Breaking News
  • నల్గొండ: చండూరు డాన్‌బాస్కో కాలేజీలో విద్యార్థి ఆత్మహత్య. ఉరివేసుకొని ఆత్మహత్య చేసుకున్న ఫస్టియర్‌ విద్యార్థి ప్రకాష్‌. ప్రకాష్‌ ఆత్మహత్యకు ప్రేమ వ్యవహారమే కారణమని అనుమానం. ప్రకాష్‌ స్వస్థలం గుంటూరు జిల్లా .
  • ప.గో: సంజీవయ్య నగర్‌లో కొండచిలువ కలకలం. నివాసాల మధ్యకు వచ్చిన 8 అడుగుల కొండచిలువ. భయబ్రాంతులకు గురైన స్థానికులు కొండచిలువను కొట్టి చంపిన స్థానికులు.
  • ప.గో: పెనుమంట్ర మండలం మార్టేరులో కిసాన్‌ మేళా. కిసాన్‌ మేళాలో పాల్గొన్న వ్యవసాయ మంత్రి కన్నబాబు. మాది రైతు పక్షపాత ప్రభుత్వం-మంత్రి కన్నబాబు. 44 లక్షల రైతు కుటుంబాలకు రైతుభరోసా వర్తింపు. రూ.3లక్షల రుణం తీసుకున్న రైతులకు వడ్డీ లేదు-కన్నబాబు. చిరుధాన్యాలు పండించే రైతులను ప్రోత్సహించేందుకు. త్వరలోనే విధివిధానాలు ప్రకటిస్తాం-మంత్రి కన్నబాబు
  • సంగారెడ్డి: జిల్లాలో పలు అభివృద్ధి పనులకు హరీష్‌రావు శంకుస్థాపన. జోగిపేట, ఆందోల్‌లో రూ.10కోట్ల పనులకు శంకుస్థాపన చేసిన హరీష్‌. మున్సిపాల్టీ ఎన్నికల్లో టీఆర్ఎస్‌ విజయం ఖాయం-మంత్రి హరీష్‌రావు. కాళేశ్వరం, మల్లన్న సాగర్‌ నీళ్లతో సింగూర్‌ను నింపుతాం-హరీష్‌. సాగుకోసం సింగూర్‌ నీరు మెదక్ జిల్లాకు దక్కేలా ప్రణాళికలు రచిస్తాం. సింగూర్‌లో నీళ్లు లేకపోవడంతో ప్రత్యామ్నాయ ఏర్పాటు చేస్తాం. అదనంగా నిధులు ఇవ్వాలని సీఎం అధికారులను ఆదేశించారు-హరీష్‌రావు.
  • తెలంగాణ భవన్‌లో ముగిసిన టీఆర్‌ఎస్‌పీపీ సమావేశం కాళేశ్వరం ప్రాజెక్ట్‌కు జాతీయహోదాపై పోరాడుతాం-ఎంపీ నామా. రాష్ట్రంలో అన్ని ప్రాజెక్ట్‌లకు నిధులు కోరుతాం-ఎంపీ నామా. కాళేశ్వరంపై సుప్రీంకోర్టులో ఏపీ అఫిడవిట్‌ దాఖలు చేయడంపై సీఎం కేసీఆర్‌ స్పందించారు-ఎంపీ నామా నాగేశ్వరరావు. బయ్యారం స్టీల్‌ప్లాంట్‌తో పాటు 30 అంశాలపై చర్చించాం . హామీల సాధన కోసం కేంద్రంపై ఒత్తిడి తెస్తాం-నామా నాగేశ్వరరావు. మిషన్‌ భగీరథ పథకానికి కేంద్రాన్ని నిధులు కోరుతాం-ఎంపీ నామా.
  • హైదరాబాద్‌: టీఆర్‌ఎస్‌ ఎంపీలకు కేటీఆర్‌ దిశానిర్దేశం. పార్లమెంట్ సమావేశాల్లో విభజన హామీలు పెండింగ్‌ సమస్యలను లేవనెత్తాలని కేటీఆర్‌ ఆదేశం. బడ్జెట్‌లో తెలంగాణకు దక్కాల్సిన అంశాలు, ప్రాజెక్టులు నిధులపై ఇప్పటి నుంచే పనిచేయాలని ఎంపీలకు సూచన. గణాంకాలతో ఎంపీలకు సమగ్ర సమాచారం అందించాలన్న కేటీఆర్‌. దేశ రాజధానిలో అన్ని హంగులతో పార్టీ కార్యాలయం నిర్మిస్తాం. పార్టీ ఆఫీస్‌ నిర్మాణ ప్రక్రియను వేగవంతం చేస్తామన్న కేటీఆర్‌.
  • తిరుమలలో పెరిగిన భక్తుల రద్దీ శ్రీవారి ఉచిత దర్శనానికి 12 గంటల సమయం ఈరోజు శ్రీవారి హుండీ ఆదాయం రూ.2.88కోట్లు

