌ మేళాలో పాల్గొన్న వ్యవసాయ మంత్రి కన్నబాబు. మాది రైతు పక్షపాత ప్రభుత్వం-మంత్రి కన్నబాబు. 44 లక్షల రైతు కుటుంబాలకు రైతుభరోసా వర్తింపు. రూ.3లక్షల రుణం తీసుకున్న రైతులకు వడ్డీ లేదు-కన్నబాబు. చిరుధాన్యాలు పండించే రైతులను ప్రోత్సహించేందుకు. త్వరలోనే విధివిధానాలు ప్రకటిస్తాం-మంత్రి కన్నబాబు
  • సంగారెడ్డి: జిల్లాలో పలు అభివృద్ధి పనులకు హరీష్‌రావు శంకుస్థాపన. జోగిపేట, ఆందోల్‌లో రూ.10కోట్ల పనులకు శంకుస్థాపన చేసిన హరీష్‌. మున్సిపాల్టీ ఎన్నికల్లో టీఆర్ఎస్‌ విజయం ఖాయం-మంత్రి హరీష్‌రావు. కాళేశ్వరం, మల్లన్న సాగర్‌ నీళ్లతో సింగూర్‌ను నింపుతాం-హరీష్‌. సాగుకోసం సింగూర్‌ నీరు మెదక్ జిల్లాకు దక్కేలా ప్రణాళికలు రచిస్తాం. సింగూర్‌లో నీళ్లు లేకపోవడంతో ప్రత్యామ్నాయ ఏర్పాటు చేస్తాం. అదనంగా నిధులు ఇవ్వాలని సీఎం అధికారులను ఆదేశించారు-హరీష్‌రావు.
  • తెలంగాణ భవన్‌లో ముగిసిన టీఆర్‌ఎస్‌పీపీ సమావేశం కాళేశ్వరం ప్రాజెక్ట్‌కు జాతీయహోదాపై పోరాడుతాం-ఎంపీ నామా. రాష్ట్రంలో అన్ని ప్రాజెక్ట్‌లకు నిధులు కోరుతాం-ఎంపీ నామా. కాళేశ్వరంపై సుప్రీంకోర్టులో ఏపీ అఫిడవిట్‌ దాఖలు చేయడంపై సీఎం కేసీఆర్‌ స్పందించారు-ఎంపీ నామా నాగేశ్వరరావు. బయ్యారం స్టీల్‌ప్లాంట్‌తో పాటు 30 అంశాలపై చర్చించాం . హామీల సాధన కోసం కేంద్రంపై ఒత్తిడి తెస్తాం-నామా నాగేశ్వరరావు. మిషన్‌ భగీరథ పథకానికి కేంద్రాన్ని నిధులు కోరుతాం-ఎంపీ నామా.
  • హైదరాబాద్‌: టీఆర్‌ఎస్‌ ఎంపీలకు కేటీఆర్‌ దిశానిర్దేశం. పార్లమెంట్ సమావేశాల్లో విభజన హామీలు పెండింగ్‌ సమస్యలను లేవనెత్తాలని కేటీఆర్‌ ఆదేశం. బడ్జెట్‌లో తెలంగాణకు దక్కాల్సిన అంశాలు, ప్రాజెక్టులు నిధులపై ఇప్పటి నుంచే పనిచేయాలని ఎంపీలకు సూచన. గణాంకాలతో ఎంపీలకు సమగ్ర సమాచారం అందించాలన్న కేటీఆర్‌. దేశ రాజధానిలో అన్ని హంగులతో పార్టీ కార్యాలయం నిర్మిస్తాం. పార్టీ ఆఫీస్‌ నిర్మాణ ప్రక్రియను వేగవంతం చేస్తామన్న కేటీఆర్‌.
  • తిరుమలలో పెరిగిన భక్తుల రద్దీ శ్రీవారి ఉచిత దర్శనానికి 12 గంటల సమయం ఈరోజు శ్రీవారి హుండీ ఆదాయం రూ.2.88కోట్లు

పొలిటికల్ స్ట్రాటజీలో కాంగ్రెస్ వెనకబడిందా.?

