Breaking News
  • చెన్నై: ఐఐటీ విద్యార్థిని ఫాతిమా లతీఫ్‌ ఆత్మహత్య కేసు. ఫాతిమా లతీఫ్‌ ఆత్మహత్యపై విద్యార్థి సంఘాల ఆందోళనలు. అసిస్టెంట్‌ ప్రొఫెసర్‌ పద్మనాభన్‌పై చర్యలు తీసుకోవాలని డిమాండ్‌. నేడు ఐఐటీ ముట్టడికి విద్యార్థి సంఘాల పిలుపు.
  • కరీంనగర్‌: అలుగునూరులో రోడ్డుప్రమాదం. లారీ ఢీకొని ఇద్దరు యువకులు మృతి. మృతులు సాయికిరణ్‌, సాయికృష్ణగా గుర్తింపు.
  • నిజామాబాద్‌: భీమ్‌గల్‌ మండలం లింబాద్రిగుట్ట జాతరలో ప్రమాదం. డ్యాన్సింగ్‌ వీలుపై నుంచి పడి రవి అనే వ్యక్తికి తీవ్రగాయాలు. నిజామాబాద్‌ ఆస్పత్రికి తరలింపు.
  • ప్రభుత్వం 50 మంది కార్మికులను చంపేసింది. తప్పుడు విధానాలతో భవన నిర్మాణ కార్మికులు ఆకలితో చనిపోతున్నారు. ప్రజా సమస్యల పరిష్కారం కోసం ప్రభుత్వంపై యుద్ధం చేస్తున్నా. వ్యక్తిగతంగా విమర్శించను.. తప్పుడు విధానాలపైనే ప్రశ్నిస్తున్నా. కార్మికుల కష్టాలను సీఎం జగన్‌ పట్టించుకోవాలి-పవన్‌కల్యాణ్‌.
  • విశాఖ: ఏజెన్సీలో తగ్గిన ఉష్ణోగ్రతలు. అరకులో 13, చింతపల్లిలో 8, మినుములూరులో 10 డిగ్రీల ఉష్ణోగ్రత. పాడేరులో 12 డిగ్రీల ఉష్ణోగ్రత నమోదు.
  • కర్నూలు: విజయానికేతన్‌ స్కూల్‌ కరస్పాండెంట్‌, డైరెక్టర్‌ అరెస్ట్. సాంబార్‌ గిన్నెలో పడి విద్యార్థి మృతి చెందిన ఘటనలో అరెస్ట్‌. కరస్పాండెంట్ నాగమల్లేశ్వరరెడ్డి, డైరెక్టర్ విజయకుమార్‌రెడ్డిని.. రహస్యంగా రిమాండ్‌కు తరలించిన పాణ్యం పోలీసులు. హాస్టల్‌కు అనుమతి లేదని తేల్చిన విద్యాశాఖ అధికారులు. ఇంత వరకు బయటకు రాని సీసీఫుటేజ్‌. హాస్టల్‌లో సీసీ కెమెరాలు లేవంటున్న యాజమాన్యం.
  • హైదరాబాద్‌: మాదాపూర్‌లో రోడ్డుప్రమాదం. అయ్యప్ప సొసైటీలో అదుపుతప్పి స్కూల్‌ బస్సు బోల్తా. బస్సులో విద్యార్థులెవరూ లేకపోవడంతో తప్పిన ప్రమాదం.

టిక్ టాక్ స్టార్‌కు ఎమ్మెల్యే టికెట్.. బీజేపీ సంచలన నిర్ణయం

టిక్ టాక్.. ఇప్పుడు చాలామంది యువతకు ఇది లేకపోతే నిద్రపట్టదు. తరుచూ ఏదో ఒక వీడియోను అప్‌లోడ్ చేస్తూ.. సమయాన్ని గడిపేస్తుంటారు. ఈ యాప్ వల్ల కొందరు సెలబ్రిటీలయ్యారు. తమ అసాధారణ టాలెంట్‌తో ఓవర్‌నైట్ స్టార్లుగా ఎదిగారు. సినీ రంగానికే పరిమితమైన ఈ టాలెంట్ ప్రస్తుతం రాజకీయ పార్టీలకు కూడా ఉపయోగపడుతోంది. ఇప్పుడు హర్యానాలో అదే జరిగింది. టిక్ టాక్ వీడియోలతో విపరీతమైన పాపులారీటీ సంపాదించిన సోనాలీ ఫోగాట్ అనే యువతికి బీజేపీ పార్టీ ఏకంగా ఎమ్మెల్యే టికెట్ ఇచ్చింది.

ఎన్నికలు వచ్చాయంటే చాలు ప్రజలను ఆకర్షించడానికి బీజేపీ కొత్త వ్యూహాలను రచిస్తుంది. ఎప్పటికప్పుడు గ్లామర్‌ను జోడిస్తూ ప్రచారాన్ని విస్తృతంగా చేస్తుంది. బుల్లితెరపై సందడి చేసిన సోనాలి ఫోగాట్‌కు సోషల్ మీడియాలో విపరీతమైన ఫ్యాన్ ఫాలోయింగ్ ఉంది. అప్పుడప్పుడూ సరదాగా టిక్ టాక్ వీడియోలు చేస్తుండేవారు. దీంతో అతి తక్కువ సమయంలోనే ఆమెకు ఫాలోవర్ల సంఖ్య అమాంతం పెరిగిపోయింది. టిక్ టాక్‌లో ఆమె ఇప్పుడు పెద్ద స్టారయ్యారు. ఆమెకున్న ఫాలోయింగ్‌ను చూసిన బీజేపీ నేతలు ఆమెను ఎన్నికల బరిలోకి దించాలని భావించారు. కమలదళం పెద్దలు వ్యూహాత్మకంగా ప్రణాళికలు రచించి.. కాంగ్రెస్ పార్టీకి కంచుకోటగా ఉన్న ఆదంపూర్ నియోజకవర్గాన్ని ఎంచుకున్నారు.

రెండో జాబితాలో ఆమెకు బీజేపీ ఆదంపూర్ టికెట్‌ను కేటాయించారు. ఈసారి ఎలాగైనా ఆ నియోజకవర్గం నుంచి గెలుపొందాలని కమలనాథులు పట్టుదలతో ఉన్నారు. మరోవైపు ఈమెకు టికెట్ ప్రకటించిన తర్వాత అమాంతం టిక్ టాక్ ఫాలోవర్ల సంఖ్య పెరిగిపోవడం విశేషం. మరి ఈ టిక్ టాక్ స్టార్ అదృష్టం బీజేపీకి కలిసొస్తుందా లేదా అనేది మరికొన్ని రోజులు వేచి చూడాలి.