సోనియా ఓ “చచ్చిన ఎలుక”.. బీజేపీ సీఎం నోటి దురుసు

వివాదాస్పద వ్యాఖ్యలకు కేరాఫ్ అడ్రస్‌గా నిలిచే హర్యానా సీఎం మనోహార్‌లాల్ ఖట్టర్.. మరోసారి తన నోటి దురుసుతనం బయట పెట్టారు. ఎన్నికల ప్రచారంలో భాగంగా ఆయన కాంగ్రెస్‌పై తీవ్ర స్థాయిలో విరుచుకుపడ్డారు. ఈ సందర్భంగా కాంగ్రెస్‌ తాత్కాలిక అధ్యక్షురాలు సోనియా గాంధీని ఓ “చచ్చిన ఎలుక” అంటూ వ్యాఖ్యలు చేసి రాజకీయ దుమారానికి తెరలేపారు. ఖట్టర్ చేసిన ఈ వ్యాఖ్యలపై కాంగ్రెస్‌ శ్రేణులు భగ్గుమంటున్నాయి. వెంటనే ఆయన క్షమాపణ చెప్పాలని కాంగ్రెస్ డిమాండ్ చేస్తోంది.

ఇటీవల జరిగిన సార్వత్రిక ఎన్నికల్లో కాంగ్రెస్ ఘోర పరాజయం తర్వాత రాహుల్ గాంధీ తన అధ్యక్ష పదవికి రాజీనామా చేశారని.. అయితే ఆయన స్థానంలో గాంధీ యేతర కుటుంబం నుంచి అధ్యక్షులు వస్తారని.. రాహుల్ చెబుతూ వచ్చారని.. అది మంచి నిర్ణయం అని మేము అనుకున్నామన్నారు. కానీ నూతన అధ్యక్షుడి కోసం మూడు నెలల పాటు దేశమంతా గాలించారని.. చివరకు కొండను తవ్వి ఎలుకను పట్టుకున్నట్లు సోనియాగాంధీని ఎన్నుకున్నారన్నారు. అది కూడా చచ్చిన ఎలుకను అంటూ ఖట్టర్ సంభోదించారు.

ఖట్టార్ చేసిన ఈ వ్యాఖ్యలపై కాంగ్రెస్ పార్టీ ట్విట్టర్‌ ఖాతా ద్వారా విరుచుకుపడింది. మహిళా నేతపై ఇలాంటి చౌకబారు వ్యాఖ్యలు చేయడం.. ఆ పార్టీ తీరుకు అద్ధం పడుతోందని మండిపడింది. తక్షణం కట్టార్ క్షమాపణ చెప్పాలని డిమాండ్ చేసింది.

అయితే ఖట్టార్ ఇలాంటి వివాదాస్పద వ్యాఖ్యలు చేయడం ఇదే తొలిసారి కాదు. ఇటీవల ఆర్టికల్ 370 రద్దు చేసిన తర్వాత.. జమ్ముకశ్మీర్‌ మహిళలను ఉద్దేశించి చేసిన వ్యాఖ్యలు కూడా దుమారం రేపాయి. ఇంతకు ముందు బీహార్ నుంచి కోడళ్లను తెచ్చుకునే వారమని, ఇప్పుడు కశ్మీర్ నుంచి కూడా తెచ్చుకోవచ్చని చేసిన వ్యాఖ్యలు హాట్‌ టాపిక్‌గా మారాయి.