రాజకీయ వ్యూహాలను రచించడంలో జాతీయ పార్టీ కాంగ్రెస్ పరిస్థితి రోజురోజుకి వెనకబడుతోందని కొందరు రాజకీయ విశ్లేషకులు అంటున్నారు. దేశంలో మోదీ హవా ముందు కాంగ్రెస్ వ్యూహాలన్నీ విఫలమవుతున్నాయని చెప్పొచ్చు. దీనికి తగ్గట్టుగానే మహారాష్ట్ర అసెంబ్లీ ఎన్నికల్లో కాంగ్రెస్ ప్రచారం చప్పగా సాగింది. ఆ పార్టీ గెలవడం మాట అటుంచితే.. అసలు ఇప్పుడు పోటీనిచ్చే అవకాశమే కనిపించట్లేదని సర్వేలు చెబుతున్నాయి. కాంగ్రెస్ అధ్యక్షురాలు సోనియా గాంధీ ఎక్కడా కనిపించట్లేదు.. ఇక ఆ పార్టీ ప్రధాన కార్యదర్శి ప్రియాంక అయితే ఎక్కడికి రావట్లేదు. ఇకపోతే పార్టీ సీనియర్ నేతలు కూడా ఎన్నికల ప్రచారంలో పెద్దగా ప్రభావం చూపించకపోవడం గమనార్హం. అంతో ఇంతో చెప్పాలంటే కాంగ్రెస్ అధ్యక్ష పీఠాన్ని త్యజించిన రాహుల్ గాంధీ మాత్రం పార్టీ గెలుపు కోసం తిప్పలు పడుతున్నాడు.

ఇదిలా ఉంటే రాహుల్ గాంధీ మరోసారి తన అపరిపకత్వను మహారాష్ట్ర, హర్యానా ఎన్నికల సందర్భంగా బయటపెట్టారు. నాటి లోక్‌‌సభ ఎన్నికల వేళ మోదీ సర్కారు రఫెల్, జీఎస్టీ నోట్ల రద్దును ప్రస్తావించిన రాహుల్.. తాజాగా అవే ఆరోపణలు మహారాష్ట్ర ఎన్నికల ప్రచారంలో కూడా ప్రస్తావించడం కాంగ్రెస్‌ను మరింతగా కృంగదీస్తోంది. మరోవైపు రఫెల్ యుద్ధ విమానంపై ‘ఓం’ రాశారంటూ కేంద్ర రక్షణమంత్రిని రాహుల్ గాంధీ నిలదీయడం కూడా కాంగ్రెస్‌కు మైనస్‌గా మారింది. ముఖ్యంగా హిందువుల ఓట్లు ఆ పార్టీకి పడకుండా పోయాయన్న చర్చ జరుగుతోంది.

ఇప్పుడు మహారాష్ట్ర, హర్యానా రాష్ట్రాల ఎన్నికలను కాంగ్రెస్ పెద్దలు పెద్దగా పట్టించుకోకపోవడంతో ప్రచారం చప్పగా సాగుతోందనే టాక్ నడుస్తోంది. మొన్నటి లోక్‌సభ ఎన్నికల్లో యాక్టివ్‌గా ఉన్న ప్రియాంక.. ఈసారి ఎందుకు సైలెంట్ అయ్యారనేది కాంగ్రెస్ నేతలకు అంతుచిక్కని ప్రశ్నగా మారింది.

పార్టీ అన్నాక గెలుపోటములు సహజం. గెలిచినా.. ఓడినా ప్రజలకు, పార్టీ శ్రేణులకు అండగా నిలిచుకున్న వాడే నిజమైన నాయకుడు. దీనికి తగిన ఉదాహరణ ఏపీ సీఎం వైఎస్ జగన్మోహన్ రెడ్డి అని భావించవచ్చు. దాదాపు తొమ్మిదేళ్లు ప్రతిపక్షంలో ఉండి.. ప్రజలకు దగ్గరవుతూ.. కష్టసమయంలో పార్టీని ముందుండి నడిపించిన జగన్.. ఇప్పుడు సీఎంగా ప్రజల మన్ననలు పొందుతున్నారు. అలాంటిది ఐదేళ్లకే కాంగ్రెస్ రాజకీయ సన్యాసం తీసుకుంటే.. మున్ముందు ఆ పార్టీ కోలుకోవడం కష్టతరమని రాజకీయ వర్గాల్లో చర్చ జరుగుతోంది.